ທ່ານ ດຣ. ລຽນ ທິແກ້ວ ລັດຖະມົນຕີວ່າການກະຊວງການເງິນໄດ້ໃຫ້ຮູ້ວ່າ:
ເພື່ອຮັບປະກັນໃຫ້ການຈັດເກັບພາສີອາກອນມີຄວາມສະດວກວ່ອງໄວງ່າຍ ດາຍສຳລັບຜູ້ປະກອບການ
ແລະ ຜູ້ເສຍພັນທະຖືກຕ້ອງຕາມລະ ບຽບກົດໝາຍ, ພ້ອມທັງມີປະ ສິດທິພາບໃນຂົງເຂດພາສີ
ແລະ ຄັງເງິນໂດຍຈະໄດ້ເຮັດທົດລອງນຳໃຊ້ລະບົບແຈ້ງເກັບພາສີແບບອັດຕະໂນມັດ
ເພື່ອໃຫ້ຜູ້ເສຍພາສີທີ່ນຳໃຊ້ບັດ Smart Cart ແທນເງິນສົດແລ້ວມອບຜ່ານບັດຮູດເງິນຂອງທະນາຄານການຄ້າ
ຕ່າງປະເທດລາວ ມະຫາຊົນ BCEL ໂອນເຂົ້າບັນຊີເງິນຝາກຂອງຄັງເງິນແຫ່ງຊາດ ໂດຍມີເປົ້າໝາຍເລີ່ມທົດລອງໃນເດືອນກໍລະກົດ
2014ນີ້ ຢູ່ດ່ານພາສີທ່ານາແລ້ງ, ດ່ານບໍ່ເຕັນ ແຂວງຫລວງນ້ຳທາ, ດ່ານຂົວມິດຕະພາບ
4 ແຂວງບໍ່ແກ້ວ, ດ່ານວັງເຕົ່າ ແຂວງຈຳປາສັກ. ພ້ອມນັ້ນກໍຈະໄດ້ຄົ້ນຄວ້າປຶກສາຫາລືກັບບັນດາທະນາຄານທຸລະກິດລັດເພື່ອສຶກສາຄວາມອາດສາມາດໃນການບໍລິການຢູ່ບັນດາດ່ານພາສີດ່ານອື່ນໆທີ່ເຫັນວ່າມີຄວາມຈຳເປັນ.
ສ່ວນຢູ່ໃນຂົງເຂດສ່ວຍສາອາກອນໄດ້ນຳໃຊ້ລະບົບແຈ້ງເສຍອາກອນດ້ວຍລະບົບທີ່ທັນສະໄໝຜ່ານເວັບໄຊ,
ມອບຜ່ານລະບົບທະນາຄານຢູ່ໃນ 5 ຈຸດຄື ກົມສ່ວຍສາອາ ກອນນະຄອນຫລວງວຽງຈັນ, ແຂວງບໍລິຄຳໄຊ,
ຄຳມ່ວນ, ສະ ຫວັນນະເຂດ ແລະ ຫລວງພະບາງ. ສ່ວນການປັບປຸງກົນໄກການຄຸ້ມຄອງ, ລະບຽບການໃຫ້ມີຄວາມ
ສະດວກ,
ປະສິດທິຜົນ ແລະ ວ່ອງໄວຂຶ້ນກວ່າເກົ່ານັ້ນ ກະຊວງການເງິນຈະໄດ້ເອົາໃຈໃສ່ເຝິກອົບຮົມດ້ານວິຊາສະເພາະ
ແລະ ບັນດາລະບຽບກົດໝາຍໃຫ້ແກ່ພະນັກງານໃນຂະແໜງການເງິນໂດຍສະເພາະພະນັກງານທີ່ປະຕິບັດໜ້າທີ່ຕົວຈິງຢູ່ຂັ້ນແຂວງ,
ເມືອງ. ສ່ວນຕໍ່ພະນັກງານ ແລະ ຜູ້ປະກອບການທີ່ກະທຳຜິດຈະໄດ້ສຶກສາອົບຮົມ, ກ່າວເຕືອນ
ແລະ ຖ້າຫາກເຖິງຂັ້ນຮຸນແຮງແມ່ນຈະໄດ້ດຳເນີນຕາມລະບຽບກົດໝາຍຢ່າງເຂັ້ມງວດ.
ແກ້ໄຂແດ່ "ພາສີ" ບໍ່ແມ່ນ "ພາສາ"
ReplyDeleteຂອບໃຈຫລາຍໆເດີ
Delete