ລາວ-ຫວຽດນາມເພີ່ມທະວີການຮ່ວມມືດ້ານປະກັນໄພເງິນຝາກ

ກອງທຶນປົກປ້ອງຜູ້ຝາກເງິນ ທະນາຄານແຫ່ງ ສປປ ລາວຮ່ວມ ກັບປະກັນໄພເງິນຝາກ ສສ ຫວຽດ ນາມ ໄດ້ຈັດ ສໍາມະນາພາຍໃຕ້ຫົວ ຂໍ້: “ ການຊໍາລະເງິນປະກັນໄພໃຫ້ ແກ່ຜູ້ຝາກເງິນຂອງປະກັນໄພເງິນ ຝາກຫວຽດນາມ ແລະ ວຽກງານ ໂຄສະນາຂໍ້ມູນຂ່າວສານ-ຫຼັກ ການສາກົນ  ແລະ ການແລກປ່ຽນ ບົດຮຽນຂອງປະກັນໄພເງິນຝາກ ຫວຽດນາມ ” ໃນວັນທີ 13 ມັງ ກອນທີ່ໂຮງແຮມລ້ານຊ້າງ ນະ ຄອນຫຼວງວຽງຈັນ ແລະໂດຍການ ເຂົ້າຮ່ວມຂອງທ່ານນາງ ວັດທະ ນາ ດາລາລອຍ ຮອງຜູ້ວ່າການ ທະນາຄານແຫ່ງ ສປປ ລາວ, ພ້ອມນີ້ກໍ ມີທ່ານນາງ ແສງດາວວີ ວົງຄໍາຊາວ ຜູ້ອໍານວຍການກອງ ທຶນປົກປ້ອງຜູ້ຝາກເງິນ, ທ່ານ ຫງຽວນ ຍື ມິ່ງ ( Nguyen Nhu Minh ) ຮອງຜູ້ອໍານວຍການປະ ກັນໄພເງິນຝາກຫວຽດນາມ, ຜູ້ ຕາງໜ້າຈາກບັນດາກົມ- ທຽບເທົ່າ ກົມທີ່ຂື້ນກັບທະນາຄານແຫ່ງ ສປປ ລາວ, ບັນດາທະນາຄານທຸລະກິດ - ສະຖາບັນການເງິນຈຸລະພາກທີ່ ຮັບເງິນຝາກ ແລະ ພາກສ່ວນທີ່ ກ່ຽວຂ້ອງກໍໄດ້ເຂົ້າຮ່ວມ.

ການສໍາມະນາໃນຄັ້ງນີ້ ບັນ ດານັກວິທະຍາກອນຈາກປະກັນ ໄພເງິນຝາກຫວຽດນາມໄດ້ນໍາສະ ເໜີວຽກງານການຊໍາລະເງິນປະ ກັນໄພໃຫ້ແກ່ຜູ້ຝາກເງິນຂອງປະ ກັນໄພເງິນຝາກຫວຽດນາມ ເຊິ່ງ ຍົກໃຫ້ເຫັນບັນຫາທົ່ວໄປ ແລະ ບົດ ຮຽນສາກົນກ່ຽວກັບການຊໍາລະ ເງິນປະກັນໄພຂອງອົງການປະກັນໄພເງິນຝາກໃຫ້ແກ່ຜູ້ຝາກເງິນ,

ການຈັດຕັ້ງປະຕິບັດຕົວຈິງໃນການຊໍາລະເງິນປະກັນໄພຂອງປະກັນ ໄພເງິນຝາກຫວຽດນາມໃນຊຸມປີຜ່ານມາ ແລະ ຍຸດທະສາດ, ການ ເຄື່ອນໄຫວວຽກງານການຊໍາລະ ເງິນປະກັນໄພຂອງປະກັນໄພເງິນ ຝາກຫວຽດນາມ ໂດຍມີຂໍ້ດີຍ້ອນ ວ່າມີພື້ນຖານທາງກົດໝາຍເອກະ ສານນິຕິກໍາຕ່າງໆກ່ຽວກັບປະກັນ ໄພເງິນຝາກ ແລະ ການຊໍາລະຄືນ ນັບມື້ນັບຍົກສູງປັບປຸງດີຂຶ້ນເລື້ອຍໆ, ວຽກງານການຊໍາລະຕົວຈິງແມ່ນ ໄດ້ຮັບການແກ້ໄຂຢ່າງຄົບຖ້ວນ, ວ່ອງໄວ, ແນ່ ນອນ ແລະ ປອດໄພ, ວຽກງານການຊໍາລະເງິນປະກັນ ໄພໄດ້ນໍາມາເຊິ່ງໝາກຜົນອັນຈົບ ງາມໂດຍສະເພາະແມ່ນສາມາດ ປົກປ້ອງສິດແລະຜົນປະໂຫຍດອັນຊອບທໍາຂອງຜູ້ຝາກເງິນ, ນອກ ຈາກນັ້ນຍັງຊ່ວຍຍົກສູງຄວາມເຊື່ອໝັ້ນຂອງປະຊາຊົນຜູ້ຝາກເງິນຕໍ່ກັບສະຖາບັນການເງິນທີ່ເປັນສະມາ ຊິກຂອງປະກັນໄພເງິນຝາກ, ມີ ສ່ວນຮ່ວມໃນການຮັກສາສະຖຽນລະພາບ ແລະ ພັດທະນາຄວາມ ໝັ້ນຄົງ, ຄວາມເຂັ້ມແຂງຂອງລະ ບົບການເງິນແຫ່ງຊາດ, ສະພາບ ແວດລ້ອມສັງຄົມມີຄວາມສະຫງົບ ແລະ ກໍບໍ່ມີການຮ້ອງຟ້ອງຈາກຜູ້ ຝາກເງິນ.

