ເຊົ້າວັນທີ 12 ທັນວານີ້, ຄະນະຊີ້ນຳລະດັບຊາດຕ້ານການຄ້າມະນຸດ
ໄດ້ຈັດງານໂຮມຊຸມນຸມສະເຫລີມສະຫລອງວັນສາ ກົນຕ້ານການຄ້າມະນຸດ 12 ທັນວາຄົບຮອບ
14 ປີຂຶ້ນ ຢູ່ຫໍປະຊຸມແຫ່ງຊາດ ໂດຍການເປັນປະ ທານຂອງທ່ານ ອາຊາງ ລາວລີ ຮອງນາຍົກລັດຖະມົນຕີ
ທັງເປັນປະທານຄະນະຊີ້ນຳລະດັບຊາດຕ້ານການຄ້າມະນຸດ, ມີບັນດາທູ ຕານຸທູດ, ຜູ້ຕາງໜ້າອົງການຈັດ
ຕັ້ງ ສາກົນ ແລະ ຊາວນະຄອນ ຫລວງວຽງຈັນເຂົ້າຮ່ວມຫລາຍກວ່າ 1.000 ຄົນ.
ທ່ານຮອງນາຍົກ ມີຄຳເຫັນຕໍ່ພິທີວ່າ: ນັບແຕ່ປີ
2004 ເປັນ ຕົ້ນມາ, ລັດຖະບານ ໄດ້ເອົາໃຈໃສ່ ແລະ ຖືສຳຄັນວຽກງານຕ້ານການຄ້າມະນຸດ,
ໄດ້ຮ່ວມກັບບັນດາປະເທດເພື່ອນມິດ, ອົງ ການຈັດຕັ້ງສາກົນ, ອົງການຈັດ ຕັ້ງທີ່ບໍ່ສັງກັດລັດຖະບານ
ແລະ ອົງ ການທາງສັງຄົມດຳເນີນໂຄງການ ແລະ ກິດຈະກຳຕ່າງໆ ເພື່ອຕອບໂຕ້ການຄ້າມະນຸດຢ່າງຕັ້ງໜ້າ
ແລະ ສາມາດເຮັດສຳເລັດໃນຫລາຍດ້ານ, ວຽກງານທີ່ພົ້ນເດັ່ນໃນໄລຍະຜ່ານມາ
ແມ່ນລັດຖະບານໄດ້ມີກົນໄກຕ້ານການຄ້າມະນຸດຂັ້ນສູນກາງ ແລະ ທ້ອງຖິ່ນ ໂດຍໄດ້ສ້າງຕັ້ງຄະນະຊີ້ນຳລະດັບຊາດຕ້ານການຄ້າມະນຸດ
ແຕ່ປີ 2004 ແລະ ມີກອງເລຂາລະດັບຊາດຕ້ານການຄ້າມະນຸດເປັນເສນາທິການເຮັດວຽກຕົວຈິງ
ໂດຍມີແຜນງານແຫ່ງຊາດກ່ຽວກັບການສະກັດກັ້ນ ແລະ
ຕ້ານການຄ້າມະນຸດເປັນອັນສະເພາະລວມ
ທັງໄດ້ສະໜອງງົບປະມານເພື່ອຈັດຕັ້ງປະຕິບັດແຜນງານດັ່ງກ່າວ, ໄດ້ມີກົດໝາຍທີ່ກ່ຽວຂ້ອງກ່ຽວກັບການສະກັດກັ້ນ
ແລະ ຕ້ານການຄ້າມະນຸດ ພ້ອມທັງໄດ້ນຳໃຊ້ກົດໝາຍເຫລົ່ານັ້ນດຳເນີນຄະດີຕໍ່ຜູ້ກະທຳຜິດ
ແລະ ຊ່ວຍເຫລືອຜູ້ເຄາະຮ້າຍຢ່າງມີປະສິດທິຜົນ. ພ້ອມກັນນັ້ນ ຍັງໄດ້ເຂົ້າເປັນພາຄີ
ແລະ ໄດ້ໃຫ້ສັດຕະຍາບັນຕໍ່ສົນທິສັນຍາສາກົນຫລາຍສະບັບທີ່ກ່ຽວຂ້ອງກັບການຕ້ານການຄ້ມະນຸດ
