ວັນທີ 1 ກັນຍານີ້, ບໍລິສັດ ໄທ ຊຳຊຸງ ເອເລັກໂຕນິກປະຈຳ
ປະເທດລາວໄດ້ ຈັດພິທີຈັບສະຫຼາກຫາລູກຄ້າຜູ້ໂຊກ ດີທີ່ຈະໄດ້ໄປທົວກັບຊຳຊຸງທີ່ປະເທດສິງກະ ໂປຂຶ້ນ
ຢູ່ສູນຊຳຊຸງ LTH ຖະ ໜົນດົງປະລານນະຄອນຫຼວງວຽງຈັນ, ຊຶ່ງເປັນ ໂຄງການຕອບແທນລູກຄ້າຂອງຊຳຊຸງ
ເພື່ອໄປຊົມການສະແດງຂອງນັກຮ້ອງຊື່ດັງ ຈາກປະເທດເກົາ ຫຼີເຊັ່ນ: ຄະນະ Big Bang,
2NE1 ແລະ SPY ຢູ່ປະເທດ ສິງກະໂປຈຳນວນ 5 ລາງວັນ,
ລາງວັນລະ 2 ຄົນ, ໂດຍແຕ່ລະລາງວັນແມ່ນລວມຄ່າໃຊ້ຈ່າຍຕ່າງໆເຊັ່ນ: ປີ້ ຍົນໄປກັບວຽງຈັນ-ສິງກະໂປ
ແລະ ທີ່ພັກ 3 ວັນ 2 ຄືນ, ຊຶ່ງຈະເດີນທາງໄປໃນລະຫວ່າງວັນທີ 12-14 ກັນຍານີ້,
ໂດຍເງື່ອນໄຂໃນການຊີງລາງວັນດັ່ງກ່າວ ແມ່ນລູກຄ້າຜູ້ທີ່ຊື້ຜະລິດຕະພັນຂອງຊຳຊຸງເຊັ່ນ:
samsung Galaxy s5 ຫຼື Galaxy Tab s, ຊຶ່ງລູກຄ້າຈະໄດ້ຮັບຄູປອງ 1 ໃບເພື່ອຊີງລາງວັນດັ່ງກ່າວ,
ໂຄງ ການນີ້ແມ່ນເລີ່ມແຕ່ວັນ
ທີ 1 ຫາ 31 ສິງຫາ 2014 ເຊິ່ງຜູ້ໂຊກດີ 5 ທ່ານທີ່ໄດ້ຮັບລາງວັນໃນຄັ້ງນີ້ມີຄື
ພະອາຈານຄຳຜາຍ ຢູ່ວັດສີສັງວອນ, ນາງ ສີລາພອນ
ແກ້ວ ບຸນພາ ຢູ່ບ້ານນາຊາຍທອງໃຕ້, ນາງ ສີ ວໍລະວົງ ບ້ານອາມອນ, ທ້າວ ຊາຍຍ້ອຍ
ໄຊຍະລາດ, ບ້ານດົງໂດກ ແລະ ທ້າວ ດຳ ກາວສີ
ບ້ານໂຊກໃຫຍ່ ເຊິ່ງຜູ້ໂຊກດີທັງໝົດແມ່ນຢູ່ໃນນະຄອນ ຫຼວງວຽງຈັນ.
ຜູ້ຕ່າງໜ້າບໍລິສັດໄທຊຳຊຸງ ປະຈຳປະເທດລາວກ່າວໃນພິທີວ່າ:
ໃນນາມບໍລິສັດຊຳຊຸງປະ ຈຳປະເທດລາວຫວັງຢ່າງຍິງວ່າຜະລິດຕະພັນຊຳຊຸງ ຈະເຮັດໃຫ້ທ່ານສະດວກສະບາຍຍິ່ງຂຶ້ນໃນການນຳໃຊ້ເຕັກໂນໂລຊີໃໝ່ໆທີ່ເປັນປະໂຫຍດໃນການເຮັດວຽກ
ແລະ ການເຄື່ອນໄຫວໃນຊີວິດປະຈຳວັນ ແລະ ຄາດວ່າໃນຕໍ່ ໜ້ານີ້ ຊຳຊຸງຍັງຈະດຳເນີນການ
ຈັດກິດຈະກຳອື່ນໆອີກເພື່ອຄືນ ກຳໄລໃຫ້ແກ່ລູກຄ້າ.
No comments:
Post a Comment