ເຈົ້າໜ້າທີ່ຈະລາຈອນ
ແຂວງວຽງຈັນ
ໃຫ້ຮູ້ວ່າ:
ໃນເວລາປະມານ 18:00 ໂມງຂອງວັນທີ 22 ມິຖຸນານີ້, ຢູ່ຖະໜົນ
13 ເໜືອ, ເຂດບ້ານສະກ້າ ເມືອງໂພນ ໂຮງ ແຂວງວຽງຈັນ ໄດ້ມີລົດກະບະຮຸນໄດ ໝາຍເລກທະບຽນ ກກ 7032 ກຳແພງນະຄອນຂັບຂີ່ໂດຍທ້າວ ສຸລະໄຊ ອາຍຸ 17 ປີ ນັກຮຽນຢູ່ບ້ານໜອງແຕ່ງ ເມືອງສີໂຄດຕະບອງນະຄອນຫລວງວຽງຈັນ ເຊິ່ງລົດຄັນດັ່ງກ່າວໄດ້ແລ່ນມາແຕ່ບ້ານຫ້ວຍໝໍ້ ເມືອງວັງວຽງ ມຸ້ງໜ້າໄປນະຄອນຫລວງວຽງຈັນ ດ້ວຍຄວາມໄວສູງ ພໍມາຮອດຈຸດເກີດເຫດ ເສຍການຄວບຄຸມເຈີດເຂົ້າແຄມທາງໄປຕຳເອົາເຮືອນປະຊາຊົນ ແລ້ວເຈີດໄປຕຳພໍ່ຕູ້ບຸນເຕັງ ອາຍຸ 83 ປີ ຢູ່ບ້ານດັ່ງກ່າວ ທີ່ນັ່ງຫລິ້ນຢູ່ຫນ້າເຮືອນ ຈົນເສຍຊີວິດຄາທີ່. ສ່ວນຄົນຂັບລົດໃຫຍ່ ແລະ ຜູ້ທີ່ນັ່ງມານຳກັນ ລວມເປັນ 5 ຄົນໄດ້ຮັບບາດເຈັບເລັກຫນ້ອຍ ແລະ ສະພາບລົດແມ່ນເສຍຫາຍສົມຄວນ.
ຜ່ານການສືບສວນ-ສອບສວນຂອງເຈົ້າໜ້າທີ່ ໃຫ້ຮູ້ວ່າ: ລົດກະບະຮຸນໄດ ຄັນດັ່ງກ່າວ ແມ່ນມີສະພາບເກົ່າພໍສົມ ຄວນ, ບວກໃສ່ການຂັບຂີ່ດ້ວຍຄວາມໄວສູງ ຈຶ່ງເຮັດໃຫ້ເສຍຫລັກເກີດອຸປະຕິເຫດ ແລະ ເຮັດໃຫ້ມີຜູ້ເສຍຊີວິດ. ສ່ວນຄົນຂັບລົດເຈົ້າໜ້າທີ່ກັກຕົວໄວ້ເພື່ອດຳເນີນການຕາມລະບຽບກົດໝາຍ.
No comments:
Post a Comment