ລັດຖະບານຍີ່ປຸ່ນຊ່ວຍເຫລືອລ້າແກ່ລາວ

        ລັດຖະບານ​ຍີ່ປຸ່ນ ​ໄດ້​ຕົກລົງ​ການ​ຊ່ວຍ​ເຫລືອ​ລ້າ​ໃຫ້​ແກ່​ລັດຖະບານ ສປປ.ລາວ ​ເພື່ອ​ການ​ພັດທະນາ​ເສດຖະກິດ-ສັງ ຄົມ​ຈຳນວນ 3 ໂຄງການ​ຄື: ​ໂຄງການ​ພັດທະນາ​ເຂື່ອນຂະໜາດນ້ອຍ, ມູນ​ຄ່າ 1.775 ລ້ານ​ເຢັນ; ​ໂຄງການ​ສ້າງ​ຄວາມ​ເຂັ້ມ​ແຂງ ການ​ບໍລິການ​ເຄືອ​ຂ່າຍ​ສາທາ ລະນະ​ສຸກ ບັນດາ​ແຂວງ​ພາກ​ໃຕ້ຂອງ​ລາວ ມູນ​ຄ່າ 741 ລ້ານ​ເຢັນ ​ແລະ ​ໂຄງ ການ​ຈັດ​ຊື້-ສະ ໜອງອຸປະກອນ​ທີ່​ທັນ​ສະ​ໄໝ ໃນ​ລະບົບ​ການ​ຂົນ​ສົ່ງ​ທາງ​ອາກາມູນ​ຄ່າ 533 ລ້ານ​ເຢັນ, ລວມທັງໝົດ 3.049 ລ້ານ​ເຢັນ ຫລື ປະມານ 32,2 ລ້ານ​ໂດ​ລາ​ສະຫະລັດ.

       ພິທີ​ລົງ​ນາມ​ໃນ​ສັນຍາ​ຊ່ວຍ ​ເຫລືອ ​ໄດ້​ມີ​ຂຶ້ນໃນ​ວັນ​ທີ 26 ມີນາ 2013 ​ໂດຍ​ທ່ານ ດຣ ທອງ​ລຸນ ສີ​ສຸ​ລິດ ຮອງ​ນາຍົກລັດ ຖະມົນຕີ ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ ​ແລະ ທ່ານ​ນາງ​ຈຸນ​ໂກະ ​ໂຢ​ໂກ​ຕະ ​ເອກ​ອັກຄະຣາຊະ​ທູດ​ຍີ່ປຸ່ນ​ປະຈຳ​ລາວ ຊຶ່ງ​ມີ​ເຈົ້າ ໜ້າທີ່​ກ່ຽວຂ້ອງ​ສອງ​ຝ່າຍ​ເຂົ້າ​ຮ່ວມ​ນຳ. ​ໂຄງການ​ຊ່ວຍ​ເຫລືອ​ຂອງ​ລັດຖະບານ​ຍີ່ປຸ່ນ​ໃນ​ຄັ້ງນີ້ ​ແມ່ນ​ນອນ​ຢູ່​ໃນ​ແຜນ​ພັດທະນາ​ເສດ ຖະກິດ-ສັງຄົມ​ຂອງ​ລັດຖະ ບານ ສປປ.ລາວ ທີ່​ໄດ້​ສະ​ເໜີຂໍ​ຄວາມ​ຊ່ວຍ​ເຫລືອ​ຈາກ​ລັດຖະ ບານ​ຍີ່ປຸ່ນ.

