ທ່ານຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ສຳເລັດການຢ້ຽມຢາມຝຣັ່ງ

     ໂດຍຕອບສະໜອງຄຳເຊີນຂອງຫໍການຄ້າຂອງປະເທດ ຝຣັ່ງ (MEDEF), ທ່ານ ສົມສະຫວາດ ເລັ່ງສະຫວັດ ຮອງນາ ຍົກລັດຖະມົນຕີ, ຜູ້ຊີ້ນຳຂົງເຂດເສດ ຖະກິດການຜະລິດ ແລະ ການຈໍລະຈອນໄດ້ນຳພາຄະນະເຂົ້າຮ່ວມກອງປະຊຸມ ສຳມະນາກ່ຽວກັບການສົ່ງເສີມການລົງທຶນຢູ່ເຂດເສດຖະກິດພິເສດ ແລະ ເຂດເສດ ຖະກິດສະເພາະຂອງ ສປປ ລາວ, ຊຶ່ງໄດ້ຈັດຂຶ້ນ ຢູ່ນະຄອນຫລວງປາຣີ ໃນວັນທີ 13 ພະຈິກນີ້, ເຊິ່ງມີການເຂົ້າຮ່ວມ ຂອງບໍລິສັດທີ່ມີຊື່ສຽງຂອງຝຣັ່ງຈຳນວນບໍ່ ໜ້ອຍເປັນ ຕົ້ນ: Air bus, EDF, Air France, BRED ແລະ ທ່ານຮອງນາ ຍົກໄດ້ມີຄຳເຫັນເພື່ອແຈ້ງໃຫ້ກອງປະຊຸມຊາບກ່ຽວກັບທ່າແຮງ ແລະ ທ່າ ໄດ້ປຽບຂອງປະເທດລາວໃນຖານະເປັນປະເທດ ເຊື່ອມຈອດຂອງອະນຸພາກພື້ນ ແລະ ຕັ້ງຢູ່ໃຈ ກາງຂອງອະ ນຸພາກພື້ນທີ່ມີຊາຍແດນຕິດກັບ 4 ປະເທດອາຊຽນ, ທີ່ຈະເຂົ້າ ຮ່ວມປະຊາຄົມເສດຖະກິດອາຊຽນນັບແຕ່ຕົ້ນປີ 2016 ເປັນ ຕົ້ນໄປ ແລະ ຍັງມີຊາຍແດນຕິດກັບ ສປ.ຈີນ ທີ່ເປັນເສດຖະ

ແຫຼ່ງທ່ອງທ່ຽວທຳມະຊາດ ນ້ຳ ແອດ-ພູເລີຍ ໄດ້ຮັບລາງວັນທາງເລືອກຂອງນັກທ່ອງທ່ຽວທີ່ມີຄວາມຮັບຜິດຊອບຕໍ່ໂລກ ເປັນປີທີ 2

       ອີງ​ຕາມ​ການລາຍ​ງານຂ​​ອງອົງການອະນຸລັກສັດປ່າ ໃນວັນທີ 5 ພະຈິກ ຜ່ານມາ, ອົງການອະນຸລັກສັດປ່າໄດ້ປະກາດມອບລາງວັນທາງເລືອກຂອງນັກ ທ່ອງທ່ຽວທີ່ມີຄວາມຮັບ ຜິດຊອບຕໍ່ໂລກ (People’s Choice Award), ໃຫ້ແກ່ແຫຼ່ງທ່ ອງທ່ຽວລ່ອງເຮືອເບິ່ງສັດປ່າຍາມກາງ ຄືນແມ່ນ້ຳເນີນ, ປ່າສະຫງວນ ແຫ່ງຊາດນ້ຳແອດ-ພູເລີຍ ບ້ານ ສົ້ນຂົວ, ເມືອງຫົວ ເມືອງ, ແຂວງຫົວພັນ, ເຊິ່ງເປັນ ປີທີ 2 ແລ້ວທີ່ ແຫລ່ງທ່ອງທ່ຽວດັ່ງກ່າວໄດ້ຮັບລາງວັນນີ້, ຊຶ່ງຈັດຂຶ້ນຢູ່ສູນການ ຄ້າສາກົນນະຄອນຫລວງລອນດອນປະເທດອັງກິດ. ພາຍ ຫລັງທີ່ແຫລ່ງທ່ອງທ່ຽວດັ່ງ ກ່າວຮັກສາໄດ້ສະພາບແວດລ້ອມທີ່​ດີ ແລະ ໄດ້ ຮັບການພັດທະນາຂຶ້ນເລື້ອຍໆ.

