ການຈັດຕັ້ງປະຕິບັດບັນລຸເປົ້າໝາຍສະຫັດສະວັດ
ແມ່ນໜ້າທີ່ຂອງທົ່ວສັງຄົມເວົ້າລວມ, ໃນນັ້ນ ເປົ້າໝາຍທີ່ຕິດພັນໂດຍກົງກັບຂະແໜງການສາທາລະນະສຸກຄື:
ເປົ້າໝາຍທີ 4 ຫລຸດຜ່ອນອັດຕາການຊີວິດຂອງເດັກນ້ອຍ, ເປົ້າໝາຍທີ 5 ປັບປຸງສຸຂະພາບຂອງແມ່
ແລະ ເປົ້າໝາຍທີ 6 ຕ້ານກັບເຊື້ອໂລກເອດ, ມາເລເຣຍ ແລະ ພະຍາດອື່ນໆ ແລະ ມີ
2 ເປົ້າໝາຍທີ່ຕິດພັນບາງສ່ວນຄື: ເປົ້າໝາຍທີ 1 (ດ້ານໂພຊະນາການ: ເດັກນ້ຳໜັກຕ່ຳກວ່າມາດຖານ
ແລະ ການເຕ້ຍ) ແລະ ເປົ້າໝາຍທີ 7 (ດ້ານນ້ຳສະອາດ ແລະ ວິດຖ່າຍ).
ທ່ານ ສຈ. ດຣ ເອກສະຫວ່າງ ວົງວິຈິດ ລັດຖະມົນຕີວ່າການກະ
ຊວງສາທາລະນະສຸກ ໃຫ້ຮູ້ວ່າ: ໂດຍປະຕິບັດຕາມ
ຈິດໃຈຊີ້ນຳຂອງມະຕິກອງປະຊຸມໃຫຍ່ຄັ້ງທີ
IX, ຂະແໜງສາທາລະນະສຸກ ໄດ້ຜັນຂະຫຍາຍ ແລະ ຈັດຕັ້ງປະຕິບັດແຜນ
ພັດທະນາສາທາລະນະສຸກ
5 ປີ ຄັ້ງທີ VII ແລະ ຍຸດທະສາດປະຕິຮູບສາທາລະນະສຸກ ດ້ວຍການເຜີຍແຜ່ ແລະ ມອບຄວາມຮັບຜິດຊອບໃຫ້ແຕ່ລະແຜນງານໂຄງການສຸມໃສ່ບຸກທະລຸຕາມເປົ້າໝາຍສະຫັດສະວັດ
ຊຶ່ງສາມາດສັງລວມຄວາມຄືບໜ້າ ການຈັດຕັ້ງປະຕິບັດເປົ້າໝາຍສະຫັດສະວັດຕາມການປະເມີນຂອງອົງການອະນາໄມໂລກ
ຮ່ວມກັບບັນດາຄູ່ຮ່ວມມືພັດທະ ນາດັ່ງນີ້: ເປົ້າໝາຍທີ 1 ລົບລ້າງຄວາມທຸກຍາກ
ແລະ ໄພອຶດຫິວ (ໂພຊະນາການ) ອັດຕາສ່ວນເດັກນ້ອຍລຸ່ມ 5 ປີ ມີນ້ຳໜັກຕ່ຳກວ່າມາດຕະຖານ
ເຫັນວ່າມີຄວາມຄືບໜ້າຊ້າ ແລະ ມີຄວາມຄວາມສ່ຽງທີ່ຈະບໍ່ບັນລຸ ຊຶ່ງມັນ ສະແດງອອກໃນປີ
2012 ບັນລຸພຽງແຕ່ 27% ຄາດໝາຍປີ 2015 ໃຫ້ຫລຸດລົງ 22%, ອັດຕາສ່ວນເດັກນ້ອຍລຸ່ມ
5 ປີທີ່ເຕ້ຍ (ຂາດອາຫານຊຳເຮື້ອ) ບັນລຸພຽງແຕ່ 44% ຄາດໝາຍໃນປີ 2015 ໃຫ້ຫລຸດລົງ
34% ເຫັນວ່າມີຄວາມສ່ຽງສູງທີ່ຈະບໍ່ບັນລຸເພາະຕ້ອງໃຊ້ເວລາພໍສົມຄວນເພື່ອບັນລຸຄາດໝາຍດັ່ງກ່າວ.