ພະຍຸລະດູຮ້ອນພັດເຂົ້າແຂວງສະ ຫວັນນະເຂດສ້າງຄວາມເສຍຫາຍເປັນຈຳນວນຫລາຍ

         ຄວາມເສຍຫາຍຈາກພະຍຸພັດບ້ານເຮືອນ, ຫ້າງຮ້ານ ແລະ ອາຄານສໍານັກງານຂອງປະຊາຊົນຢູ່ເທສະບານແຂວງ ສະຫວັນ ນະເຂດຍັງບໍ່ສາມາດປະເມີນຄ່າຄວາມເສຍຫາຍ ໄດ້ຢ່າງລະອຽດ ຂະນະທີ່ ຫ້ອງການແຮງງານສະຫວັດດີ ການ-ສັງຄົມ ເມືອງໄກ ສອນເປີດເຜີຍວ່າ: ຄວາມເສຍ ຫາຍ ຈາກເຫດການພະຍຸລະດູ ຮ້ອນພັດເຂົ້າມາຄັ້ງນີ້ອາດສ້າງ ຄວາມເສຍຫາຍເກີນ 500 ກວ່າ ລ້ານກີບ.

           ຕາມແຫລ່ງຂ່າວທ້ອງຖິ່ນ ໄດ້ເປີດເຜີຍຄັ້ງຫລ້າສຸດໃນວັນທີ 26 ມີນາ 2013 ນີ້ວ່າ: ເວລາປະ ມານ 15 ໂມງກວ່າໆ ຂອງວັນທີ 22 ມີນາ 2013 ໄດ້ເກີດພາຍຸລະດູ ຮ້ອນພ້ອມມີຝົນຕົກໜັກເກີດມີລູກ ໝາກເຫັບຕົກ ທັງມີລົມພັດຢ່າງ ຮຸນແຮງ ເປັນເວລາ 3-4 ຊົ່ວໂມງ ຕິດຕໍ່ກັນ ເຮັດໃຫ້ເຮືອນຊານ ຂອງປະຊາຊົນ ພາຍໃນເທສະ ບານແຂວງສະຫວັນນະເຂດ ເປັນ ຕົ້ນ ແມ່ນເມືອງໄກສອນ ພົມວິ ຫານ ມີເຮືອນຖືກເສຍຫາຍຫລາຍ ຫລັງ ເຊັ່ນ: ຫລັງຄາຖືກເລີ້ກຮື້ ພ້ອມດຽວກັນນັ້ນກໍມີເສົາ ໄຟຟ້າລົ້ມຈໍານວນໜຶ່ງ. ຈາກການເກັບກຳຂໍ້ມູນໃນເບື້ອງຕົ້ນມີເກືອບ 200 ຫລັງເສຍຫາຍ. ພ້ອມນີ້ກໍມີ ບາງສຳນັກງານ, ອົງ

ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ທວນຄືນມູນເຊື້ອວັນສ້າງຕັ້ງພັກ ຄົບຮອບ 58 ປີ

       ໃນວັນທີ  26  ມີນາ 2013 ນີ້, ກະຊວງຖະແຫລງຂ່າວ, ວັດທະ ນະທຳ ແລະ ທ່ອງທ່ຽວ ຈັດປາ ຖະກະຖາລະນຶກ ວັນສ້າງຕັ້ງພັກ ປະຊາຊົນປະຕິວັດ ລາວ ຄົບຮອບ 58 ປີ  (22/3/1955-23/3/2013) , ໃຫ້ກຽດບັນຍາຍໂດຍ ທ່ານ ສຈ. ດຣ. ບໍ່ແສງຄຳ ວົງດາລາ ກຳມະ ການສູນກາງພັກ, ເລຂາຄະນະ ພັກກະຊວງ, ລັດຖະມົນຕີວ່າການ ກະຊວງຖະແຫລງຂ່າວ, ວັດທະ ນະທຳ ແລະ ທ່ອງທ່ຽວ (ຖວທ), ໂດຍມີບັນດາຄະນະພັກກະຊວງ, ຫົວໜ້າກົມ,ຮອງກົມ,ພະນັກງານ ຫລັກແຫລ່ງ ແລະ ສະມາຊິກພັກ ເຂົ້າຮ່ວມຢ່າງ ພ້ອມພຽງ.