          ກິດຈະກຳຂອງແຫລ່ງ ທ່ອງທ່ຽວດັ່ງກ່າວແມ່ນການຂີ່ ເຮືອຫາງຍາວຊົມທຳມະຊາດ ຕາມສາຍນ້ຳເນີນ​ໃນຕ​ອນບ​່າຍ ແລ​ະ ຕົກມາໃນຕອນຫົວຄ່ຳກໍພາ ນັກທ່ອງທ່ຽວກິນເຂົ້າປ່າ, ທີ່ ກຽມໂດຍຊາວບ້ານທີ່ອາໄສຢູ່ ແຄມຝັ່ງແມ່ນ້ຳເນີນ. ຈາກນັ້ນ ພັກຜ່ອນໜ້ອຍໜຶ່ງຮັບຟັງນິທານ ຈາກປະສົບການຕ່າງໆຂອງ ຊາວບ້ານໃນການລ່າສັດປ່າ ຕອນທີ່ເຂົາເຈົ້າເປັນນັກລ່າສັດ​ດັ່ງ​

ວິ​ໄສ​ທັດ​ຂອງອາ​ຊຽນຫຼັງ​ 2015​ ເນັ້ນ​ການ​ຮ່ວມ​ມື​ທີ່​ເປັນ​ໜຶ່ງ​ດຽວ

        ໃນ​ວັນ​ທີ 17 ພະ​ຈິກນີ້, ທ່ານ​ ອາ​ລຸນ​ແກ້ວ ກິດ​ຕິ​ຄຸນ ລັດຖະມົນ ຕີ​ຊ່ວຍ​ວ່າການ​ກະຊວງ​ກການ​ຕ່າງປະ​ເທດ, ທັງ​ເປັນ​ເຈົ້າ​ໜ້າ​ທີ່​ອາວຸ​ໂສ​ອາຊຽນຂອງ ສປປ ລາວ ໄດ້​ຖະ​ແຫຼ່ງກ່ຽວ​ກັບ​ຜົນສຳ​ເລັດ​ຂອງ​ກອງ​ປະຊຸມ​ສຸດ​ຍອດ​ອາ​ຊຽນຄັ້ງ​ທີ 25  ​ແລະ ວິ​ໄສ​ທັດ​ຂອງ​ບັນດາ​ຜູ້ນຳ​ອາ​ຊຽນຫຼັງ​ປີ 2015 ວ່າ: ​ໃນ​ກອງ​ປະຊຸມ​ສອດ​ຍອດ​ອາ​ຊຽນຄັ້ງ​ທີ 25 ຜ່ານ​ມາ ບ​ັນດາ​ຜູ້ນຳ​ອາ​ຊຽນ​ເນັ້ນ​ຕ້ອງ​ໃຫ້​ມີ​ອົງ​ປະກອບ​ຫຼັກ​ເພື່ອຮ່າງ​ວິ​ໄສ​ທັດ​ອາ​ຊຽນຫຼັງ​ປີ 2015,ອາ​ຊຽນຮອດ​ປີ 2015 ແມ່ນການ​ເມືອງ​ຄວາມ​ໝັ້ນ​ຄົງ, ປົກ​ປັກ​ຮັກສາ​,​ ເສີມ​ຂະຫຍາຍ​ສັນຕິພາບ​ສະຖຽນ​ສະພາບ​ໃນ​ອາ​ຊຽນ,​   ເສ​ດ​ຖະກິດ​ແມ່ນ​ສ້າງ​​ເປັນ​ຕະ ຫຼາດ​ດຽວ, ຖານ​ການ​ຜະລິດ​ໜຶ່ງ ດຽວ,​ ໂດຍ​ມີ​ການ​ໄຫຼ່​ວຽນ​ເສລີ​ເປັນ​ຕົ້ນ​ແມ່ນ​ຜະລິດ​ຕະພັນ, ການ ບໍລິການ, ການ​ລົງ​ທຶນ ​ແລະ ດ້ານ​ສີມື​ແຮງ​ງານ​ແມ່ນ​ມີ​ຄວາມ​ເສ​ລີກ່ວາ​ເກົ່າ, ດ້ານ​ສັງ​ຄົມ​ວັດ ທະນະທຳ​ຕ້ອງ​ເປັນ​ສັງຄົມ​ທີ່​ມີ​ຄວາມ​ເອື້ອ​ເຟື້ອ​ເພື່ອ​ແຜ​່ຊ່ວຍ​ເຫຼືອ​​ເຊິ່ງກັນ​ແລະ​ກັນ, ຂະນະ​ດຽວ​ກັນ​ຫຼັງ​ປີ 2015 ບັນດາ​ຜູ້ນຳ​ອາ​ຊຽນ​ເນັ້ນ​ຮ່າງ​ 3 ອົງ​ປະກອບ​ຫຼັກ​ທີ່​ໃຫຍ່ໆ​ເຊັ່ນ: ອົງ​ປະ

