ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ
VII ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 9 ທັນ ວານີ້ ຢູ່ຫໍສະພາແຫ່ງຊາດ
ທີ່ນະຄອນຫລວງວຽງຈັນ ໂດຍຈະດຳເນີນໄປເປັນເວລາ
14 ມື້ (9-26 ທັນວາ 2014) ພາຍໃຕ້ການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ,
ໂດຍການໃຫ້ກຽດເຂົ້າຮ່ວມຂອງທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສປປ ລາວ,
ບັນດາການນຳຂັ້ນສູງພັກ-ລັດ, ສະມາຊິກສະພາແຫ່ງຊາດ, ທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນປະຈຳລາວເຂົ້າຮ່ວມເປັນຈຳນວນຫລາຍ.
ທ່ານປະທານສະພາ ໄດ້ກ່າວສູນທອນພົດໄຂກອງປະຊຸມວ່າ:
ກອງປະຊຸມຄັ້ງນີ້ໄດ້ໄຂຂຶ້ນ ທ່າມກາງບັນຍາກາດທີ່ທົ່ວພັກ, ທົ່ວກອງທັບ ແລະ ທົ່ວປວງຊົນລາວບັນດາເຜົ່າພວມສືບຕໍ່ຈັດຕັ້ງປະ
ຕິບັດຜັນຂະຫຍາຍມະຕິກອງປະຊຸມໃຫຍ່ຄັ້ງທີ IX ຂອງພັກ, ແຜນພັດທະນາເສດຖະກິດ-ສັງຄົມ ແຫ່ງຊາດ
5 ປີຄັ້ງທີ 7 ໃນໄລຍະທ້າຍສະໄໝກໍຄືການຈັດຕັ້ງຜັນຂະ ຫຍາຍຜົນ ສຳເລັດກອງປະຊຸມຄົບຄະນະບໍລິຫານງານສູນກາງພັກຄັ້ງທີ
9 ສະໄໝທີ IX, ຜົນສຳເລັດຂອງກອງປະຊຸມ ວຽກງານ 3
ສ້າງທົ່ວປະເທດທີ່ ຫາກໍສຳເລັດໄປໃນບໍ່ເທົ່າໃດອາທິດຜ່ານມາຕິດພັນກັບການຊຸກຍູ້ຂະບວນການສະເຫລີມສະ
ຫລອງ 2 ວັນປະຫວັດສາດໃນປີ 2015 ໃຫ້ເປັນຂະບວນຟົດຟື້ນເພື່ອກ້າວເຂົ້າສູ່ການກຳເນີນ ກອງປະຊຸມໃຫຍ່ຜູ້ແທນທົ່ວປະ
ເທດຄັງ ທີ X ຂອງພັກເວົ້າລວມແລ້ວ ກໍແມ່ນການຊຸກຍູ້ຂະບວນການແຂ່ງຂັນຮັກຊາດ ແລະ ພັດທະນາ ແລະ
ການກະກຽມດຳເນີນ ກອງປະຊຸມໃຫຍ່ຂອງ ອົງຄະນະພັກ ກະຊວງ, ແຂວງ, ນະຄອນຫລວງໃຫ້ເປັນຂະບວນຟົດຟື້ນຢ່າງຕັ້ງໜ້າໃນທົ່ວປະເທດ.