ລັດຖະມົນຕີໄດ້ຍອມຮັບຕໍ່ຂໍ້ຂາດຕົກບົກພ່ອງທີ່ຈະຕ້ອງໄດ້ແກ້ໄຂບັນຫາທີ່ນອນຢູ່ໃນ
3 ລະດັບຄື ລະດັບບຸກຄົນ, ການບໍລິໂພກອາຫານບໍ່ພຽງພໍທັງປະລິ ມານ ແລະ ຄຸນນະພາບ ຊຶ່ງສ່ວນໃຫຍ່ແມ່ນຂາດຄວາມຮູ້ດ້ານໂພຊະນາການ,
ຄວາມເຊື່ອຖືທີ່ບໍ່ຖືກຕ້ອງ ໂດຍສະເພາະການຄະລຳອາຫານພາຍຫລັງເກີດລູກ ແລະ
ການໃຫ້ອາຫານເສີມບໍ່ຖືກວິທີ, ມັກມີການຕິດຊຶມເຊື້ອເຊັ່ນ: ຖອກທ້ອງ; ສຳລັບຢູ່ໃນລະ
ດັບທ້ອງຖິ່ນການຄ້ຳປະກັນສະບຽງອາຫານຢູ່ໃນລະດັບ ຄອບຄົວຍັງຕ່ຳ, ພຶດຕິກຳການຮັກ
ສາສຸຂະພາບແມ່ ແລະ ເດັກຍັງຕ່ຳ, ຄວາມຮູ້ດ້ານໂພຊະນາການຍັງບໍ່ຖືກຕ້ອງ ແລະ
ຍັງມີຄວາມເຊື່ອບໍ່ສອດຄ່ອງກັບຫລັກໂພຊະນາການ, ການອະນາໄມ-ສິ່ງແວດລ້ອມຍັງບໍ່ທັນໄດ້ດີ,
ການ ຈັດຫານ້ຳສະອາດຍັັງບໍ່ທັນທົ່ວເຖິງ ແລະ ປັດຈຸບັນຍຸດທະສາດ ແລະ ແຜນງານໂພຊະ
ນາການແຫ່ງຊາດ ໄດ້ປະກາດ ແລະ ນຳໃຊ້ເປັນທາງການແລ້ວ ແຕ່ຍັງປະຕິບັດບໍ່ໄດ້ກວ້າງຂວາງ
ແລະ ຍັງບໍ່ກວມເອົາຕາມແຜນງານໄດ້ໝົດເທື່ອ, ການລົງທຶນໃສ່ວຽກໂຄສະນາທັງພາຍໃນ
ແລະ ຕ່າງປະເທດ ໄປຄຽງຄູ່ກັບການສະໜັບສະໜູນຈາກ ພາກສ່ວນເອກະຊົນຍັງຈຳກັດ,
ການປະສານງານກັບຫລາຍຂະແໜງການທີ່ເຮັດວຽກກ່ຽວກັບໂພຊະນາການຍັງເຮັດບໍ່ທັນໄດ້ດີ,
ການຄົ້ນຄວ້າວິທະຍາສາດ, ຂໍ້ ມູນຂ່າວສານກ່ຽວກັບໂພຊະນາການຍັງບໍ່ທັນກວ້າງຂວາງພຽງພໍ. ສ່ວນທາງດ້ານອັດຕາການຕາຍຂອງແມ່ ນອນຢູ່ໃນເປົ້າໝາຍທີ
5 ແລະ ເປົ້າໝາຍທີ 4 ຫລຸດຜ່ອນການຕາຍຂອງເດັກ ອົງການອະນາໄມໂລກ ກໍໄດ້ເຮັດໜັງສືທາງການ
ເພື່ອຢັ້ງຢືນຕົວເລກອັດຕາການຕາຍຂອງແມ່ທີ່ບັນລຸເປົ້າໝາຍສະຫັດສະວັດ ແລະ
ຢັ້ງຢືນ ສປປ ລາວ ສາມາດ ລຶບລ້າງພະຍາດບາດທະຍັກໃນແມ່ ແລະ ເດັກແດງ, ຊຶ່ງອົງການອະນາໄມໂລກ
ໄດ້ຂໍອະນຸ ຍາດເພື່ອຈັດພິທີມອບໃບຢັ້ງຢືນດັ່ງກ່າວໃຫ້ແກ່ລັດຖະບານລາວ. ພ້ອມກັນນີ້
ອັດຕາການເກີດລູກມີແພດຊ່ວຍແມ່ນຢູ່ໃນລະດັບ
58% ແຕ່ຄາດໝາຍໃຫ້ບັນລຸໄດ້ໃນປີ 2015 ແມ່ນ 50% ເຊິ່ງສະແດງໃຫ້ເຫັນໄດ້ວ່າ:
ບັນລຸໄດ້ແລ້ວ.
ເມື່ອກ່ອນ ສປປ ລາວ ບໍ່ມີລະບົບການສ້າງຜະດຸງຄັນ
ແລະ ຕາໜ່າງການບໍລິການສຸຂະພາບຍັງຈຳກັດ, ຈຶ່ງເຮັດໃຫ້ອັດຕາການເກີດລູກໂດຍແພດຊ່ວຍຍັງຕ່ຳຫລາຍຈຶ່ງເປັນສາເຫດໃຫ້ອັດຕາການຕາຍຂອງແມ່ນັ້ນສູງ.
No comments:
Post a Comment