ທ່ານ ສະຫລິດ ຕັ້ງຕົງເວດຊະກິດ ຜູ້ຈັດການບໍລິສັດ
ສີພັນດອນ ບໍລະເວນພັດທະນາ ຈຳກັດ ກ່າວວ່າ: ໂຄງການດັ່ງກ່າວແມ່ນໄດ້ຮັບອະນຸຍາດຈາກລັດຖະບານໃນການສຳປະທານເນື້ອທີ່ດິນຊຸດໂຊມຢູ່ເມືອງມູນລະປະໂມກ
ແຂວງຈຳປາສັກ
ຈຳນວນ 6.354 ເຮັກຕາ ເພື່ອດຳເນີນການປູກອ້ອຍ, ກໍ່ສ້າງໂຮງງານນ້ຳຕານ,
ໂຮງງານໄຟຟ້າຈາກສິ່ງເສດເຫລືອອ້ອຍ, ປຸຍຊີວະພາບ ແລະ ໂຮງງານຜະລິດເອທານອນຕາມລຳດັບ,
ມີອາຍຸສຳປະທານ 50 ປີ ແລະ ສາມາດຕໍ່ອາຍຸສຳປະທານໄດ້ຕາມລະບຽບກົດໝາຍຂອງລາວ,
ມີມູນຄ່າລົງທຶນປະມານ 165 ລ້ານໂດລາສະຫະລັດ. ປັດຈຸບັນ ໂຄງການໄດ້ສຳເລັດການເພາະພັນອ້ອຍທີ່ຈະປູກໃນເນື້ອທີ່ດັ່ງກ່າວ
ແລະ ເລີ່ມທົດລອງປູກແລ້ວຫລາຍກວ່າ 100 ເຮັກຕາ ແລະ ຈະຂະຫຍາຍການປູກໄປເທື່ອລະກ້າວ.
ນອກຈາກນີ້, ບໍລິສັດຍັງຈະຊຸກຍູ້ສົ່ງເສີມໃຫ້ປະຊາຊົນທ້ອງຖິ່ນຫັນມາປູກອ້ອຍແທນພືດທີ່ມີລາຍຮັບບໍ່ສູງຕາມນະໂຍບາຍ
2+3 ຄືປະຊາຊົນເປັນເນື້ອທີ່, ແຮງງານ ແລະ ບໍລິສັດສະໜອງແນວພັນ, ເຕັກນິກ ແລະ
ຕະຫລາດເກັບຊື້.
ທ່ານຫົວໜ້າພະແນກກະສິກຳ-ປ່າໄມ້ແຂວງຈຳປາສັກ
ກ່າວວ່າ: ໂຄງການດັ່ງກ່າວຈະຊ່ວຍໃຫ້ປະຊາຊົນທ້ອງຖິ່ນມີວຽກເຮັດງານທຳ ແລະ
ສ້າງລາຍຮັບດີກວ່າເກົ່າ ດ້ວຍການປູກອ້ອຍສະໜອງໂຮງງານ ແລະ ທັງຈະປະກອບສ່ວນເຂົ້າໃນການພັດທະນາເສດຖະກິດຂອງຊາດ
ແລະ ຫລຸດຜ່ອນຄວາມທຸກຍາກຂອງປະຊາຊົນນຳດ້ວຍ.
No comments:
Post a Comment