ສົກປີ 2014-2015 ຂະແໜງ ສ່ວຍສາອາກອນຈະສູ້ຊົນເກັບ ລາຍຮັບໃຫ້ໄດ້ 10 ພັນກວ່າຕື້ກີບ

      ທ່ານຫົວກົມສ່ວຍສາອາ ກອນ, ກະຊວງການເງິນ ສິດທິ ສອນ ເທບພາສີ ໃຫ້ຮູ້ເມື່ອບໍ່ດົນ ນີ້ວ່າ: ສຳລັບຄາດໝາຍສູ້ຊົນ ເກັບລາຍຮັບໃນຂະແໜງສ່ວຍ ສາອາກອນສົກປີ 2014 - 2015 ແມ່ນຈະໃຫ້ໄດ້ 10.400 ຕື້ກີບ, ເພີ່ມຂຶ້ນຈາກໃນສົກປີ 2013- 2014 ປະມານ 35% ແລະ ກວມ ປະມານ 50% ຂອງລາຍຮັບພາຍ ໃນ, ຊຶ່ງນັບວ່າເປັນສິ່ງທ້າທາຍ ພໍສົມຄວນ, ຂະນະທີ່ສົກປີ 2013-2014 ຜ່ານມາຂະແໜງ ສ່ວຍສາອາກອນກໍເກັບລາຍຮັບບໍ່ບັນລຸແຜນການຄືໄດ້ພຽງ 83% ຂອງແຜນ ການປີເທົ່ານັ້ນ.

      ທ່ານຫົວໜ້າກົມສ່ວຍສາອາກອນ ກ່າວວ່າ: ຈຳນວນຕົວ ເລກທີ່ກ່າວມານັ້ນ, ພາກສ່ວນກົມຮັບຜິດຊອບຄຸ້ມຄອງແມ່ນ ມີອາກອນລາຍຮັບປົກກະຕິ, ຈາກໂຄງການບໍ່ຄຳ ແລະ ລາຍຮັບວິ ຊາການປະມານ 6.600 ຕື້ກີບ, ສ່ວນບັນດາແຂວງເປັນ ຜູ້ຄຸ້ມຄອງປະກອບມີອາກອນປົກກະຕິ ແລະ ລາຍຮັບຈາກທີ່ດິນປະມານ 3.800 ຕື້ກີບ. ສະນັ້ນເພື່ອເຮັດໃຫ້ການຈັດເກັບ ລາຍຮັບຂອງຂະແໜງສ່ວຍສາອາກອນບັນລຸຕາມແຜນການວາງໄວ້, ຈຶ່ງມີມາດຕະ ການຈັດຕັ້ງປະຕິບັດຄື ຕ້ອງເພີ່ມທະວີການ ສຶກສາອົບຮົມການເມືອງ-ແນວຄິດໃຫ້ແກ່ພະ ນັກງານເພື່ອຍົກສູງຄຸນທາດ ການເມືອງ, ມີທັດສະນະຫລັກໝັ້ນຮັບພິຊອບຕໍ່ ໜ້າທີ່ຂອງຕົນທີ່ຖືກມອບໝາຍ, ໂດຍຈະຖືເອົາວຽກງານການຂຸດຄົ້ນລາຍຮັບເປັນມາດຖານໜຶ່ງໃນການຕີລາຄາພະນັກງານ

