ພາຍຫລັງຮັບຟັງການ ລາຍງານຂອງລັດຖະບານກ່ຽວ
ກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ການປະຕິບັດນະໂຍບາຍເງິນຕາໃນປີ
2013 ແລະ ຜົນການກວດສອບແຜນງົບປະມານ ປະຈຳປີ 2011- 2012 ໃນກອງປະຊຸມສະໄໝສາມັນເທື່ອ
6 ຂອງສະພາແຫ່ງຊາດ ຊຸດທີVII ແລະ ໃນວັນທີ 10
ທັນວານີ້, ສະມາຊິກສະພາແຫ່ງ ຊາດກໍໄດ້ສືບຕໍ່ປະກອບຄຳເຫັນໃສ່ບົດ ລາຍງານດັ່ງກ່າວໂດຍສຸມໃສ່ມາດຕະການຄຸ້ມຄອງການລົງທຶນຂອງລັດເປັນຕົ້ນ:ການຊັບ
ຊ້ອນແຫລ່ງທຶນພາຍໃນຈາກບັນດາໂຄງການລົງທຶນທີ່ຖືກໂຈະໄປໃສ່ໂຄງການສືບຕໍ່,
ການແກ້ໄຂໜີ້ສິນຈາກການລົງທຶນຂອງລັດ ແລະ ໂຄງການນອກແຜນ, ບັນດາຫລັກການ ແລະ
ເງື່ອນໄຂການອະນຸມັດການລົງທຶນກ່ອນ ແລະ ກຳນົດຂັ້ນຕອນໃນການຕິດ ຕາມໂຄງການລົງທຶນຂອງລັດ
ເພື່ອຮັບປະກັນໃຫ້ການລົງທຶນໄປຕາມມູນຄ່າທີ່ໄດ້ອະນຸມັດ,ມີປະ ສິດທິຜົນ ແລະ
ສອດຄ່ອງກັບກົດ ໝາຍວ່າດ້ວຍການລົງທຶນ.ນອກ ຈາກນີ້,ສະມາຊິກສາພະແຫ່ງຊາດບາງເຂດເລືອກຕັ້ງ
ໄດ້ສະເໜີໃຫ້ມີການຕິດຕາມກວດກາການປອມແປງບັນຊີການເງິນ ໂດຍສະເພາະບັນຫາຈຳນວນພະ
ນັກງານທີ່ບໍ່
ຈະແຈ້ງໝາຍວ່າ:ບາງກົມກອງພະນັກງານເສຍຊີວິດແລ້ວ ພັດຍັງມີລາຍຊື່ກິນເງິນເດືອນຢູ່
ລວມທັງບັນຫາລູກ-ຫລານອາຍຸເກີນກໍຍັງມີບັນຊີກິນເງິນ. ນອກຈາກນີ້ ຍັງມີຄຳເຫັນບາງ
ສ່ວນກ່ຽວກັບການການຊື້-ຂາຍເລກ ຫລື ຫວຍເຖື່ອນ ໂດຍສະເໜີໃຫ້ມີມາດຕະການຄຸ້ມຄອງ,
ກວດກາ, ຕິດຕາມລວມເຖິງການ ຊຸກຍູ້ພະນັກງານໃນທຸກຂົງເຂດໃຫ້ມີຄວາມຮັບຜິດຊອບສູງຂຶ້ນທາງຄຸນນະພາບຂອງການເຮັດໜ້າທີ່ຂອງຕົນ.
No comments:
Post a Comment