         ທ່ານ ສຈ. ດຣ. ບໍ່ແສງຄຳ ວົງດາລາ ໄດ້ຍົກໃຫ້ເຫັນປະຫວັດ ຄວາມເປັນມາຂອງການກຳເນີດ, ເຕີບໃຫຍ່ຂະຫຍາຍ ໂຕຂອງພັກ ປະຊາຊົນປະຕິວັດ ລາວ ແລະ ຜົນ ສຳເລັດແຫ່ງການຊີ້ນຳ ນຳພາ ຂອງພັກ ໄລຍະຕໍ່ສູ້ປົດປ່ອຍ ຊາດ, ໄລຍະປົກ ປັກຮັກສາ-ສ້າງສາ ປະ ເທດຊາດ ແລະ ໄລຍະຈັດຕັ້ງປະ ຕິບັດແນວທາງປ່ຽນແປງໃໝ່ ຂອງພັກ. ທ່ານໄດ້ເນັ້ນໃຫ້ເຫັນ ວ່າ: ພັກປະຊາ ຊົນປະຕິວັດລາວ ກຳເນີດເກີດຂຶ້ນຈາກຄວາມຮຽກ ຮ້ອງຕົວຈິງ ຂອງຂະບວນການ ຕໍ່ສູ້ ເພື່ອຄວາມເປັນເອກ ກະ ລາດ ແຫ່່ງຊາດ, ນັບແຕ່ມື້ໄດ້ຮັບ ການ ສ້າງຕັ້ງຂຶ້ນກໍໄດ້ປະເຊີນໜ້າກັບ ຈັດກກະພັດອາເມລິກາ ເຊິ່ງເປັນ ຈັກ ກະພັດໂຕໃໝ່ ແຕ່ພັກເຮົາກໍ ໄດ້ແບກ ຫາກເອົາພາລະກຳອັນ ໜັກໜ່ວງ ເພື່ອ ຊີ້ນຳນຳພາປວງ ຊົນລາວທັງຊາດຕ້ານການຮຸກ ຮານຂອງຈັກ

ສະຫະພາບເອີຣົບໃຫ້ຄວາມສຳຄັນໃນການຊ່ວຍເຫລືອດ້ານຄ້ຳປະກັນສະບຽງອາຫານຢູ່ລາວ

         ອົງການສະຫະປະຊາຊາດ ເພື່ອການພັດທະນາ(UNDP) ໄດ້ ປະເມີນໃນປີ 2010 ກ່ຽວກັບການ ພັດທະນາເຫັນວ່າ: ສ ປປ ລາວ ຢູ່ອັນດັບ 122 ໃນ 169 ປະເທດ ທົ່ວໂລກ ທີ່ມີການພັດທະນາໄວສົມ ຄວນ.ເນື່ອງຈາກວ່າ ສ ປປ ລາວ ມີການ ເຕີບ​ໂຕທາງເສດຖະ ກິດທີ່ ແຂງແຮງ ໃນໄລຍະປີ 2005 - 2010 ໂດຍມີອັດຕາການເຕີບໂຕ ສະເລ່ຍ 7,7% ແລະ ເຮັດໃຫ້ ອັດຕາສ່ວນຂອງປະຊາຊົນທີ່ທຸກ ຍາກຫລຸດລົງຈາກ 33,5% ໃນປີ 2003 ເຫລືອພຽງ 27,6% ໃນປີ 2008.

        ແນວໃດກໍຕາມ ສປປ ລາວ ໄດ້ພະຍາຍາມໃນການບັນລຸເປົ້າໝາຍສະຫັດສະວັດ ແຫ່ງການພັດ ທະນາ MDG ແຕ່ ການພັດທະນາ ຊ້ຳພັດມີຄວາມຄືບໜ້າຊ້າ ເຊິ່ງສະແດງ ອອກໃນໂຕເລກຊີ້ວັດກ່ຽວ ກັບຄວາມທຸກຍາກ ແລະ ຄວາມ ອຶດຫວິ, ສາທະລະນະສຸກ ແລະ ສຶກສາ ຍັງຖືວ່າບໍ່ທັນບັນລຸເປົ້າ ໝາຍໄດ້ດີເທົ່າທີ່ຄວນ ເຖິງວ່າ ເສດຖະກິດຂອງລາວຈາະມີທ່າບວກ ແຕ່ສະພາບການ ຄ້ຳປະກັນສະບຽງອາຫານ ແລະ ໂພສະນາການ ຍັງບໍ່ໄດ້ຮັບການປັບປຸງ ຫລາຍເທົ່າທີ່ຄວນ.

