ບັນດາເອກະສານທີ່ລົງ ນາມຮ່ວມມືມີຄື: ບົດບັນທຶກຄວາມເຂົ້າໃຈວ່າດ້ວຍການສ້າງຕັ້ງກົງສູນໃຫຍ່ລົງນາມໂດຍ
ທ່ານ ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດລາວ ແລະ
ທ່ານ ຮໍ ນຳຮົງ ຮອງ
ນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ແລະ ການຮ່ວມມືສາກົນກຳປູເຈຍ, ສັນຍາວ່າດ້ວຍການ ສຶກສາ 2014-2018 ລົງນາມໂດຍ ທ່ານ ດຣ ພັນຄຳ ວິພາວັນ ລັດຖະມົນຕີວ່າການກະຊວງສຶກສາທິການ ແລະ ກິລາລາວ
ແລະ ທ່ານ ຮາງຊຸນ ນາໂລນ ລັດຖະມົນຕີວ່າການກະຊວງສຶກສາ,
ຊາວໜຸ່ມ ແລະ ກິລາກຳປູເຈຍ, ເອກະສານຮ່ວມມືລະ ຫວ່າງນະຄອນຫຼວງວຽງຈັນ-ນະຄອນຫຼວງພະນົມເປັນລົງນາມໂດຍ
ທ່ານ ສຸກັນ ມະຫາລາດ ເຈົ້າຄອງນະຄອນຫຼວງວຽງຈັນ ແລະ ທ່ານ ປາ ໂຊເຈຍ ເຕວົງ ເຈົ້າຄອງນະຄອນຫຼວງພະນົມເປັນ,
ບົດບັນທຶກຄວາມເຂົ້າໃຈວ່າດ້ວຍການຮ່ວມມືດ້ານກົດ ໝາຍລົງນາມໂດຍທ່ານ ດຣ ຈະເລີນ ເຢຢ ປາວເຮີລັດຖະມົນຕີວ່າການກະຊວງຍຸຕິທຳ
ແລະ ທ່ານ ອັງວົງ ວັດທະນາ ລັດຖະ ມົນຕີວ່າການກະຊວງຍຸຕິທຳກຳປູເຈຍ, ບົດບັນທຶກຄວາມເຂົ້າໃຈວ່າດ້ວຍການຮ່ວມມືດ້ານວັດທະນະທຳ
2014-2017 ລົງ ນາມໂດຍທ່ານ ສາສະດາຈານ ດຣ ບໍ່ແສງຄຳ ວົງດາລາ ລັດຖະມົນຕີວ່າການກະຊວງຖະແຫຼງຂ່າວ,
ວັດທະນະທຳ ແລະ ທ່ອງ ທ່ຽວ ແລະ ທ່ານນາງ ເພື່ອນ ສັກໂກນາ ລັດຖະມົນຕີວ່າການກະຊວງວັດທະນະທຳ
ແລະ ວິຈິດສິນກຳປູເຈຍ, ບົດບັນ ທຶກຄວາມເຂົ້າໃຈວ່າດ້ວຍການຮ່ວມມືດ້ານສາທາລະນະສຸກລົງນາມໂດຍທ່ານສາສະດາຈານ
ດຣ ເອກສະຫວ່າງ ວົງວິຈິດ ລັດ ຖະມົນຕີວ່າການກະຊວງສາທາລະນະສຸກ ແລະ ທ່ານ ມາມ ບຸນໂຮງ ລັດຖະມົນຕີວ່າການກະຊວງສາທາລະນະສຸກ
ກຳປູເຈຍ ແລະ ບົດບັນທຶກຮ່ວມມືລະຫວ່າງກະຊວງປ້ອງກັນຄວາມສະຫງົບແຫ່ງ ສປປ ລາວ ແລະ ລາຊະອານາຈັກກຳປູເຈຍ
ລົງນາມ ໂດຍທ່ານ ສົມແກ້ວ ສີລາວົງ ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບລາວ ແລະ