ເປັນຕົ້ນແມ່ນສົນທິສັນ ຍາວ່າດ້ວຍສິດທິມະນຸດ, ການຕ້ານອາດຊະຍາກຳຂ້າມຊາດແບບມີການຈັດຕັ້ງ,
ອະນຸສັນຍາວ່າດ້ວຍການສະກັດກັ້ນ, ປາບປາມ ແລະ ລົງໂທດຕ້ານການຄ້າມະນຸດ ໂດຍສະເພາະແມ່ນແມ່ຍິງ
ແລະ ເດັກນ້ອຍ, ສົນທິສັນຍາວ່າດ້ວຍແຮງງານ, ການລຶບລ້າງການເປັນຂ້າທາດ, ການຄ້າຂາຍຜູ້ເປັນທາດ,
ສະຖາບັນ ແລະ ການກະທຳໃນລັກສະນະຄືທາດ, ການລຶບລ້າງທຸກຮູບແບບການ ຈຳແນກຕໍ່ແມ່ຍິງ
ແລະ ສົນທິ ສັນຍາວ່າດ້ວຍສິດທິເດັກ ແລະ ອື່ນໆ.
ທ່ານຮອງນາຍົກ ກ່າວອີກວ່າ: ວັນທີ 12 ທັນວາ
ແມ່ນວັນທີ່ບັນດາປະເທດໃນໂລກໄດ້ລົງນາມອະນຸລັກສັນຍາວ່າດ້ວຍການສະກັດກັ້ນ,
ປາບປາມ ແລະ ລົງໂທດການຄ້າມະນຸດ ໂດຍສະເພາະແມ່ນແມ່ຍິງ ແລະ ເດັກ ນ້ອຍ ເພີ່ມຕື່ມໃຫ້ແກ່ສົນທິສັນຍາສະຫະປະຊາຊາດຕ້ານອາດຊະ
ຍາກຳຂ້າມຊາດແບບມີການຈັດ ຕັ້ງ, ສຳລັບ ສປປ ລາວ ໄດ້ລົງນາມອະນຸສັນຍາດັ່ງກ່າວໃນປີ
2001 ແລະ ໄດ້ສັດຕະຍາບັນໃນວັນທີ 26 ກັນຍາ 2003 ແລະ ນັບແຕ່ປີ 2007 ເປັນຕົ້ນມາ
ບັນດາປະເທດພາຄີຈຶ່ງໄດ້ກຳນົດເອົາວັນທີ 12 ທັນວາຂອງທຸກໆປີ ເປັນວັນສາກົນເພື່ອຕ້ານການຄ້າມະນຸດ
ແນໃສ່ເພີ່ມທະວີການຮ່ວມມືຍົກສູງຄວາມຮັບຜິດຊອບຂອງຕົນໃນການປຸກລະດົມກຳ
ລັງແຮງທົ່ວສັງຄົມ ກໍຄືວົງຄະ ນາຍາດສາກົນ ເພື່ອສຸມໃສ່ແກ້ໄຂບັນຫາຕ້ານການຄ້າມະນຸດ
ເຊິ່ງໃນຊຸມປີຜ່ານມາ ເຈົ້າໜ້າທີ່ຕຳຫລວດ, ໄອຍະການປະຊາຊົນ ແລະ ສານປະຊາຊົນ
ສາມາດນຳເອົາຜູ້ກະທຳຜິດມາລົງໂທດໄດ້ຫລາຍພໍສົມຄວນເຊັ່ນ: ປີ 2013- 2014 ໄດ້ດຳເນີນຄະດີຄ້າມະນຸດທັງໝົດ
90 ເລື່ອງ, ມີຜູ້ຖືກຫາ 129 ຄົນ, ຍິງ 89 ຄົນ, ຜູ້ຖືກເຄາະຮ້າຍ 242 ຄົນ, ຍິງ
51 ຄົນ, ໃນນັ້ນ ມີເດັກທີ່ອາຍຸຕ່ຳກວ່າ 18 ປີ 109 ຄົນ, ຍິງ 102 ຄົນ. ພ້ອມນັ້ນ