    ຕໍ່ບັນຫາດັ່ງກ່າວ ສະຫະພາບ ເອີຣົບ ຈຶ່ງໄດ້ເຫັນຄວາມສຳຄັນ ໃນການຊ່ວຍເຫລືອການຄ້ຳປະ ກັນສະບຽງອາຫານ ແລະ ການ ພັດທະນາຊົນນະບົດໃນລາວ ໂດຍ ນັບລວມທຸກໂຄງການໃນຂະ ແໜງພັດທະນາຊົນນະບົດທີ່ພວມ ດຳເນີນໃນປັດຈຸບັນ​

ປກສ ນະຄອນຫຼວງວຽງຈັນຈັບແກ໋ງຄ້າຢາເສບຕິດຢຶດຢາບ້າໄດ້ຫຼາຍພັນເມັດ

           ເຈົ້າໜ້າທີ່ ປກສ ນະຄອນ ຫຼວງວຽງຈັນ ໃຫ້ຮູ້ວ່າ: ໃນວັນທີ 19 ມີນາ ຜ່ານມາ ນີ້ ເຈົ້າໜ້າທີ່ພະ ແນກຕຳຫຼວດສະ ກັດກັ້ນ-ຕ້ານຢາ ເສບຕິດ ໄດ້ລົງແກ້ໄຂເປົ້າໝາຍ ຜູ້ຄ້າຂາຍຢາເສບຕິດ ຢູ່ເຂດບ້ານ ໄຊສະຫວ່າງ ເມືອງ ໄ​ຊທານີ ນະ ຄອນ ຫຼວງວຽງຈັນ ໂດຍກັກຕົວ ຜູ້ຕ້ອງຫາຄື: ທ້າວ ຊຽງອຸ່ນເຮືອນ ອາຍຸ 55 ປີ, ນາງ ບຸນຍົງ ອຸ່ນຍະ ວົງ ອາຍຸ 45 ປີ ຢູ່ບ້ານ ໄຊ ສະຫວ່າງ ເມືອງ ໄຊທານີ ໂດຍຍຶດ ຜົງຂາວ 1 ຖົງ, ເຮໂລອິນບັນຈຸໃນ ຂວດແກ້ວ(ບໍ່ທັນຮູ້ນ້ຳໜັກ), ປືນ ຈຳນວນ 3 ກະບອກ ລົດໃຫຍ່ 1 ຄັນ ຊຶ່ງຜ່ານການສືບສວນ ແລະ ຂະຫຍາຍຜົນ ເຈົ້າໜ້າທີ່ ຕຳຫຼວດ ສະກັດກັ້ນ ແລະ ຕ້ານຢາເສບຕິດນະຄອນ ຫຼວງວຽງຈັນຍັງສາມາດຈັບ ຕົວເຄືອຂ່າຍຜູ້ຮ່ວມຂະ ບວນ ການຄ້າຢາເສບຕິດໄດ້ຕື່ມ ຄື: ທ້າວ ຈັນທະຄາດ ສິນປະເສີດ ອາຍຸ 38 ປີ ຢູ່ບ້ານ ນາໄຊ ເມືອງ ທ່າ ພະບາດ ແຂວງ ບໍລິຄຳໄຊ, ນາງ ບຸດສະດີ ອາຍຸ 47 ປີ ຢູ່ບ້ານ ນາຊອນ ເມືອງ ປາກງື່ມ ນະ ຄອນຫຼວງວຽງຈັນ ພ້ອມຢາບ້າ 200 ກ່ວາເມັດ ແລະ ນາງ ແພງ ພົມ ມະນີ ອາຍຸ 43 ປີ ຢູ່ບ້ານ ທ່າໂພນ ສັນ ເມືອງທ່າພະ ບາດ ແຂວງບໍລິຄຳໄຊ ພ້ອມຢາບ້າ 6 ພັນເມັດ ເຊິ່ງປັດຈຸບັນທາງເຈົ້າໜ້າທີ່ກຳ ລັງເລັ່ງສືບສວນ -ສອບສວນ ເພື່ອຂະຫຍາຍ ຜົນກວາດລ້າງເຄືອ ຂ່າຍກຸ່ມແກ້ງດັ່ງກ່າວມາດຳເນີນ ຄະດີຕາມລະບຽບກົດໝາຍ.