ຄຽງຄູ່ກັບຜົນສຳເລັດທີ່ຍາດ ມາໄດ້ນັ້ນ ສົກປີ
2014-2015 ແມ່ນໄລຍະທ້າຍຂອງການຈັດຕັ້ງປະຕິບັດແຜນພັດທະ ນາເສດ ຖະກິດ-ສັງຄົມ 5 ປີ ຄັ້ງທີ
VII, ຊຶ່ງດຳເນີນໃນເງື່ອນໄຂສະພາບແວດລ້ອມຂອງສາກົນ ແລະ ພາກພື້ນໄດ້ສືບຕໍ່ມີການ ຜັນແປຢ່າງ
ວ່ອງໄວ ແລະ ສະຫລັບຊັບ ຊ້ອນ, ທ່າອ່ຽງເສດຖະກິດຂອງໂລກມີລັກສະນະທົດຖອຍທຽບໃສ່ໄລຍະດຽວກັນ ຂອງປີຜ່ານມາ,
ບັນຫາໂລກລະບາດ, ໄພທຳມະຊາດຍັງເກີດຂຶ້ນຢ່າງຕໍ່ເນື່ອງ, ເຊິ່ງໄດ້ສົ່ງຜົນກະທົບທາງກົງ ແລະ
ທາງອ້ອຕໍ່ ການຂະຫຍາຍຕົວ ຂອງເສດຖະກິດໂລກ ແລະ ພາກພື້ນ. ສຳລັບປະເທດຂອງພວກເຮົາໃນໜຶ່ງປີຜ່ານມາ
ກໍໄດ້ມີຄວາມພະ ຍາຍາມສູງໃການພັດທະ ນາເສດຖະກິດ-ສັງຄົມໃຫ້ຢູ່ໃນລະດັບອັນຕໍ່ເນື່ອງໄປພ້ອມໆກັບການສືບຕໍ່ກະກຽມທຸກ ດ້ານໃນ ການເຂົ້າເປັນປະຊາຄົມເສດຖະກິດອາຊຽນໃນທ້າຍປີ 2015. ແຕ່ຄຽງຄູ່ກັນນັ້ນປະເທດເຮົາກໍຍັງປະສົບກັບຄວາມຫຍຸ້ງຍາກ ແລະ ສິ່ງທ້າ
ທາຍຈຳນວນບໍ່ໜ້ອຍ ເປັນຕົ້ນເສດຖະກິດມະຫາພາກຍັງມີຄວາມບອບບາງ, ຫລາຍຫົວໜ່ວຍທຸລະກິດຍັງປະ ສົບກັບຄວາມຫຍຸ້ງຍາກໃນດ້ານຖານະການເງິນ; ການຜະລິດເປັນສິນຄ້າເພື່ອແກ້ໄຂຄວາມທຸກຍາກຂອງປະຊາຊົນເຖິງວ່າ ໄດ້ມີຄວາມພະຍາຍາມ,
ແຕ່ຜົນໄດ້ ຮັບຍັງບໍ່ທັນ ສົມຄູ່ກັບທ່າແຮງທີ່ມີ,ການຄຸ້ມຄອງຊັບພະຍາກອນ ປ່າໄມ້ ແລະ ທຳມະ ຊາດຈຳນວນໜຶ່ງບໍ່ທັນເຂັ້ມງວດຕາມລະບຽບກົດໝາຍ,
ເຊິ່ງມັນຮຽກ ຮ້ອງໃຫ້ມີບັນດານະໂຍບາຍ ແລະ ມາດຕະການທີ່ມີຢູ່ ໃຫ້ເປັນລະບົບຄົບຊຸດກວ່າເກົ່າ,
ເພື່ອສືບຕໍ່ຮັກສາສະຖຽນລະພາບທາງດ້ານເສດຖະກິດມະຫາພາກສູ້ຊົນຈັດຕັ້ງປະຕິບັດພັດ ທະນາ ແຜນເສດຖະກິດ-ສັງຄົມ
ແລະ ແຜນງົບປະມານແຫ່ງລັດ ສົກປີ 2014-2015 ໃຫ້ບັນລຸເປົ້າໝາຍ. ດັ່ງນັ້ນ ກອງປະ ຊຸມເທື່ອນີ້ຈະໄດ້ສຸມໃສ່ຄົ້ນຄວ້າພິຈາລະນາບັນ
ຫາສຳຄັນຂອງຊາດຈຳນວນໜຶ່ງຄື ຮັບຟັງລາຍງານຂອງລັດ ຖະບານກ່ຽວກັບຜົນການຈັດຕັ້ງປະຕິບັດນະໂຍບາຍສົ່ງເສີມການຜະລິດເປັນສິນຄ້າຂອງປະຊາຊົນເປັນຕົ້ນການສົ່ງເສີມທຸລະກິດຂະໜາດນ້ອຍ