ຍັງເປີດໃຊ້ໂທລະສັບສາຍດ່ວນ 1300 ເພື່ອຮັບແຈ້ງຄວາມກ່ຽວກັບການຄ້າມະນຸດທີ່ຂຶ້ນກັບກະ
ຊວງປ້ອງກັນຄວາມສະຫງົບ ແລະ ໂທລະສັບສາຍດ່ວນຕ້ານການໃຊ້ຄວາມຮຸນແຮງຕໍ່ແມ່ຍິງ
ເບີ 1362 ທີ່ຂຶ້ນກັບສູນກາງສະ ຫະພັນແມ່ຍິງລາວ ແລະ ສະ ໜອງການຊ່ວຍເຫລືອອັນຈຳເປັນດ້ານການກິນຢູ່ພັກເຊົາ,
ດ້ານການແພດ, ດ້ານກົດໝາຍ, ການເຝິກອົບຮົມວິຊາຊີບ ແລະ ການກັບຄືນສູ່ສັງຄົມແກ່ຜູ້ເຄາະຮ້າຍຈາກການຄ້າມະນຸດທັງພາຍໃນ
ແລະ ຕ່າງປະເທດ. ທັງໝົດທີ່ກ່າວມານັ້ນ ຖືເປັນຜົນສຳເລັດໜຶ່ງຂອງວຽກງານຕ້ານການຄ້າມະນຸດໃນຊຸມປີຜ່ານມາ.
ສຳລັບການສະເຫລີມສະຫລອງວັນສາກົນຕ້ານການຄ້າມະນຸດຂອງລາວເຮົາປີນີ້ແມ່ນເປັນປີທີ
14 ແລ້ວ. ດັ່ງນັ້ນ ໂອກາດນີ້ ຂ້າ ພະເຈົ້າ ຈຶ່ງຮຽກຮ້ອງໃຫ້ທົ່ວສັງ ຄົມ ກໍຄືອົງການຈັດຕັ້ງທາງພັກລັດ
ແລະ ເອກະຊົນ, ພາກສ່ວນທຸ ລະກິດ ແລະ ປະ ຊາຊົນບັນດາເຜົ່າ ຈົ່ງເພີ່ມທະວີການຮ່ວມມືຊ່ວຍກັນຕ້ານການຄ້າມະນຸດ.
ຂ່າວໃຫ້ຮູ້ອີກວ່າ: ໃນໂອ ກາດສະເຫລີມສະຫລອງວັນສາ
ກົນຕ້ານການຄ້າມະນຸດ ວັນທີ 12 ທັນວາ 2014 ນີ້, ທ່ານນາຍົກ ລັດ ຖະມົນຕີ ທອງສິງ
ທຳມະວົງ ຍັງໄດ້ສົ່ງສານຮຽກຮ້ອງມາຍັງປະ ຊາຊົນບັນດາເຜົ່າໃນທົ່ວປະເທດຈົ່ງສາມັກຄີຮ່ວມແຮງຮ່ວມໃຈກັນຢ່າງຕັ້ງໜ້າ
ແລະ ເປັນຂະບວນຟົດຟື້ນ, ເພີ່ມທະວີຄວາມຮັບຜິດຊອບຂອງຂະແໜງການຕົນ, ຕັ້ງໜ້າຈັດຕັ້ງຜັນຂະຫຍາຍແນວທາງຂອງພັກ,
ກົດລະບຽບຂອງລັດ ແລະ ສົນທິສັນຍາສາ ກົນກ່ຽວກັບການຕ້ານການຄ້າມະນຸດທີ່ ສປປ
ລາວ ເຂົ້າເປັນພາ ຄີ ໃຫ້ເປັນການກະທຳຕົວຈິງ, ສາມັກຄີ ແລະ ຮ່ວມກັບປະຊາຊາດໃນທົ່ວໂລກໃນການສະກັດກັ້ນ
ແລະ ຕ້ານການຄ້າມະນຸດໃຫ້ຫລຸດໜ້ອຍຖອຍລົງເທື່ອລະກ້າວ.
No comments:
Post a Comment