ສື່ມວນຊົນລາວແລກປ່ຽນບົດຮຽນກັບສະມາຄົມນັກຂ່າວຫວຽດນາມ

         ໃນຕອນເຊົ້າ ວັນທີ 26 ມີນາ 2013 ທີ່ສະມາຄົມນັກຂ່າວແຫ່ງ ສປປ ລາວ ໄດ້ຕ້ອນຮັບຄະນະ ຜູ້ແທນ ສະມາຄົມ ນັກຂ່າວ ແຫ່ງ ສສ. ຫວຽດ ນາມ ຊຶ່ງນຳໂດຍ ທ່ານມາດຽວ ເກືອງ ຮອງປະ ທານສະມາຄົມນັກຂ່າວ ແຫ່ງ ສສ. ຫວຽດນາມ ປະ ທານສະມາຄົມນັກຂ່າວນະຄອນໂຮ່ຈິມິງ ທີ່ ໄດ້ເດີນທາງມາຢ້ຽມຢາມ ແລະ ເຮັດ ວຽກຢູ່ ສປປ ລາວ ໃນລະ ຫວ່າງ ວັນທີ 24-30 ມີນາ 2013 ນີ້ການ ພົບປະ ແລກປ່ຽນບົດຮຽນ ໃນຄັ້ງນີ້ມີ ທ່ານ ເຂັມທອງ ຊານຸ ບານ ຮອງຫົວ ໜ້າອຳນວຍ ການສຳນັກຂ່າວສານປະ ເທດລາວ, ທ່ານ ພັນໂທ ຊົງເດດ ວົງພູທອນ ຫົວໜ້າບັນນາທິການໜັງ ສືພິມກອງທັບ ພ້ອມ ດ້ວຍ ບັນດາສື່ມວນ ຊົນທຸກຂະແໜງການເຂົ້າຮ່ວມ. ການພົບປະທັງສອງຝ່າຍໄດ້ມີ ການແລກປ່ຽນຂໍ້ມູນຂ່າວສານ, ປະສົບການ ແລະ ບົດຮຽນ ໃນ ການເຄື່ອນ ໄຫວວຽກງານ ໃນ ໄລຍະໃໝ່ໃຫ້ ນັບມື້ໜັກແໜ້ນເຂັ້ມ ແຂງຍິ່ງໆຂຶ້ນ. ພ້ອມທັງເປັນການ ເພີ່ມທະວີວຽກງານສື່ ມວນຊົນ ຂອງສອງປະເທດ ໃຫ້ມີບາດກ້າວ ຂະຫຍາຍຕົວ ແລະ ມີຄຸນນະພາບ ນັບມື້ສູງຂຶ້ນ ການຮ່ວມ ມືດັ່ງກ່າວ ແມ່ນ ໄດ້ສະແດງເຖິງຄວາມສາມັກຄີແບບ ພິເສດ ແລະ ການຮ່ວມ ມືຮອບດ້ານຂອງ ປະເທດ ລາວ- ຫວຽດນາມ ທີ່ມີມາແຕ່ດົນນານໃຫ້ນັບມື້ຂະຫຍາຍຕົວຢ່າງບໍ່ຢຸດຢັ້ງ.