ດ້ານວຽກງານໂຄສະນາຂໍ້ ມູນຂ່າວສານ-ຫຼັກການສາກົນ ແລະ ການແລກປ່ຽນບົດຮຽນ ຂອງປະກັນໄພເງິນຝາກຫວຽດ ນາມ ກໍເປັນບັນຫາສໍາຄັນຫຼາຍ ເພາະມັນເປັນຂໍ້ແນະນໍາໃນການປັບປຸງຂອງສະມາຄົມປະກັນໄພເງິນ ຝາກສາກົນກັບການຍົກສູງຄວາມຮັບຮູ້ຂອງມວນຊົນເພື່ອສ້າງລະບົບປະກັນໄພເງິນຝາກທີ່ມີປະສິດທິຜົນ, ມວນຊົນຕ້ອງໄດ້ຮັບການສະໜອງຂໍ້ມູນຂ່າວສານຢ່າງເປັນປົກກະຕິກ່ຽວກັບຜົນໄດ້ ແລະ ຜົນເສຍຂອງ ລະບົບປະກັນໄພເງິນຝາກ, ບັນຫາ ພົ້ນເດັ່ນອັນໜຶ່ງກໍແມ່ນໃນໂອກາດ 15 ປີ ແຫ່ງການສ້າງຕັ້ງປະກັນ ໄພເງິນຝາກຫວຽດນາມກໍໄດ້ມີ ການໂຄສະນາໂດຍການສ້າງໂລ ໂກ 15 ປີ, ໂຄສະນາຜ່ານວາລະ ສານ, ອອກຂ່າວຢູ່ໂທລະພາບ, ບັນ ດາໜັງສືພິມ, ໜັງສືພິມອອນລາຍ, ໂຄສະນາຢູ່ບັນດາສາຂາ ແລະໃນມື້ ສະເຫຼີມສະຫຼອງກໍໄດ້ມີຕັ້ງໂຕະ ຕ້ອນຮັບສະເພາະນັກຂ່າວ.