ໂຕໂຍຕ້າຈັບສະຫຼາກມອບໂຊກທ້າຍອາທິດທີ 6 ໃຫ້ລູກຄ້າ

         ວັນທີ 15 ພະຈິກນີ້ ບໍລິສັດ ລາວໂຕໂຍຕ້າບໍລິການຈຳກັດ, ໄດ້ຈັດພິທີ່ຈັບ ສະຫຼາກມອບລາງວັນໃຫ້ລູກຄ້າໃນໂຄງການລາວໂຕໂຍຕ້າແຈກໂຊກທຸກໆທ້າຍ ອາທິດຂຶ້ນ, ທີ່ບໍລິສັດດັ່ງກ່າວສາຂາທົ່ງຂັນຄຳ, ໃນນະຄອນຫຼວງ​ວຽງ​ຈັນເປັນອາທິດ ທີ 6, ໂດຍການເຂົ້າຮ່ວມຂອງທ່ານ ເພັດຕະ ວັນອິນທະວົງ ຜູ້ຈັດການຝ່າຍການ ຕະຫຼາດບໍລິສັດດັ່ງກ່າວ, ພ້ອມດ້ວຍລູກຄ້າເຂົ້າ ຮ່ວມເປັນຈຳນວນຫຼາຍ.

    ຜູ້ຈັດການຝ່າຍການຕະຫຼາດ ກ່າວວ່າ: ໂຄງການໂຕໂຍຕ້າ ແຈກໂຊກທຸກໆທ້າຍ ອາທິດໄດ້ເລີ່ມມາແຕ່ເດືອນຕຸລານີ້ໂດຍຈະ ດຳເນີນໄປຈົນຮອດທ້າຍ ປີ, ລວມມີ 12 ອາທິດ, ຊຶ່ງແຕ່ລະ ອາທິດຈະມີການຈັບ ສະຫຼາກເພື່ອແຈກໂຊກອາທິດລະ 3 ລາງວັນໃຫ້ລູກຄ້າຜູ້ທີ່ມາຊື້ລົດຈາກ ບໍລິສັດດັ່ງກ່າວນັບແຕ່ວັນ 1 ຕຸ ລານີ້ເປັນຕົ້ນໄປ, ຊຶ່ງລວມມີ ລາງວັນຕ່າງໆຄື ລາງວັນທີ 1 ທ່ຽວຍີ່ປຸ່ນມີ 12 ລາງວັນລາງວັນລະ 2 ຄົນ, ລາງວັນທີ 2 ລົດ ຈັກ YAMAHA

ຈັດກິດຈະກຳວັນແຫ່ງຄວາມຊົງຈຳເຖິງຜູ້ເຄາະຮ້າຍຈາກອຸປະຕິເຫດເທິງຖະໜົນ

     ໃນທ້າຍອາທິດຜ່ານມາ, ພະແນກໂຍທາທິການ ແລະ ຂົນສົ່ງ ນະຄອນຫລວງ ວຽງຈັນຮ່ວມກັບພະແນກຕຳຫລວດຈະ ລາຈອນນະຄອນຫລວງວຽງຈັນ ແລະກຸ່ມ ສົ່ງເສີມຄວາມປອດໄພ ເທິງຖະໜົນ ຫລື ກຸ່ມອາຊີພີ, ໄດ້ຈັດກິດຈະກຳວັນແຫ່ງ ຄວາມຊົງຈຳເຖິງຜູ້ເຄາະຮ້າຍຈາກອຸປະຕິ ເຫດທາງຖະໜົນໂລກ, ຂຶ້ນຢູ່ນະ ຄອນ ຫລວງວຽງຈັນເປັນຄັ້ງທຳອິດ, ໂດຍການເຂົ້າ ຮ່ວມຂອງທ່ານ ແກ້ວພິລາວັນ ອາໄພ ລາດ ຮອງເຈົ້າຄອງນະຄອນຫລວງ ວຽງຈັນຄະນະກຳມະການຄຸ້ມຄອງຄວາມປອດ ໄພ ເທິງຖະໜົນຂັ້ນນະຄອນຫລວງວຽງຈັນ, ມີພາກສ່ວນທີ່ກ່ຽວຂ້ອງຕ່າງໆ ເຂົ້າຮ່ວມເປັນຈຳນວນຫລາຍ.

