ສະເຫຼີມສະຫຼອງວັນຕ້ານໄຂ້ຍຸງລາຍອາຊຽນ 15 ມິຖຸນາ

ປີ 2015 ນີ້ລາວເຮົາໄດ້ຮັບກຽດເປັນເຈົ້າພາບຈັດງານສະເຫຼີມສະຫຼອງວັນ ຕ້ານໄຂ້ ຍຸງລາຍອາຊຽນ (15 ມິຖຸນາ ) ແລະ ໃນວັນທີ 14 ມິຖຸນານີ້ກະຊວງສາທາລະ ນະສຸກກໍໄດ້ຈັດກິດຈະກຳຂີ່ ລົດຖີບເພື່ອສຸຂະພາບຈາກສວນວັດທະນະ ທຳຊົນ ເຜົ່າອິນແປງຫາປະຕູໄຊ, ໂດຍການເຂົ້າຮ່ວມຂອງທ່ານ ຮອງສາດສະດາ ຈານດຣ ບຸນ ກອງ ສີຫາລົງ ລັດຖະມົນ ຕີຊ່ວຍວ່າການກະຊວງສາທາລະນະສຸກ, ມີຜູ້ຕາງ ໜ້າຈາກບັນດາປະເທດອາຊຽນ, ພ້ອມດ້ວຍອົງການຈັດຕັ້ງຈາກສາກົນ ແລະ ນັກຂີ່ລົດຖີບທັງພາບໃນ ແລະ ຕ່າງປະເທດເຂົ້າຮ່ວມຫຼາຍກວ່າ 300 ຄົນ.

ລັດຖະມົນຕີຊ່ວຍວ່າການກະຊວງດັ່ງກ່າວມີຄຳເຫັນໃນພິທີວ່າ: ງານສະເຫຼີມສະຫຼອງວັນຕ້ານໄຂ້ຍຸລາຍອາຊຽນ

ເລີ່ມຈັດຢູ່ປະເທດອິນໂດເນເຊຍໃນປີ 2011, ສະຫະພາບມຽນມ້າ 2012, ສສ ຫວຽດນາມ 2013 ແລະ ປະເທດຟີລິບປິນໃ ນປີ 2014, ເພື່ອແນ່ໃສ່ປຸກລະດົມການຕ້ານໄຂ້ຍຸງລາຍ ເແລະ ປີນີ້ລາວເຮົາໄດ້ຮັບກຽດເປັນເຈົ້າພາບຊຶ່ງໄດ້ເລີ່ມຕົ້ນ ດ້ວຍການ ຈັດກິດຈະກຳຂີ່ລົດຖີບເພືອສຸຂະພາບເພື່ອແນ່ໃສ່ໃຫ້ປະຊາຊົນເຫັນໄດ້ຄວາມສຳຄັນໃນກນຕ້ານໄຂ້ຍຸງລາຍ ແລະ ເອົາ ໃຈໃສ່ຕໍ່ສຸຂະພາບຂອງຕົນເອງ, ຂອງຄອບຄົວ ແລະ ຊຸມຊົນອ້ອມຂ້າງ, ຂະບວນການ ຂີ່ລົດຖີບດັ່ງກ່າວຄັ້ງນີ້ມີຄຳຂວັນວ່າ:“ ຄອບຄົວເປັນເຈົ້າການບໍ່ໃຫ້ມີໜອນນ້ຳຍຸງລາຍ ກໍບໍ່ມີຍຸງລາຍ”, ຍ້ອນວ່າໄຂ້ຍຸງລາຍຍັງເປັນບັນຫາໜັກໃຫ້ແກ່ສາທາລະ ນະສຸກຂອງບັນດາປະເທດອາ ຊຽນ, ສະເພາະຢູ່ລາວມັກມີຂື້ນໃນທຸກໆປີ ແລະ ເກືອບທຸກແຂວງຂອງປະເທດ, ຊຶ່ງມີແນວ ໂນ້ມເພີ່ມຂື້ນໃນລະດູຝົນ ແລະ ປັດຈຸບັນຍັງບໍ່ທັນມີຢາປິ່ນປົວພະຍາດໄຂ້ຍຸງລາຍທີ່ຫາຍຂາດ ແລະ ການປ້ອງກັນແມ່ນ ມີແຕ່ການ ທຳລາຍແຫຼ່ງເພາະພັນຂອງຍຸງລາຍ. ໂດຍການປະກອບສ່ວນຂອງແຕ່ລະຄອບຄົວ, ແຕ່ລະ ຄົນຈຶ່ງຈະໄດ້ຮັບ ຜົນສຳເລັດ  ແລະ ເນື່ອງຈາກປັດຈຸບັນການໄປມາຫາສູ່ເຊິ່ງກັນ ແລະ ກັນໃນບັນດາປະເທດອາຊຽນ ແລະ ບັນດາປະເທດໃນ ໂລກແມ່ນ​ໃຊ້ເວລາໜ້ອຍກວ່າ 48 ຊົ່ວໂມງ, ຊຶ່ງເຮັດໃຫ້ພະຍາດສາມາດແຜ່ກະຈາຍຈາກປະ ເທດໜຶ່ງໄປສູ່ອີກປະ ເທດໜຶງໄດ້ຢ່າງໄວວາ, ດັ່ງນັ້ນຖ້າພວກເຮົາບໍ່ຮ່ວມແຮງ, ຮ່ວມໃຈກັນຕ້ານພະຍາດໄຂ້ຍຸງລາຍແມ່ນພວກເຮົາຈະເອົາ ຊະນະພະຍາດດັ່ງກ່າວ ນັ້ນໄດ້.

ໃນມື້ດຽວກັນຄະນະນຳກະຊວງສາທາລະນະສຸກ, ພ້ອມດ້ວຍຜູ້ຕາໝ້າບັນດາປະເທດອາຊຽນ ແລະ ອົງການ ຈັດຕັ້ງ, ຍັງເດີນທາງໄປຢ້ຽມຢາມບ້ານຕາດທອງ, ຊຶ່ງເປັນບ້ານຕົວແບບໃນການຕ້ານໄຂຍຸງລາຍ ແລະ ທັງເປັນຕົວແບບໃນການລ້ຽງປາ ຫາງນົກຍຸງເພື່ອກິນໜອນນ້ຳຍຸງລາຍນຳ​ອີກ.