ກະຊວງການຕ່າງປະເທດ ຮ່ວມກັບມະຫາວິທະຍາໄລແຫ່ງຊາດ, ກະຊວງສຶກສາທິການ ແລະ ກິລາ ໄດ້ຈັດພິທີສະເຫຼີມສະຫຼອງວັນຟຣັງໂກໂຟນີສາກົນ ໃນວັນທີ 20 ມີນານີ້, ຢູ່ມະຫາວິທະຍາໄລແຫ່ງຊາດ ໂດຍການເຂົ້າຮ່ວມຂອງ ທ່ານ ພົງສະຫວັດ ບຸບຜາ ລັດຖະມົນຕີ, ຫົວໜ້າຫ້ອງວ່າການປະທານປະເທດ, ຮັບຜິດ ຊອບວຽກງານຟຣັງໂກໂຟນີ ແລະ ເອກອັກຄະລັດຖະທູດສາທາລະນະລັດຝຣັງປະຈຳລາວ.
ຜູ້ຮັບຜິດຊອບວຽກງານຝຣັງໂກໂຟນີ ໃຫ້ຮູ້ວ່າ: ອົງການຟຣັງໂກໂຟນີສາກົນແມ່ນອົງການຈັດລະຫວ່າງລັດຖະບານ ຂອງບັນດາປະເທດທີ່ໃຊ້ພາສາຝຣັ່ງ, ເຊິ່ງໄດ້ຮັບການສ້າງຕັ້ງຂຶ້ນໃນວັນທີ 20 ມີນາ 1970 ເພື່ອສ້າງຄວາມສາມັກຄີ, ການຮ່ວມມື ແລະ ການປົກປ້ອງຄວາມຫຼາກຫຼາຍທາງດ້ານວັດທະນະທຳ, ປັດຈຸບັນອົງການດັ່ງກ່າວມີສະມາຊິກທັງໝົດ 80 ປະເທດ ແລະ ສປປ ລາວ ໄດ້ຮັບເຂົ້າເປັນສະມາຊິກໃນປີ 1972 ແລະ ໄດ້ກາຍເປັນສະມາຊິກສົມບູນໃນວັນທີ 22 ພະຈິກ 1991, ອົງການດັ່ງກ່າວໄດ້ຮ່ວມມືຊ່ວຍເຫຼືອ ສປປ ລາວ ໃນຫຼາຍດ້ານໂດຍສະເພາະການຍົກລະດັບຄວາມຮູ້ຄວາມສາມາດຂອງບຸກຄະລາກອນລາວໃນຂະແໜງການສຶກສາ, ສາທາລະນະສຸກ, ວັດທະນະທຳ ແລະ ອື່ນໆ.
ໃນໂອກາດດຽວກັນຍນີ້ ທ່ານ ຫົວໜ້າກົມເອີຣົບ -ອາເມລິກາ ໄດ້ຂຶ້ນອ່ານສານຂອງ ທ່ານ ນາງ Michaelle Jean ເລຂາທິການໃຫຍ່ຂອງອົງການຟຣັງໂກໂຟນີທີ່ໄດ້ເນາະນຳໃຫ້ການສະເຫຼີມສະຫຼອງວັນດັ່ງ ກ່າວມີຄວາມໝາຍຄວາມສຳຄັນຍິ່ງຂຶ້ນ ແລະ ຈາກນີ້ ຜູ້ເຂົ້າຮ່ວມຍັງໄດ້ຊົມການສະແດງສິນລະປະວັນນະຄະດີຂອງນັກຮຽນ-ນັກສຶກສາ ພາສາຟຣັງ ແລະ ການວາງສະແດງຮູບພາບການເຄື່ອນໄຫວວຽກງານຂອງຂອງວຽກງານດັ່ງກ່າວອີກດ້ວຍ.
No comments:
Post a Comment