Ad

Ad

2 March 2015

ລົດ​ຍີ່ຫໍ້ຈາ​ກົວ​ ຈະ​ມີ​ຂາຍຢູ່ສູນ​ລາວ​ແລນ​ໂຣ​ເວີ ​ໃນ​ເດືອນ​ກໍລະກົດ​ນີ້​



     ໃນວັນທີ 27 ກຸມພາຜ່ານມາ, ​ໄດ້ມີງານຖະແຫລງຂ່າວ​​ເປີດໂຕຕົວແທນຈຳ ໜ່າຍລົດຍີ່ຫໍ້ຈາກົ່ວ, ຢ່າງ​​ເປັນທາງການ​ ​ໃນ ສປປ ລາວ, ​ໂດຍການເຂົ້າຮ່ວມຂອງທ່ານຟິນລິບ ມັນໂລເອກອັກຄະລາຊະທູດອັງກິດ ະຈຳລາວ, ທ່ານ ສະຕິ ມາຕິນ ຜູ້ບໍລິຫານ ການຈຳໜ່າຍລົດຍີ່ຫໍ້ຈາກົວແລະ ແລນໂຣເວີ ປະຈຳພາກພື້ນອາຊີ.
     ທ່ານເດວິດ ນິວ​​ແມນ ຜູ້ບໍລິຫານ ລາວແລນໂຣເວີໄດ້ກ່າວວ່າ: ບໍລິສັດຂອງພວກເຮົາໄດ້ເປັນຕົວແທນຈຳໜ່າຍລົດຍີ່ຫໍ້ແລນໂຣເວີຢ່າງເປັນທາງການ​​ໃນລາວແຕ່ພຽງຜູ້ດຽວ ມາເປັນເວລາຫລາຍປີແລ້ວແລະ ກໍໄດ້ທຸມເທການເຮັດວຽກຮ່ວມກັນ​​ເພື່ອໄດ້ເປັນຕົວແທນຈຳໜ່າຍລົດຍີ່ຫໍ້ຈາກົວຕື່ມອີກ, ​ເຊິ່ງເຫັນວ່າລົດຍີ່ຫໍ້ຈາກົວ, ເປັນລົດທີ່ມີຄວາມຫລູຫລາແລະ ທັນສະໄໝ, ​ຊຶ່ງເປັນຍີ່ຫໍ້ໜຶ່ງທີ່ຜະລິດດ້ວຍນະວັດຕະກຳທີ່ກ້າວໜ້າທັນສະໄໝແລະ ອອກແບບມາເພື່ອສ້າງຄວາມເພີດເພີນແລະອຳນວຍຄວາມສະດວກໃຫ້ແກ່ຜູ້ຂັບຂີ່, ພ້ອມນີ້ ລົດຍີ່ຫໍ້ດັ່ງກ່າວຍັງຈັດຢູ່ໃນອັນດັບຕົ້ນໆຂອງລົດຫລາຍຊະນິດໃນໂລກ.

     ທ່ານ ສະຕິ ມາຕິນ ຜູ້ບໍລິຫານ ຈາກົວ-ແລນໂຣເວີ ປະຈຳພາກພື້ນອາຊີ ກ່າວວ່າ: ລົດຈາກົວ ​​ຖືກຈັດຢູ່ໃນປະເພດລົດທີ່ມີຄວາມຫລູຫລາແລະ ຖືວ່າເປັນລົດທີ່ມີຊື່ສຽງຂອງປະເທດອັງກິດ ນອກນັ້ນ ຈາກົວ ຍັງໄດ້ສ້າງລົດສະປອດທີ່ປະສົບຜົນສຳເລັດໃນການແຂ່ງຂັນລົດໃນລະດັບໂລກມາ​​ແລ້ວແຕ່ປີ 1922. ​ປັດຈຸບັນນີ້ ລົດຈາກົວ, ​ກຳລັງຍົກລະດັບການຜະລິດລົດສະປອດແລະ ລົດເກັງ ໃຫ້ມີປະສິດທິພາບສູງດ້ວຍຮູບໂສມທີ່ລ້ຳສະໄໝເຊັ່ນ: ​ເອັຟທາຍ (F-TYPE) ຮຸ່ນໃໝ່ ເປັນລົດທີ່ສືບ ຖອດຕຳນານຂອງ ອີທາຍ (E-TYPE), ສ່ວນຈາກົວເອັກອີ (XE), ເອັກເອັຟ (XF) ແລະ ເອັກເຈ (XJ) ເປັນລົດທີ່ຂາຍ ດີທີ່ສຸດ ແລະ ໃນໄວໆນີ້ຈາກົ່ວຈະເປີດໂຕລົດໃໝ່ຮຸ່ນເອັສຢູວີ (SUV), ແລະ ຮຸ່ ເອັຟ ແພັກ (F-PACE) ແລະ ຄາດວ່າ ຈະເປັນລົດທີ່ໄດ້ຮັບຄວາມນິຍົມສູງໃນລາວ ເພາະຈາກົ່ວສາມາດຕອບສະໜອງທຸກຄວາມຕ້ອງການຂອງຜູ້ຊົມໃຊ້.
     ຕົວແທນຈຳໜ່າຍລົດຍີ່ຫໍ້ ຈາກົວ ແລະ ແລນໂຣເວີ ຕັ້ງຢູ່ຖະໜົນ T4, ບ້ານໂພນທັນ ເມືອງໄຊເສດຖາ ນະຄອນຫລວງ ວຽງຈັນ, ເຊິ່ງຖັດຈາກຕະຫລາດຫລັກຊັບລາວ. ປັດຈຸບັນກຳລັງຢູ່ໃນລະຫວ່າງການກໍ່ສ້າງ ແລະ ມີກຳນົດຈະເປີດໃຫ້ບໍລິ ການໃນເດືອນກໍລະນີນີ້.

No comments:

Post a Comment