ຫາລືສະພາບປະຊາກອນ ແລະ ສຸຂະພາບຈະເລີນພັນໃນລາວ

ກອງປະຊຸມຫາລືການວິໄຈສະພາບປະຊາກອນ ແລະ ສຸຂະພາບຈະເລີນພັນໃນ ສປປ ລາວ ຖືກຈັດຂຶ້ນ, ໃນວັນທີ 17 ມິຖຸນານີ້, ຢູ່ໂຮງແຮມລາວພລາຊາ ນະ ຄອນຫຼວງວຽງຈັນ ໂດຍກະຊວງແຜນການ ແລະ ການລົງທຶນຮ່ວມກັບອົງການ ສະຫະປະຊາຊາດກອງທຶນສຳລັບປະຊາກອນ ແລະ ການພັດທະນາ, ມີທ່ານ ນາງ ພອນວັນ ອຸທະວົງ ຮອງຫົວໜ້າກົມແຜນການ, ກະຊວງແຜນການ ແລະ ການລົງ ທຶນ, ທ່ານ ຮາຊານ ຜູ້ຕາງໜ້າອົງການສະຫະປະຊາຊາດ ກອງທຶນສຳລັບປະຊາ ກອນ ແລະ ການພັດທະນາ, ພ້ອມດ້ວຍອົງການຈັດຕັ່ງ ກ່ຽວຂ້ອງເຂົ້າຮ່ວມ.

ຮອງຫົວໜ້າກົມແຜນການກ່າວຕໍ່ທີ່ປະຊຸມວ່າ: ປັດຈຸບັນພວກເຮົາພວມຈັດຕັ້ງປະຕິບັດ ໄລຍະສຸດທ້າຍຂອງແຜນພັດ ທະນາເສດຖະກິດ-ສັງຄົມ 5 ປີ ຄັ້ງທີ VII ( 2011-2015 )  ແລະ ເພື່ອພ້ອມກັນເພີ່ມທະວີສູ້ຊົນບັນລຸຄາດໝາຍຈຳນວນ

ໜຶ່ງ, ເປັນຕົ້ນແມ່ນການເຕີບໂຕ ທາງດ້ານເສດຖະກິດ, ກໍຄືການບັນລຸເປົ້າໝາຍສະຫັດສະຫວັດດ້ານການພັດທະນາ, ໂດຍສະ ເພາະແມ່ນຄາດໝາຍດ້ານໂພຊະນາການ, ອັດຕາການຕາຍຂອງເດັກອາຍຸລຸ່ມ 1 ປີ ບັນຫາສຸຂະ ພາບຈະເລີນພັນ, ອັດຕາ ການລອດເຫຼືອຊັ້ນປະຖົມ ແລະ ບັນຫາລະເບີດບໍ່ທັນແຕກ, ທີ່ເປັນອັນຕະລາຍຕໍ່ຊີວິດການເປັນຢູ່ຂອງປະຊາຊົນບັນດາເຜົ່າ ແລະ ອື່ນໆແມ່ນຈະສືບຕໍ່ ແກ້ໄຂໃນແຜນພັດທະນາ 5 ປີ ຄັ້ງທີ VIII ( 2016-2020 ), ແຜນດັງກ່າວແມ່ນຮັບປະກັນສະ ຖຽນລະພາບ ທາງດ້ານການເມືອງ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນ ສັງຄົມ, ສືບຕໍ່ແກ້ໄຂຄວາມທຸກ ຍາກຂອງປະຊາຊົນໃຫ້ໄດ້ຢ່າງທົ່ວເຖິງ ແລະ ບັນລຸເງື່ອນໄຂຂອງການຫຼຸດພົ້ນອອກຈາກສະຖານະພາບປະເທດ ດ້ອຍພັດ ທະນາໃນປີ 2020 ແລະ ສິ່ງສຳ ຄັນຂອງແຜນພັດທະນາຄັ້ງນີ້ແມ່ນການພັດທະນາຊັບພະຍາກອນມະນຸດໃຫ້ມີຄຸນນະພາບ ຫຼາຍຂື້ນ, ເພື່ອຕອບສະໜອງຄວາມຕ້ອງການຂອງການພັດທະນາ ແລະ ສອດຄ່ອງກັບສະພາ ວະຂອງການເປີດກວ້າງການ ເຊື່ອມໂຍງກັບພາກພື້ນ ແລະ ສາກົນຢ່າງມີປະສິດທິຜົນສູງ, ໂດຍ ສະເພາະແມ່ນການເຂົ້າເປັນປະຊາຄົມເສດຖະກິດ ອາຊຽນໃນທ້າຍປີ 2015 ນີ້, ດັ່ງນັ້ນ ກອງປະຊຸມຄັ້ງນີ້ຈຶ່ງມີຄວາມໝາຍສຳຄັນຢ່າງຍ່ິງ, ໃນການຮັບຮູ້ເຖິງບັນຫາໃໝ່. ກ່ຽວກັບວຽກງານປະຊາກອນ ແລະ ການພັດທະນາ, ລວມເຖິງບັນຫາສຸຂະພາບຈະເລີນພັນ ແລະ ບົດບາດຍິງ- ຊາຍ, ເພື່ອເຮັດໃຫ້ບັນຫາດັ່ງກ່າວເຊື່ອມເຂົ້າໃນແຜນພັດທະນາ 5 ປີຄັ້ງທີ VIII ໄດ້ນັ້ນ, ພວກ ເຮົາຕ້ອງໄດ້ເຂົ້າໃຈສະພາບປະ ຊາກອນ ແລະ ການປ່ຽນແປງຂອງສະພາບປະຊາກອນ: ເພື່ອ ເປັນຂໍ້ມູນນຳໃຊ້ເຂົ້າໃນແຜນພັດທະນາໄດ້ຖືກຕ້ອງ ແລະ ສອດຄ່ອງກັບຄວາມເປັນຈິງຂອງປະເທດເຮົາ.