ຄະດີຄາດຕະກຳສາວຢູ່ບ້ານພັກດອນກອຍ ເຈົ້າຫນ້າທີ່ພວມເລັ່ງຈັບຕົວຄົນຮ້າຍມາດຳເນີນຄະດີ

        ຄະດີຄາດຕະກຳສາວ ອາຍຸ 20 ກ່ວາປີ ຢູ່ເຮືອນພັກ ແຫ່ງໜຶ່ງ ທີ່ບ້ານ ດອນກອຍ ເມືອງ ສີສັດຕະນາກ ນະຄອນຫຼວງ ວຽງຈັນ ຍັງບໍ່ມີຄວາມ ຄືບໜ້າ ໃນການຕິດຕາມນຳ ຈັບຕົວຜູ້ກໍ່ເຫດ ມາດຳເນີນຄະ ດີ ໄດ້ ພາຍຫຼັງເຫດຮ້າຍດັ່ງກ່າວຜ່ານໄປ ເກືອບ 2 ເດືອນ ແລ້ວ.

         ຜູ້ເສຍຊີວິດມີອາຊີບ ເປັນ ສາວເສີບ ຢູ່ຮ້ານກຶນດື່ມແຫ່ງ ໜຶ່ງ ຢູ່ບ້ານ ດອນກອຍ ເມືອງ ວີວັດຕະນາກ ຖືກຄາດຕະກຳ ໃນວັນທີ 30 ມັງກອນ 2013 ຜ່ານມາ ໂດຍເວລາຜ່ານໄປ ເກືອບ 2 ເດືອນໃນການສືບສວນ-ສອບສວນ ຂອງທາງເຈົ້າໜ້າທີ່ ປກສ ເມືອງ ສີສັດຕະນາກ ກໍຍັງບໍ່ທັນມີຄວາມ ຄືບໜ້າທີ່ຈະຮູ້ຕົວຄົນຮ້າຍ ແລະ ນຳຈັບຜູ້ກະທຳຜິດມາດຳເນີນຄະ ດີໄດ້ ເຊິ່ງ ເປັນສິ່ງທ້າທາຍ ແລະ ເປັນການສ້າງຫາງສຽງໃຫ້ສັງ ຄົມຕໍ່ບັນຫາດັ່ງກ່າວນັກຂ່າວໜັງ ສືພິມ ພວກເຮົາ ໄດ້ສອບຖາມໄປ ຍັງ ເຈົ້າໜ້າທີ່ເຖີງຄວາມຄືບໜ້າ ຄະດີດັ່ງກ່າວ ແລະ ໄດ້ຮັບຄຳຢືນ ຢັນ ຈາກ ທ່ານ ພັນຕີ ທອງສະ ຫວັດ ແສນ ສຸວາດ ຮອງກອງ ບັນຊາການ ປກສ ເມືອງ ສີສັດຕະ ນາກ ວ່າ: ຄະດີດັ່ງກ່າວທາງເຈົ້າ ໜ້າທີ່ ເມືອງພວກເຮົາກຳລັງເລັ່ງ ສືບສວນ-ສອບສວນ ແລະ ເກັບກຳຂໍ້ມູນທີ່ຈະມາ ເພື່ອມາຢືນຢັນ ເຖີງ ການເສຍຊີວິດຂອງຜູ້ກ່ຽວ ໂດຍ ທາງເຈົ້າໜ້າທີ່ໄດ້ລົງສົມທົບ ກັບ ໜ່ວຍ ງານສືບສວນ ແລະຕຳ ຫຼວດກຸ່ມບ້ານລົງເອົາຄຳໃຫ້ການ ຜູ້ທີ່ມີການພົວພັນກັບຜູ້ຕາຍ, ແຕ່ ຄະ ດີດັ່ງກ່າວມີຄວາມຫຍຸ້ງຍາກ

