ໃນວັນທີ 16 ມັງກອນນີ້ກະຊວງສາທາລະນະສຸກໄດ້ຈັດກອງປະຊຸມປຶກສາຫາລືການມີສ່ວນຮ່ວມຈາກຫຼາຍພາກສ່ວນກ່ຽວກັບແຜນປະຕິບັດງານດ້ານການ ສະກັດກັ້ນແລະຄວບຄຸມພະຍາດບໍ່ຕິດຕໍ່ໃນສປປລາວຂື້ນ,ກະຊວງດັ່ງກ່າວ,ໂດຍການເປັນປະທານຂອງທ່ານ ຮອງສາດສະດາ ຈານ ດຣ ສົມອົກ ກິ່ງສະດາ,ລັດ ຖະມົນຕີຊ່ວຍວ່າການກະຊວງສາ ທາລະນະສຸກ,ມີຜູ້ຕ່າງໜ້າອົງການອະນາໄມໂລກແລະອົງການຈັດຕັ້ງຕ່າງໆທີ່ກ່ຽວຂ້ອງເຂົ້າຮ່ວມ.
ທ່ານປະທານກອງປະຊຸມກ່າວວ່າ:ປັດຈຸບັນພະຍາດບໍ່ຕິດຕໍ່ຫຼາຍຊະນິດເປັນຕົ້ນແມ່ນພະຍາດຫົວໃຈ-ເສັ້ນເລືອດ, ອຸປະຕິເຫດເສັ້ນເລືອດໃນສະໜອງ,ເບົາຫວານແລະພະຍາດມະເຮັງກຳລັງຂະຫຍາຍຕົວຢ່າງແຜ່ຫຼາຍແລະເປັນສາເຫດຂອງການຕາຍກວມເຖິງ 60 %ຂອງອັດຕາການຕາຍທັງໝົດແລະ 80% ຂອງຜູ້ທີ່ຕາຍຍ້ອນພະຍາດບໍ່ຕິດຕໍ່ (NCDs)ຄືດັ່ງກ່າວ,ແມ່ນເກີດຂື້ນໃນບັນດາປະເທດທີມີລາຍຮັບຕ່ຳແລະປານກາງ,ນອກນີ້ຍັງມີການເຈັບເປັນແລະເສຍຊີວິດຍ້ອນການບາດ
ເຈັບ,ອຸປະຕິເຫດ,ສຸຂະພາບຈິດ,ຜູ້ສູງອາຍຸກໍ່ເປັນສິ່ງທ້າທາຍອັນໜຶ່ງແລະຖ້າລຳພັງແຕ່ຂະແໜງສາທາລະນະສຸກພຽງຢ່າງດຽວແມ່ນບໍ່ສາມາດຄວບຄຸມ ພະຍາດດັ່ງກ່າວໄດ້ຢ່າງພຽງພໍ,ການເຄື່ອນໄຫວຂອງຫຼາຍ ພາກສ່ວນຮຽກຮ້ອງໃຫ້ສ້າງສິ່ງແວດລ້ອມທີ່ມີອຳນາດໃນເຮືອນ,ບ້ານແລະຕົວເມືອງ,ຊຶ່ງທາງເລືອກແຫ່ງສຸຂະພາບແມ່ນທາງເລືອກທີ່ງ່າຍ ດາຍເພື່ອບັນລຸບັນຫານີ້,ການເຄື່ອນໄຫວທີ່ຕ້ອງການແມ່ນຢູ່ໃນຂົງເຂດຕ່າງທໆເຊັ່ນ: ນະໂຍບາຍການຄ້າ ,ການຜະລິດອາຫານແລະຢາປິ່ນປົວພະຍາດ,ກະສິກຳ,ການພັດທະນາຕົວເມືອງ,ການຕັ້ງລາຄາ, ການໂຄສະນາ, ເຕັກໂນໂລຊີດ້ານຂໍ້ມູນຂ່າວສານ-ການສື່ສານແລະອາກອນ.ການເຄື່ອນໄຫວຂອງຫຼາຍພາກສ່ວນແມ່ນຮຽກຮ້ອງໃຫ້ຕັດວົງຈອນຄວາມທຸກຍາກແລະພະຍາດບໍ່ຕິດຕໍ່ NCDs,ການກັນແລະຄວບຄຸມພະຍາດບໍ່ຕິດຕໍ່ແລະປັດໃຈສ່ຽງຂອມັນມີຜົນກະທົບທາງບວກບໍ່ສະເພາະແຕ່ສຸຂະພາບເທົ່ານັ້ນ,ແຕ່ຍັງກະທົບໃສ່ຜົນຜະລິດ ແລະ ການພັດທະນາເສດຖະກິດ-ສັງຄົມອີກດວ້ຍ.
ທ່ານປະທານກ່າວວ່າ:ຍ້ອນສາເຫດນີ້ອົງການອະນາໄມໂລກຈຶ່ງໄດ້ສະເໜີໃຫ້ທຸກປະເທດຊ່ວຍກັນຄວບຄຸມ ພະຍາດບໍ່ຕິດຕໍ່ດັ່ງກ່າວເພື່ອໃຫ້ອັດຕາການຕາຍຍ້ອນພະຍາດນີ້ຫຼຸດລົງ 2% ຕໍ່ປີ, ຜ່ານມາວຽກງານກັນແລະຄວບຄຸມພະຍາດບໍ່ຕິດຕໍ່ຢູ່ລາວເຮົາແມ່ນຍັງຈຳກັດ, ດັ່ງນັ້ນເພື່ອໃຫ້ໄດ້ຮັບການໝັ້ນໝາຍຈາກລັດຖະບານ, ຄູ່ຮ່ວມພັດທະນາແລະ ຜູ້ມີສ່ວນກ່ຽວຂ້ອງອື່ນໆໃນການກັນ ແລະ ຄວບຄຸມພະຍາດບໍ່ຕິດຕໍ່, ກອງປະຊຸມປຶກ ສາຫາລືໃນການຮ່ວມມືກັບຫຼາຍພາກສ່ວນຄັ້ງນີ້ເຫັນວ່າມີຄວາມຈຳເປັນເພື່ອລະດົມຊຸກຍູ້ແນວຄວາມຄິດແລະສົນທະນາກັນເພື່ອປັບປຸງວຽກງານກັນ ແລະ ຄວບຄຸມພະຍາດບໍ່ຕິດຕໍ່ໃຫ້ດີຂຶ້ນ, ໂດຍສະເພາະແມ່ນເປັນພື້ນຖານໃນການກະກຽມການສ້າງຕັ້ງຄະນະກຳມະການແຫ່ງຊາດສຳລັບພະຍາດບໍ່ຕິດຕໍ່, ອີກຢ່າງໜຶ່ງກໍຈະເປັນການຊອກຫາການຮ່ວມມື ແລະ ປະສານງານກັບຫຼາຍພາກສ່ວນເປັນຕົ້ນແມ່ນຜູ້ຕ່າງໜ້າຈາກກະຊວງຕ່າງໆທີ່າມີສ່ວນກ່ຽວຂ້ອງກັບພະຍາດບໍ່ຕິດຕໍ່ດັ່ງກ່າວ.
No comments:
Post a Comment