     ການຈັດກິດຈະກຳດັ່ງກ່າວ ເພື່ອສະແດງຄວາມຊົງຈຳຕໍ່ຜູ້ທີ່ ເຄາະຮ້າຍຈາກອຸປະຕິເຫດທາງຖະໜົນ ແລະ ເປັນການເຕືອນ ສະຕິຜູ້ຂັບຂີ່ຍານພາຫະນະທຸກ ຄົນໃຫ້ເຄົາລົບນັບຖືກົດລະບຽບຈະລາຈອນຢ່າງເຂັ້ມງວດ. ດັ່ງ ນັ້ນໃນວັນທີ 25 ຕຸລາຜ່ານ ມາ, ອົງການສະຫະປະຊາຊາດ ຈຶ່ງໄດ້ຮັບຮອງເອົາວິທີການແກ້ໄຂ ບັນຫາທີ່ເປັນການຮຽກຮ້ອງໃຫ້ລັດຖະບານປະເທດຕ່າງໆ,

ລາຄາເຂົ້າສານຍັງຢູ່ໃນເກນປົກກະຕິ

     ລະດູຝົນຜ່ານມາໄດ້ສົ່ງຜົນ ກະທົບບໍ່ໜ້ອຍຕໍ່ເນື້ອທີ່ການປູກເຂົ້າຂອງກະສິ ກອນບາງສ່ວນໃນທົ່ວປະເທດ ແລະ ຫລາຍ ຄົນມີຄວາມຄິດວ່າເມືອງເປັນເຊັ່ນນັ້ນ ອາດເຮັດໃຫ້ລາຄາເຂົ້າມີລາຄາ ແພງ, ແຕ່ຕົວຈິງແລ້ວມາຮອດ ປັດຈຸບັນກໍຍັງເຫັນ ວ່າລາຄາ​ເຂົ້າ ທົ່ວໄປຢູ່ໃນເກນປົກກະຕິດີຄື ຢູ່ ຕະຫລາດໃຫຍ່ 3 ແຫ່ງໃນນະຄອນ ຫລວງວຽງຈັນ ເຊັ່ນ: ໜອງດ້ວງ, ທົ່ງຂັນຄຳ ແລະ ຕະຫລາດໜອງຈັນ​ ມີລາຄາປົກ ກະຕິ ແລະ ຄົງທີ່ດັ່ງປີຜ່ານມາ, ເຂົ້າຈ້າວ ຫອມມະລິ ກິໂລລະ 9 ພັນກີບ, ສ່ວນເຂົ້າ ບ້ານໂດນ, ເຂົ້າໄກ່ນ້ອຍ ແລະ ເຂົ້ານາແຊງລາຄາ 7-8 ພັນກີບຕໍ່ກິໂລ, ຕົກ ເປັນໜື່ນລະ 80-85 ພັນກີບ.

     ຜູ້ເກັບຊື້ ແລະ ໃຫ້ບໍລິການ ເຄື່ອງກົນຈັກກະສິກຳ​ໃຫ້​ຮູ້ວ່າ:​ ປັດຈຸບັນເຖິງວ່າການປູກເຂົ້າ ຂອງຊາວນານັບມື້ຫລຸດໜ້ອຍ ລົງ, ເນື້ອທີ່ນາໄດ້ຖືກຫັນປ່ຽນ ໄປເຮັດຢ່າງອື່ນ, ຊາວນາປະລະ ການເຮັດນາຍ້ອນຂາດແຫລ່ງ ທຶນ, ຂາດການນຳໃຊ້ເຄື່ອງກົນ ຈັກ, ຂາດການໃຫ້ຄຳປຶກສາ ດ້ານການຜະລິດ, ເຮັດໃຫ້ຜົນ ຜະລິດຕົກຕ່ຳ ແລະ ມີຕົ້ນທຶນສູງ ແຕ່ລາຄາເຂົ້າຍັງຢູ່ເກົ່າຈຶ່ງຫັນ ໄປປະກອບອາຊີບອື່ນແທນ ແລະ ບາງຄົນຍັງຄິດວ່າການເຮັດນາ ແມ່ນມີຄວາມສ່ຽງຈາກໄພທຳ ມະຊາດສູງ​. ດັ່ງ​ນັ້ນຕໍ່​ສະພາບ​ຄື​ແນວ​ນີ້ພາກສ່ວນກ່ຽວຂ້ອງ, ຕ້ອງ​ໄດ້​ຊອກທາງແກ້ໄຂຢ່າງ ເອົາຈິງເອົາຈັງຈຶ່ງ​ຈະ​ເຮັດ​ໃຫ້​ປະ​ເທດ​ເຮົາ​ສາມ​າດຄ້ຳປະກັນ​ສະ ບຽງ​ອາຫານ​ໄດ້.