ເອກອັກຄະລັດຖະທູດຍີ່ປຸ່ນລ້ຽງສົ່ງນັກສຶກສາລາວທີ່ໄດ້ທຶນໄປສຶກສາຕໍ່ປະເທດຍີ່ປຸ່ນ

    ​ໃນ​ວັນ​ທີ 25 ມີນາ​ນີ້, ທີ່​ບ້ານ​ພັກທູດ​ຍີ່ປຸ່ນ​ປະຈຳ​ລາວ ​ໄດ້​ມີ​ພິທີ​ຈັດ​ງານ​ລ້ຽງ​ສົ່ງ​ໃຫ້​ແກ່​ນັກ​ສຶກສາ ລາວຈຳນວນ 21 ຄົນ ທີ່​ໄດ້​ຮັບ​ທຶນ​ໄປ​ສຶກສາ​ຕໍ່​ຢູ່​ປະ​ເທດ​ຍີ່ປຸ່ນ ​ເປັນ​ກຽດ​ເຂົ້າຮ່ວມ​ໃນ​ງານ​ດັ່ງກ່າວ​ມີ​ທ່ານ​ນາງ ຈຸນ​​ໂກະ ​ໂຢ​ໂກຕະ ​ເອກ​ອັກຄະຣາຊະ ທູດ​ຍີ່ປຸ່ນ​ປະຈຳ​ລາວ, ທ່ານ ປອນ​ເມກ ດາລາ​ລອຍ ປະທານ​ສະ ມາຄົມ​ມິດຕະພາບ ລາວ-ຍີ່ປຸ່ນ, ທ່ານ​ນາງ ​ແສງ​ເດືອນ ຫລ້າ​ຈັນ ທະ​ບູນ ລັດຖະມົນຕີ​ຊ່ວຍ​ວ່າການ​ກະຊວງ​ສຶກສາ​ທິການ ​ແລະ ກິ ລາ, ທ່ານ ຮສ. ດຣ. ​ເພັດ​ສະ ໝອນ ຄຸນ​ສະຫວັດ ຮອງ​ອະທິການ​ບໍດີ​ມະຫາວິທະຍາ​ໄລ​ແຫ່ງ​ຊາດ ​ແລະ ຄະນະ​ສະມາຄົມ​ອະ ດີດ​ນັກ​ສຶກສາລາວຈາກ​ປະ​ເທດ​ຍີ່ປຸ່ນ ພ້ອມ​ດ້ວຍ​ພະ ນັກງານ​ຈາກ​ພາກສ່ວນ​ທີ່​ກ່ຽວຂ້ອງ​ເຂົ້າຮ່ວມ.

      ​ໃນ​ໄລຍະ 20 ປີຜ່ານມາ, ລັດຖະບານ​ຍີ່ປຸ່ນ​ໄດ້​ສົ່ງ​ນັກ​ສຶກ ສາລາວ​ໄປ​ສຶກສາ​ຕໍ່​ທີ່​ປະ​ເທດ​ຍີ່ ປຸ່ນ​ມີ​ຈຳນວນ​ເຖິງ 821 ຄົນ ​ໂດຍ​ຜ່ານ​ຫລາຍໆ​ໂຄງການ​ທຶນ​ການ​ສຶກສາ​ເຊັ່ນ: ​ໂຄງການ​ທຶນ MEXT, JDS, YLP ​ແລະ ອື່ນໆ. ສຳລັບ​ປີນີ້ລັດຖະບານ​ຍີ່ປຸ່ນ​ໄດ້​ໃຫ້​ທຶນ​ແກ່​ນັກ​ສຶກສາລາ​ວຈຳ ນວນ 21 ຄົນ, ​ໃນ​ນັ້ນ 6 ຄົນ​ຈະ​ເຂົ້າຮຽນ​ໃນ​ລະດັບ​ປະລິນຍາ​ໂທ, 1 ຄົນ ​ເຂົ້າຮຽນ​ໃນ​