ເຖິງວ່າກະຊວງສາທາລະນະສຸກໄດ້ອອກແຈ້ງການເຕືອນ,ແລະ
ວາງມາດຕະການຕ່າງໆເພື່ອຫ້າມບັນດາຄລີນິກທີ່ເຄື່ອນໄຫວບໍ່ຖືກຕ້ອງໂດຍສະເພາະ:
ຄລີນິກຄົນຕ່າງຊາດ, ຫຼື ການຮ່ວມມືອື່ນໆມີການໂຄສະນາຊວນເຊື້ອ,ໂລດໂຜ່ນໃຫ້ຍຸດເຊົາ,
ແຕ່ມາຮອດປັດຈຸບັນເຫັນວ່າ: ຍັງມີການໂຄສະນາຂອງບັນດາຄລີນິກດັ່ງກ່າວຢູ່ໂດຍສະເພາະແມ່ນການໂຄສະນາຜ່ານວິທະຍຸ,
ຊຶ່ງຕໍ່ບັນຫານີ້ພາກສ່ວນກ່ຽວຂ້ອງກຽມຈະສຳຫຼວດກວດກາບັນດາຄລີນິກເຫຼົ່ານັ້ນຄືນໃໝ່,
ພ້ອມດຳເນີນມາດຕະການຕໍ່ຜູ້ທີ່ລະເມີດ ແລະ ໃຫ້ຢຸດເຊົາການເຄື່ອນໄຫວ.
ກະຊວງສາທາລະນະສຸກໃຫ້ຮູ້ວ່າ: ຜູ້ທີ່ຈະເປີດຄລີກນິກ
ໄດ້ຕ້ອງມີເງື່ອນໄຂ ແລະ ປະຕິບັດຕາມດຳລັດວ່າດ້ວຍຫ້ອງກວດພະຍາດເອກະຊົນຂອງກະຊວງສາທາລະນະສຸກທີ່ໄດ້ກຳນົດຄື
ຜູ້ທີ່ຈະເປີດຫ້ອງກວດພະຍາດເອກະຊົນຕ້ອງເປັນຄົນລາວ, ຖືສັນຊາດລາວ, ຕັ້ງພູມລຳເນົາຢູ່
ສປປ ລາວ ບໍ່ຕ່ຳກວ່າ 10 ປີ ແລະ ຕ້ອງເປັນແພດຊັ້ນສູງທຽບເທົ່າທີ່ມີໃບປະກາສະນີຍາບັດຮັບຮູ້ຈາກກະຊວງສາທາລະນະສຸກ
ແລະ ຕ້ອງຜ່ານວຽກງານຕົວຈິງມາແລ້ວຢ່າງໜ້ອຍ 7 ປີ.
No comments:
Post a Comment