ທ່ານຮອງຜູ້ວ່າການທະນາ ຄານແຫ່ງ ສປປ ລາວໄດ້ກ່າວວ່າ: ການສຳມະນາໃນຄັ້ງນີ້ ກໍເພື່ອຜັນ ຂະຫຍາຍບົດບັນທຶກຄວາມເຂົ້າ ໃຈໃນການຮ່ວມມືສອງຝ່າຍລະ ຫວ່າງກອງທຶນປົກປ້ອງຜູ້ຝາກເງິນ ແລະ ປະກັນໄພເງິນຝາກຫວຽດ ນາມ ທີ່ໄດ້ເຊັນກັນໃນເດືອນເມສາ 2011 ແລະ ໄດ້ກາຍເປັນຂີດໝາຍ ອັນສໍາຄັນເລິກເຊີງກ່ວາເກົ່າ, ເປັນ ບົດຮຽນອັນລໍ້າຄ່າຕໍ່ຂົງເຂດວຽກ ງານຂອງຂະແໜງການທະນາ ຄານກໍຄືຂອງກອງທຶນປົກປ້ອງຜູ້ ຝາກເງິນ, ແນໃສ່ເຮັດໃຫ້ການ   ເງິນ-ການທະນາຄານ ໂດຍສະ ເພາະລະບົບທະນາຄານທຸລະກິດ - ສະຖາບັນການເງິນຈຸລະພາກທີ່ຮັບເງິນຝາກຂອງ ສປປ ລາວ ມີ ຄວາມເຂັ້ມແຂງ ແລະ ໃນປັດຈຸ ບັນວຽກງານປະກັນໄພເງິນຝາກມີຄວາມສໍາຄັນຫຼາຍຕໍ່ຜູ້ທີ່ມີເງິນຝາກຢູ່ໃນບັນດາທະນາຄານທຸລະກິດ - ສະຖາບັນການເງິນຈຸລະພາກທີ່ຮັບເງິນຝາກເພາະວ່າມັນຈະມີຜົນກະ ທົບໂດຍກົງຕໍ່ຊີວິດການເປັນຢູ່ຂອງເຂົາເຈົ້າເມື່ອທະນາຄານທຸລະກິດຫຼືສະຖາບັນການເງິນຈຸລະພາກທີ່ຮັບເງິນຝາກໃດໜຶ່ງທີ່ບໍ່ແມ່ນສະມາຊິກຂອງກອງທຶນປົກປ້ອງຜູ້ຝາກເງິນ ເກີດລົ້ມລະລາຍເວົ້າສະເພາະ, ເວົ້າລວມແລ້ວມັນຈະມີຜົນກະທົບຕໍ່ລະບົບເສດຖະກິດການເງິນ-ການ ທະນາຄານຕື່ມອີກເຊິ່ງບົດຮຽນ ຜ່ານມາໄດ້ຢັ້ງຢືນໃຫ້ເຫັນວ່າ: ວິກິດການທາງການເງິນຂອງ ບັນດາປະເທດອາຊີ ປີ 1997, ຕໍ່ມາປີ 2008 ກໍ່ໄດ້ເກີດວິກິດການ ທາງການເງິນຢູ່ທີ່ສະຫະລັດອາເມ ລິກາ, ສະຫະພາບຢູໂລບ ແລະ ອື່ນໆເຊີ່ງວິກິດການດັ່ງກ່າວໄດ້ສ້າງຄວາມເສຍຫາຍຕໍ່ລະບົບເສດຖະກິດຂອງບັນດາປະເທດໃນທະວີບ ອາຊີ, ເນື່ອງຈາກມີບັນດາທະນາ ຄານ ແລະ ສະຖາບັນການເງິນຈໍາ ນວນຫຼວງຫຼາຍລົ້ມລະລາຍເຮັດ ໃຫ້ປະຊາຊົນສູນເສຍເງິນຝາກ, ບັນຫານີ້ກາຍເປັນສາເຫດເຮັດປະ ຊາຊົນຂາດຄວາມເຊື່ອໝັ້ນຕໍ່ລະບົບທະນາຄານ.

ຈາກວິກິດການທີ່ອາດຈະເກີດຂຶ້ນໃນອານາຄົດທັງເປັນເຄື່ອງມືສ້າງຄວາມໝັ້ນຄົງ ແລະ ຮັກສາ ສະຖຽນລະພາບທາງດ້ານການເງິນ-ເງິນຕາໃຫ້ມີຄວາມໝັ້ນທ່ຽງ, ສະນັ້ນຢູ່ ສປປ ລາວ ກໍໄດ້ ສ້າງຕັ້ງກອງທຶນປົກປ້ອງຜູ້ຝາກ ເງິນຂຶ້ນໃນປີ 1999 ເຊິ່ງມີຈຸດປະ ສົງເພື່ອປົກປ້ອງສິດ ແລະ ຜົນປະໂຫຍດອັນຊອບທຳຂອງຜູ້ຝາກເງິນ, ອີກປັດໃຈໜຶ່ງປັດຈຸບັນບັນ ດາທະນາຄານ ແລະ ສະຖາບັນ ການເງິນທີ່ຮັບຝາກເງິນໃນ ສປປ ລາວ ກໍາລັງມີການຂະຫຍາຍຕົວ ແລະ ມີຈຳນວນເພີ່ມຂຶ້ນຢ່າງໄວວາ ເພື່ອຕອບສະໜອງຄວາມຮຽກ ຮ້ອງຕ້ອງການດັ່ງກ່າວ, ກອງທຶນ ປົກປ້ອງຜູ້ຝາກເງິນຈຶ່ງມີຄວາມຈຳເປັນຢ່າງພາວະວິໃສໃນການເຊື່ອມໂຍງກັບສາກົນ, ໂດຍສະເພາະການເຄື່ອນໄຫວວຽກງານການ ເຊື່ອມໂຍງຂະແໜງການທະນາ ຄານອາຊຽນ ແລະ ທັງເປັນການສ້າງພື້ນຖານໂຄງລ່າງຄວາມໝັ້ນຄົງທາງດ້ານການເງິນຊຶ່ງເປັນວຽກງານໜຶ່ງທີ່ມີການພົວພັນໂດຍກົງກັບວຽກງານປົກປ້ອງຜູ້ຝາກເງິນ.