ໃນວັນທີ 18 ເມສາ
ທີ່ຜ່ານມານີ້ ຢູ່ທີ່ເມືອງຊຽງເງິນ ແຂວງຫຼວງພະບາງ
ໄດ້ມີພິທີຕັນນໍ້າເຂົ້າອ່າງເຂື່ອນໄຟຟ້ານໍ້າຄານ 2 ຢ່າງເປັນທາງການ,
ໂດຍການເຂົ້າ ຮ່ວມຂອງ ທ່ານ ສົມສະຫວາດເລັ່ງສະຫວັດ
ກຳມະການກົມການເມືອງສູນກາງພັກ ຮອງນາ ຍົກລັດຖະມົນຕີຜູ້ຊີ້ນຳວຽກງານເສດຖະກິດ ຂົງເຂດການຜະລິດ ແລະ
ຈໍລະຈອນ,ທ່ານດຣ.ຄຳແພງ ໄຊສົມແພງກຳມະການສູນກາງພັກເລຂາພັກແຂວງ ເຈົ້າແຂວງໆຫຼວງພະບາງ,ທ່ານ
ສຸລິວົງ ດາລາວົງ ກຳມະການສູນກາງພັກ, ລັດຖະມົນຕີ
ວ່າການກະຊວງພະລັງງານ ແລະ ພ້ອມດ້ວຍ ແຂກ ແລະ
ມວນຊົນເຂົ້າຮ່ວມເປນັຈຳນວນຫລາຍ. ໃນພິທີ ທ່ານອຳນວຍການໃຫຍ່ ລັດວິສາຫະກິດໄຟຟ້າລາວ
ໄດ້ຂື້ນລາຍງານການກໍ່ສ້າງເຂື່ອນໄຟຟ້ານໍ້າຄານ 2 ແມ່ນໂຄງການຫນຶ່ງ ຂອງລັດຖະບານ
ທີ່ໄດ້ມອບໃຫ້ລັດວິສາຫະກິດໄຟຟ້າລາວເປັນຜູ້ຈັດຕັ້ງປະຕິບັດ ແລະ ຄຸ້ມຄອງ,ຊຶ່ງໂຄງການນີ້ໄດ້ຮັບເງິນກູ້ຈາກທະນາຄານ ເອັກຊິມແບ່ງ (EXIM
BANK)ຂອງ ສ.ປ ຈີນ ໃນມູນຄ່າ308 ລ້ານ ໂດລາສະຫະລັດ ແລະ ມອບໃຫ້ບໍລິສັດ SINOHYDRO
CORPORATION ສ.ປ ຈີນ ເປັນຜູ້ຮັບເໝົາກໍ່ສ້າງໃນໄລຍະ
ເວລາ 54 ເດືອນ.
ທີ່ໄດ້ສ້າງເປັນເຂື່ອນຫີນແຂງອັດແໜ້ນ ສາບໜ້າດ້ວຍຄອນກຣິດ,ເນື້ອທີອ່າງໂຕ່ງ 5,16
ກິໂລແມັດມົນທົນ (Km2)ສາມາດກັກເກັບນ້ຳໄດ້ 686 ລ້ານແມັດກ້ອນ,ມີກຳລັງຕິດຕັ້ງ
130 ເມກາວັດ, ແລ່ນດ້ວຍເຄື່ອງຈັກ 2 ເຄື່ອງ, ສາມາດຜະລິດພະລັງງານໄດ້ 558 GWh/ປີ.
ແລະ ຄາດວ່າອີກ 5
ເດືອນຂ້າງໜ້າກໍ່ຈະສາມາດຜະລິດກະແສໄຟໄດ້ຕາມແຜນການທີ່ໄດ້ວາງໄວ້ເປັນຢ່າງດີ
ໂຄງການເຂື່ອນໄຟຟ້ານໍ້າຄານ 2 ເປັນອີກຫນຶ່ງໂຄງການ
ຫນຶ່ງເພື່ອສາມາດຕອບສະໜອງພະລັງງານໄຟຟ້າໃຫ້ພາຍໃນປະເທດ
ໂດຍສະເພາະເຂດພາກເໜືອຂອງ ລາວ ແລະ ຈະເປັນອ່າງນ້ຳໃຫຍ່ ອີກ 1 ແຫ່ງ ຊື່ງສາມາດພັດທະນາເປັນເຂດທ່ອງທຽ່ວ ແລະ
ບ່ອນທຳມາຫາກິນຂອງປະຊາຊົນໃນເຂດເມືອງຊຽງເງິນ
ເພື່ອຍົກລະດັບຊີວິດການເປັນຢູ່ຂອງເຂົ້າເຈົ້າໃຫ້ດີຂື້ນ ແລະ
ສາມາດລຸດພົ້ນອອກຈາກຄວາມທຸກຍາກເທື່ອລະກ້າວ.
No comments:
Post a Comment