ກອງປະຊຸມລັດຖະມົນຕີອະນຸພາກພື້ນແມ່ນ້ຳຂອງ
GMS ຄັ້ງທີ 19 ໄດ້ມີຂຶ້ນໃນວັນທີ 10-11 ທັນ ວານີ້ ຢູ່ໂຮງແຮມດອນຈັນພາເລດ
ນະຄອນຫລວງວຽງຈັນ ໂດຍການເປັນປະທານຂອງທ່ານນາງ ມອນມະນີ ຍອຍບົວກອງ ຫົວໜ້າກອງເລຂາຄະນະກຳມະ
ການແມ່ນ້ຳຂອງແຫ່ງຊາດ, ທ່ານ ເຈມ ຫົວໜ້າທະນາ ຄານ ພັດທະນາອາຊີ (ADB) ແລະ ຫົວໜ້າຮັບຜິດຊອບວຽກງານແມ່ນ້ຳ
ຂອງຈາກ ສປ ຈີນ, ໄທ, ມຽນ ມາ, ຫວຽດນາມ, ກຳປູເຈຍ ແລະ ລາວ ເຂົ້າຮ່ວມ ເຊິ່ງກອງປະຊຸມຄັ້ງນີ້ມີຫົວຂໍ້ສຳຄັນວ່າ:
“ຍຸກໃໝ່ຂອງການລິເລີ່ມ GMS ສຳລັບຄວາມຄືບໜ້າທີ່ເລັ່ງລັດໄວຂຶ້ນ”.
ໃນກອງປະຊຸມມີການທົບທວນຄືນ ແລະຮັບຮອງເອົາຂອບການລົງທຶນລະ
ດັບພາກພື້ນສະບັບສຸດທ້າຍ (RIR) ລວມທັງແຜນໂຄງການລະດັບພາກພື້ນແບບຍຸກໃໝ່ ແລະ
ຜົນໄດ້ຮັບຂອງວຽກງານວິເຄາະກ່ຽວກັບປະສິດທິພາບຂອງການດຳເນີນແຜນຂອບການລົງທຶນໃນລະດັບພາກພື້ນສະບັບສຸດທ້າຍທີ່ມີຫລາຍກວ່າ
200 ໂຄງການ ໃນ 10 ຂະແໜງການ ແລະ ມີມູນຄ່າເຖິງ 50 ຕື້ໂດລາສະຫະລັດ.
ຂອບການລົງທຶນລະດັບພາກພື້ນສະບັບສຸດທ້າຍຂອງ
GMS ນີ້ ແມ່ນມີຄວາມແຕກຕ່າງຈາກໂຄງການທີ່ປະຕິບັດຜ່ານມາ ເພາະວ່າໂຄງການຮ່ວມມືຜ່ານມາແມ່ນເວົ້າເຖິງພື້ນຖານການຂົນສົ່ງທີ່ໝາຍເຖິງການມີຖະໜົນ
ແລະ ຂົວຕ່າງໆ ເພື່ອໃຫ້ສາມາດເຊື່ອມຕໍ່ກັນໃນບັນດາປະເທດລຸ່ມ ແມ່ນ້ຳຂອງ, ແຕ່ໃນປັດຈຸບັນ
ທາງລົດໄຟແມ່ນມີບົດບາດພົ້ນ ເດັ່ນໃນຂອບການລົງທຶນລະດັບພາກພື້ນສະບັບສຸດທ້າຍ.
ນອກ ຈາກນີ້ ຂອບການລົງທຶນດັ່ງກ່າວຍັງໃຫ້ຄວາມສຳຄັນຫລວງ ຫລາຍຕໍ່ກັບການຂົນສົ່ງແບບຫລາຍປະເພດ
ແລະ ລະຫວ່າງປະເພດການຂົນສົ່ງ, ການອຳ ນວຍແກ່ການຂົນສົ່ງຂ້າມຊາຍແດນ, ສ່ວນໃນຂະແໜງພະລັງ
ງານຈະເນັ້ນໃສ່ການພັດທະນາຂອງຕະຫລາດພະລັງງານ ແລະ ສົ່ງເສີມການນຳໃຊ້ພະລັງງານທົດແທນຢ່າງມີປະສິດທິຜົນ,
ຂະແໜງຂໍ້ມູນຂ່າວສານ ແລະ ເຕັກໂນໂລຊີການສື່ສານ (ICT) ຈະສຸມໃສ່ການພັດທະນານຳໃຊ້ລະບົບ
ICT ເພື່ອສ້າງຄວາມເຂັ້ມແຂງໃຫ້ແກ່ພື້ນຖານໂຄງລ່າງດ້ານເຄືອຂ່າຍ ແລະ ສຳລັບຂົງເຂດວຽກງານທ່ອງທ່ຽວແມ່ນແນໃສ່ການສົ່ງເສີມພາກພື້ນໃຫ້ເປັນຫົວ
ໜ່ວຍອັນດຽວ, ການປັບປຸງພື້ນ ຖານໂຄງລ່າງ ແລະ ການຄຸ້ມຄອງການທ່ອງທ່ຽວທີ່ຍືນຍົງ.
ສ່ວນຂົງເຂດກະສິກຳແມ່ນແນໃສ່ການສົ່ງເສີມການຜະລິດກະສິກຳສະອາດປອດໄພຂອງສະບຽງ
ອາຫານ, ເວົ້າລວມແລ້ວ ຂອບການລົງທຶນລະດັບພາກພື້ນສະ ບັບສຸດທ້າຍແມ່ນກວມເອົາຫລາຍຂະແໜງການທີ່ສາມາດຫັນປ່ຽນລະບົບການຂົນສົ່ງເຂົ້າໄປໃນແລວທາງເສດຖະກິດທີ່ຮັບປະກັນການພັດທະນາແບບຍືນຍົງຂອງອະນຸພາກພື້ນ.
No comments:
Post a Comment