ທ່ານ ແຄ້ມ ຊ້ອມອານ ລັດຖະມົນຕີຊ່ວຍວ່າການກະຊວງພາຍໃນກຳປູເຈຍ.ນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ແລະ ການຮ່ວມມືສາກົນກຳປູເຈຍ, ສັນຍາວ່າດ້ວຍການ ສຶກສາ 2014-2018 ລົງນາມໂດຍ ທ່ານ ດຣ ພັນຄຳ ວິພາວັນ ລັດຖະມົນຕີວ່າການກະຊວງສຶກສາທິການ ແລະ ກິລາລາວ
ການຢ້ຽມຢາມ ສປປ ລາວ ຢ່າງເປັນທາງການຂອງທ່ານນາຍົກລັດຖະມົນຕີກຳປູເຈຍເທື່ອນີ້
ແມ່ນຄັ້ງທຳອິດພາຍຫລັງໄດ້ຮັບການເລືອກຕັ້ງອີກຄັ້ງໜຶ່ງໃຫ້ດຳລົງຕຳແໜ່ງເປັນນາຍົກລັດຖະມົນຕີ
ແຫ່ງຣາຊະອານາຈັກກຳປູເຈຍໃນປີຜ່ານມາ, ອັນ ເປັນການປະກອບສ່ວນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບ
ແລະ ການຮ່ວມມືລະຫວ່າງສອງປະເທດ ທີ່ມີມູນເຊື້ອອັນດີງາມມາແຕ່ດົນນານແລ້ວນັ້ນ
ໃຫ້ສືບຕໍ່ພັດທະນາດ້ວຍບາດກ້າວໃໝ່ຕໍ່ໄປ ໂດຍການພົບປະຫາລືຮ່ວມກັນຢ່າງເປັນທາງການນັ້ນ
ທ່ານນາຍົກລັດຖະມົນຕີທັງສອງປະເທດ ໄດ້ແຈ້ງສະພາບການພັດທະນາເສດຖະກິດ-ສັງຄົມໃຫ້ກັນຊາບ
ຕະຫລອດເຖິງການຮ່ວມມືຂອງສອງປະເທດ ໂດຍສະເພາະ ທ່ານ ທອງສິງ ທຳມະວົງ ໄດ້ສະແດງຄວາມຊົມເຊີຍຕໍ່ສົມເດັດ
ອັກຄະມາຫາເສນາບໍດີ ເຕໂຈ ຮຸນເຊນ ທີ່ໄດ້ມີນະໂຍບາຍອັນຖືກຕ້ອງໃນການນຳພາປະເທດ
ແລະ ມີບາດກ້າວໃໝ່ອັນໜັກແໜ້ນໃນການພັດທະນາເສດຖະກິດ-ສັງຄົມ. ທ່ານ ທອງສິງ ທຳມະວົງ
ຍັງໄດ້ສະແດງຄວາມຊົມເຊີຍຕໍ່ຜົນສຳເລັດຂອງການເລືອກຕັ້ງທີ່ໄດ້ດຳເນີນໄປຢ່າງຖືກຕ້ອງ
ແລະ ເປັນທຳທັງຜ່ານຜ່າໄດ້ກັບຄວາມຫຍຸ້ງຍາກທີ່ເກີດຂຶ້ນ, ພ້ອມນີ້ ກໍໄດ້ແຈ້ງສະພາບການຂອງລາວ
ທັງດ້ານການເມືອງ ແລະ ເສດຖະກິດ-ສັງຄົມ ໂດຍເນັ້ນວ່າ ລັດຖະບານລາວພວມເອົາໃຈໃສ່ຕໍ່ການພັດທະນາເສດຖະກິດ
ເປັນໃຈກາງສູ້ຊົນແຕ່ນີ້ຮອດ 2015, ຍອດຜະລິດຕະພັນພາຍໃນໃຫ້ໄດ້ 8% ຂຶ້ນໄປ
ແລະ ຮອດປີ 2020 ໃຫ້ສາມາດນຳພາປະເທດຫລຸດພົ້ນຈາກສະພາວະຄວາມດ້ອຍພັດທະນາ.