ເຂົ້າຊ້າ-ເລີກໄວ ໄພໃກ້ໂຕຂອງ ວົງລັດຖະການ ( ຄໍລຳ ບັນຫາຈານແຍ່ )

ໂດຍ : ວິເສດ ສະແຫວງສຶກສາ

     ມີເລື່ອງຕະຫລົກກ້ອມສອງບົດ ເຊິ່ງເມື່ອຟັງແລ້ວບາງຄົນອາດຫົວຈົນໄສ້ຂົດໄສ້ ໂຂ ເພາະເປັນເລື່ອງທີ່ມັກເຫັນຕຳຕາຢູ່ຕາມສຳນັກງານອົງການບ່ອນທີ່ ລັດຖະກອນພາ ກັນເຮັດນາເງິນເດືອນເພື່ອລ້ຽງປາກ-ລ້ຽງທ້ອງ. ເລື່ອງທີໜຶ່ງເປີດສາກຂຶ້ນໃນຮູບການ ສົນທະນາລະຫວ່າງພະນັກ ງານຂັ້ນຫົວໜ້າກັບພະນັກງານທີ່ ເປັນລູກນ້ອງ. “ເປັນຫຍັງເຈົ້າຈຶ່ງ ມາການຊ້າທຸກມື້” ນາຍຖາມ, ຝ່າຍລູກນ້ອງຕອບວ່າ: “ຊ້າຍ້ອນ ລົດຕິດ...ອ້າຍ !”, ແຕ່ຝ່າຍນາຍ ຍັງສໍ້ຕື່ມ ວ່າ:: “ແຕ່ເວລາເລີກເດ ເປັນຫຍັງຈຶ່ງ ເລີກກ່ອນໂມງທຸກ ມື້”, ຝ່າຍລູກນ້ອງເອົາມືເກົາຫົວ ຍອກໆ ແລ້ວຕອບວ່າ: “ເພື່ອຈົ່ງ ເວລາໄວ້ສຳລັບລົດຕິດ !”. ເລື່ອງ ນີ້ຟັງແລ້ວກໍຕ້ອງຂໍຊົມເຊີຍທີ່ ຝ່າຍລູກນ້ອງຕອບເກັ່ງ ຈົນຝ່າຍ ຫົວໜ້າຕ້ອງງຽບໄປ ເພາະບໍ່ຮູ້ ແນວຊິຖາມຕໍ່. ແຕ່ເລື່ອງນີ້ ຈານ ແຍ່ສົນໃຈຢູ່ບ່ອນວ່າ: ຖ້າເປັນ ຝ່າຍລູກນ້ອງ ຖາມຄຳຖາມດຽວ ເດ, ຝ່າຍນາຍຊິ ຕອບວ່າ ແນວໃດ. ເສຍດາຍທີ່ບໍ່ມີບົດຕະຫລົກກ່ຽວ ກັບລູກນ້ອງຖາມນາຍ ເລື່ອງນາຍ ເຂົ້າການຊ້າແຕ່ເລີກໄວ. ຖ້າມີ, ນາຍ ຄົງຈະ ຕອບວ່າ: “ເຮົາແວ່ ກວດວຽກທາງນອກຈຶ່ງມາຊ້າ”, “ເຮົາເລີກໄວ ເພາະມີວຽກພົວ ພັນທາງນອກ”. ຈານແຍ່ວ່າ: ເລື່ອງລູກ ນ້ອງຊິກ້າຖາມນາຍວ່າ: ເປັນ ຫຍັງນາຍຈຶ່ງເຂົ້າການຊ້າ ແຕ່ ເລີກໄວນັ້ນ ຄົງຈະຫາຍາກ ສ່ຳໆກັບຊອກຫາຢືມຫີວນຳຄູບາ.