ວ່າການ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ທ່ານນາງ ຊູດາ ກຸດຕີ ຮັກສາການຮອງຜູ້ຕາງໜ້າ
ອົງການສະຫະປະຊາຊາດ ເພື່ອການພັດທະນາປະຈຳລາວ, ມີຄູ່ຮ່ວມພັດທະນາ, ອາສາສະໝັກວິທະຍຸຊຸມຊົນເຂົ້າຮ່ວມ.
ກອງປະຊຸມໄດ້ຕີລາຄາການຈັດຕັ້ງປະຕິບັດແຜນງານດັ່ງກ່າວ
ໃນໄລຍະ 1 ປີຜ່ານມາວ່າ: ສາມາດປະຕິບັດໄດ້ 28 ກິດຈະກຳເປັນຕົ້ນ: ຈັດຊຸດຝຶກອົບຮົມໃຫ້ອາສາສະໝັກໃນ
3 ແຂວງຄື: ແຂວງ ອຸດົມໄຊ, ແຂວງ ຊຽງຂວາງ ແລະ ແຂວງເຊກອງຈຳນວນ 16 ຄັ້ງ, ມີຜູ້ເຂົ້າຮ່ວມ 635 ຄົນ, ກໍ່ສ້າງວິທະຍຸຊຸມຊົນຢູ່ເມືອງໜອງແຮດ
ແຂວງ ຊຽງຂວາງ ພ້ອມທັງຈັດຊື້ອຸປະກອນຕ່າງໆໄດ້ສຳເລັດ ແລະ ໄດ້ອອກອາກາດຢ່າງເປັນປົກກະຕິພ້ອມນີ້,
ໄດ້ຈັດຊື້ໂທລະໂຄ່ງຈຳນວນ 7 ຊຸດ ໃຫ້ແກ່
ແຂວງຊຽງຂວາງ ແລະ ເຊກອງ ແຂວງລະ 2 ຊຸດ ໃຫ້ແຂວງອຸດົມໄຊ 3 ຊຸດ ເພື່ອປ່ຽນແທນໂທລະໂຄ່ງທີ່ເປ່ເພຈາກໄພນ້ຳຖ້ວມ
ແລະ ກຳລັງກໍ່ສ້າງວິທະຍຸຊຸມຊົນຢູ່ແຂວງອຸດົມໄຊ ໃນສອງເມືອງ ຄື: ເມືອງຮຸນ
ແລະ ເມືອງນາໝໍ້ ຊຶ່ງຄາດວ່າຈະສຳເລັດໃນເດືອນ ມີນາ 2014. ມາຮອດປັດຈຸບັນ ໄດ້ສຳເລັດການກໍ່ສ້າງວິທະຍຸ
ຊຸມຊົນແລ້ວ 4 ແຫ່ງຄື:ຢູ່ເມືອງຄູນ ແລະ ໜອງແຮດ ແຂວງ ຊຽງຂວາງ, ເມືອງ ທ່າແຕງ
ແລະ ດາກຈຶງ ແຊວງ ເຊກອງ ໂດຍໄດ້ອອກອາກາດເປັນປົກກະຕິ ຊຶ່ງກະຈາຍອອກເປັນ
8 ພາສາຊົນເຜົ່າຄື: ພາສາລາວ, ມົ້ງ, ຂະມຸ, ຕະໂອ້ຍ, ຢາຣູ, ພ້ອງ, ຕຣຽງ ແລະ ກະຕູ.
ຜ່ານການປະຕິບັດແຜນງານດັ່ງກ່າວໃນປີ 2013 ໄດ້ນຳໃຊ້ງົບປະມານຈຳນວນ 367. 283 ໂດລາສະຫະລັດ ຫລື ປະ ມານ 2.938 ລ້ານກວ່າກີບ.
ສຳລັບປີ 2014 ແຜນງານ ດັ່ງກ່າວຈະຈັດຕັ້ງປະຕິບັດ
39 ກິດຈະກຳ ໃນ 3 ແຂວງຄື: ອຸດົມໄຊ, ຊຽງຂວາງ ແລະ ແຂວງເຊກອງ ແລະ ຄາດວ່າຈະຊື້ອຸປະກອນໂທລະໂຄ່ງຈຳນວນ
10 ຊຸດ ໃຫ້ແກ່ບ້ານເປົ້າໝາຍພ້ອມທັງຂະຫຍາຍສະຖານີວິທະຍຸຊຸມຊົນຢູ່ເມືອງເປົ້າໝາຍໃຫ້ສຳເລັດຕາມແຜນການວາງໄວ້.
No comments:
Post a Comment