ສອງຝ່າຍໄດ້ສະແດງຄວາມຊົມເຊີຍ ຕໍ່ຜົນສຳເລັດຂອງຄະນະກຳມາທິການຮ່ວມວ່າດ້ວຍການຮ່ວມມືສອງຝ່າຍລາວ-ກຳປູເຈຍ,
ກຳປູເຈຍ-ລາວ ຄັ້ງທີ 12 ທີ່ຊຽມຣຽບ ຣາຊະອານາຈັກ ກຳປູເຈຍ ໃນຕົ້ນເດືອນມັງກອນຜ່ານມາ
ໂດຍໄດ້ເນັ້ນໃຫ້ສອງຝ່າຍຊຸກຍູ້ບັນດາຂະແໜງການຕ່າງໆເຫລົ່ານັ້ນ ທັງເພີ່ມທະວີ
ແລະ ຜັນຂະຫຍາຍເນື້ອໃນຈິດໃຈຂອງກອງປະຊຸມດັ່ງກ່າວໃຫ້ເປັນຮູບປະທຳ ໂດຍສະເພາະແມ່ນການຮ່ວມມືດ້ານການເມືອງ
ແລະ ຄວາມໝັ້ນຄົງ, ການຮ່ວມມືດ້ານເສດຖະກິດ, ການຄ້າ, ຄົມມະນາຄົມ-ຂົນສົ່ງ, ການທ່ອງທ່ຽວ,
ພະລັງງານ, ການຮ່ວມມືດ້ານເສດຖະກິດອານຸພາກພື້ນ, ການຮ່ວມມືໃນຂອບສາມຫລ່ຽມມໍລະກົດ
ລາວ-ກຳປູເຈຍ-ໄທ ແລະ ການຮ່ວມມືກ້ານວັດທະນາທຳ-ສັງຄົມ. ໄດ້ເນັ້ນໃຫ້ເຫັນຄວາມສຳຄັນຂອງການຢ້ຽມຢາມຄັ້ງນີ້
ຊຶ່ງບໍ່ພຽງແຕ່ຈະເປັນຂີດໝາຍໃໝ່ແຫ່ງການເພີ່ມທະວີ ແລະ ຮັດແໜ້ນສາຍພົວພັນມິດຕະພາບ
ແລະ ການຮ່ວມມືລະຫວ່າງສອງປະເທດຖານບ້ານໃກ້ເຮືອນຄຽງທີ່ດີຕໍ່ກັນເທົ່ານັ້ນ
ຫາກຍັງເປັນການເພີ່ມທະວີຄວາມສາມັກຄີ ແລະ ຄວາມເຂົ້າອົກເຂົ້າໃຈໃນການພົວພັນຮ່ວມມື
ເພື່ອການພັດທະນາຄອບຄົວອາຊຽນອີກດ້ວຍ.
ໃນຕອນບ່າຍຂອງວັນດຽວກັນ, ສົມເດັດ ອັກຄະມາຫາ
ເສນາບໍດີ ເຕໂຈ ຮຸນເຊນ ໄດ້ເຂົ້າຢ້ຽມຂ່ຳນັບ ທ່ານ ຈູມມາລີ ໄຊຍະສອນ ປະທານປະເທດແຫ່ງ
ສປປ ລາວ ແລະ ພົບປະຢ້ຽມຢາມທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ການພົບປະໂອ້ລົມຜູ້ນຳລາວ
ຕ່າງຝ່າຍກໍໄດ້ສະແດງຄວາມເພິ່ງພໍໃຈ ແລະ ຊົມເຊີຍຕໍ່ສາຍພົວພັນຂອງທັງສອງປະເທດ
ທີ່ເປັນສາຍພົວພັນຖານບ້ານໃກ້ເຮືອນຄຽງທີ່ດີຕໍ່ກັນ ແລະ ຕ່າງຝ່າຍຕ່າງໄດ້ຮັບຜົນປະໂຫຍດມາສູ່ປະຊາຊົນສອງຊາດຢ່າງແທ້ຈິງ.
ການພົບປະນຳເນີນໄປດ້ວຍບັນຍາກາດແຫ່ງໄມຕີຈິດມິດຕະພາບທີ່ສະໜິດສະໜົມ, ອົບອຸ່ນ
ແລະ ເຂົ້າອົກເຂົ້າໃຈກັນຢ່າງເລິກເຊິ່ງ. ຈາກນັ້ນ ຄະນະຜູ້ແທນກຳປູເຈຍ ກໍໄດ້ໄປວາງພວງມາລາທີ່ອານຸສາວະລີນັກຮົບນິລະນານ.
ການຢ້ຽມຢາມ ສປປ ລາວ ຢ່າງເປັນທາງການ ຂອງສົມເດັດ
ອັກຄະມາຫາ ເສນາບໍດີ ເຕໂຈ ຮຸນເຊນ ນາຍົກລັດຖະ
ມົນຕີແຫ່ງ ຣາຊະອານາຈັກ ກຳປູເຈຍ ຄັ້ງນີ້ ຖືວ່າເປັນຂີດໝາຍໃໝ່ ແຫ່ງການຮັດແໜ້ນສາຍພົວພັນ
ແລະ ເສີມຂະຫຍາຍການຮ່ວມມືລະຫວ່າງປະຊາຊົນຊາດລາວ ແລະ ກຳປູເຈຍ ໃຫ້ຈະເລີນງອກງາມຍິ່ງໆຂຶ້ນ.
No comments:
Post a Comment