ແລະ ຂະໜາດກາງ ແນໃສ່ຫລຸດຜ່ອນຄວາມທຸກຍາກຂອງປະຊາຊົນ ແລະ ບັນດາ ເປົ້າໝາຍທີ 1 ຂອງເປົ້າໝາຍສະ ຫັດສະວັດເພື່ອການພັດທະນາ,
ຮັບຟັງລາຍງານຂອງລັດຖະບານກ່ຽວກັບການຈັດຕັ້ງປະຕິ ບັດວຽກງານແຮງງານພິຈາລະນາ ແລະ ຮັບຮອງເອົາບົດລາຍ ງານຂອງອົງການກວດສອບ ແຫ່ງລັດກ່ຽວກັບຜົນການກວດສອບ
ບົດສະຫລຸບຂາດຕົວ ການຈັດຕັ້ງປະຕິບັດແຜນງົບປະມານ ປະຈຳສົກປີ 2012-2013, ພິຈາ ລະນາ ແລະ ຮັບຮອງເອົາບົດລາຍ
ງານຂອງຄະນະປະ ຈຳສະພາແຫ່ງຊາດກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານລະຫວ່າງກອງ
ປະຊຸມສະໄໝສາ ມັນເທື່ອທີ 7 ຫາ 8 ແລະ ທິດທາງວຽກງານແຕ່
ກອງປະຊຸມສະໄໝສາມັນເທື່ອທີ 8 ຫາ 9 ຂອງສະພາແຫ່ງຊາດ ຊຸດທີ VII, ພິຈາລະນາ ແລະ ຮັບ ຮອງເອົາກົດໝາຍ
7 ສະບັບ ໃນ ນັ້ນ ກົດໝາຍສ້າງໃໝ່ຈຳນວນ 4 ສະບັບຄື ກົດໝາຍວ່າດ້ວຍ ການຄຸ້ມ ຄອງເງິນຕາຕ່າງປະເທດ, ກົດໝາຍວ່າດ້ວຍການຄຸ້ມ ຄອງຄົນເຂົ້າ-ອອກ ສປປ ລາວ ແລະ ການຄຸ້ມຄອງຄົນຕ່າງປະເທດ, ກົດໝາຍວ່າດ້ວຍການ
ຄວບຄຸມເຄື່ອງດື່ມທີ່ມີທາດ ເຫລົ້າ, ກົດໝາຍວ່າດ້ວຍການ ຕ້ານ ແລະ ສະກັດກັ້ນການໃຊ້ ຄວາມຮຸນ
ແຮງຕໍ່ແມ່ຍິງ ແລະ ເດັກນ້ອຍ. ກົດໝາຍສະບັບປັບ ປຸງຈຳນວນ 3 ສະບັບຄື ກົດ ໝາຍວ່າດ້ວຍການແກ້ໄຂຄຳ
ຮ້ອງທຸກ, ກົດໝາຍວ່າດ້ວຍພາ ສີ, ກົດໝາຍວ່າດ້ວຍການປິ່ນ ປົວ. ບັນດາເນື້ອໃນທີ່ກ່າວມາ ຂ້າງເທິງນັ້ນລ້ວນແລ້ວແຕ່ເປັນ
ບັນຫາ ສຳຄັນເຊິ່ງເປັນໜ້າທີ່ຮັບຜິດຊອບທາງດ້ານການເມືອງ ຂອງບັນດາສະມາຊິກສະພາ ແຫ່ງຊາດທີ່ຕ້ອງໄດ້ຄົ້ນຄວ້າ
ແລະ ພິຈາລະນາຢ່າງຖີ່ຖ້ວນຕໍ່ບັນດາເນື້ອໃນຕ່າງໆທີ່ຈະນຳມາພິສູດໃນຄັ້ງນີ້ໃຫ້ເລິກເຊິ່ງມີຈຸດສຸມດ້ວຍເຫດຜົນບົນພື້ນຖານສະພາບຄວາມເປັນຈິງ
ໃນການພັດທະນາເສດຖະກິດ-ສັງຄົມຂອງ ປະເທດກໍຄືການເຊື່ອມໂຍງເສດຖະກິດກັບພາກພື້ນ ແລະ ໃນໂລກ
ເພື່ອກ້າວ ເຂົ້າສູ່ການຮັບຮອງແຕ່ລະບັນຫາຢ່າງມີຄຸນນະພາບ ແລະ ສາມາດຈັດຕັ້ງປະຕິບັດໃຫ້ເຊື່ອມເຂົ້າກັບຊີວິດຕົວຈິງຂອງສັງຄົມ.
No comments:
Post a Comment