ບັນຫາຝາອັດຮ່ອງນ້ຳເສຍຫາຍແມ່ນເກີດຂຶ້ນຊ້ຳເຮື້ອຢູ່ຫລາຍຈຸດໃນຕົວເມືອງ
ນະຄອນຫລວງວຽງຈັນ ແລະ ບາງຈຸດກໍຖືກປ່ອຍປະເປັນເວລາດົນນານ ຈຶ່ງມີຄວາມສ່ຽງອັນຕະລາຍຕໍ່ຜູ້ຂັບຂີ່ເຊັ່ນ:
ຢູ່ເສັ້ນທາງເຂດບ້ານໂພນຕ້ອງສະຫວາດ ເມືອງ ຈັນທະບູລີ ລະຫວ່າງສີ່ແຍກຮ້ານອາຫານຄູເມືອງໄປຫາສີ່ແຍກໄຟແດງໂພນຕ້ອງ
ຝາອັດຮ່ອງນ້ຳບໍ່ເຫັນຈຸດໜຶ່ງ ປະຊາຊົນໃກ້ຄຽງໄດ້ເອົາໄມ້ ແລະ ຖົງຊີມັງມາຕັ້ງໝາຍໄວ້
ເພື່ອເຕືອນໃຫ້ຜູ້ຂັບຂີ່ຜ່ານໄປມາມີຄວາມລະວັງ ແລະ ອີກຈຸດໜຶ່ງທີ່ຝາອັດຮ່ອງນ້ຳບໍ່ເຫັນ
ແມ່ນຢູ່ເສັ້ນທາງລຽບດ້ານຂ້າງຫ້ອງວ່າການລັດຖະບານ ເຂດບ້ານສີດຳດວນ ເມືອງ ຈັນທະບູລີ
ເຊັ່ນດຽວກັນ ໂດຍສອບຖາມປະຊາຊົນຢູ່ໃກ້ຄຽງຮູ້ວ່າຝາອັດຮ່ອງນ້ຳທັງສອງຈຸດແມ່ນຖືກພວກມືກາວລັກໄປໄດ້ຫລາຍເດືອນແລ້ວ,
ແຕ່ຍັງບໍ່ເຫັນພາກສ່ວນກ່ຽວຂ້ອງໃດມາປົວແປງ.
No comments:
Post a Comment