ທະນາຄານລາວ-ຫວຽດຈັບລາງວັນມອບໂຊກໃຫ້ລູກຄ້າ

ໃນຕອນເຊົ້າວັນທີ 20 ມິຖຸນານີ້, ຢູ່ສຳນັກງານໃຫຍ່ທະນາຄານຮ່ວມທຸລະກິດລາວ- ຫວຽດ(LVB), ນະຄອນ ຫລວງວຽງຈັນ, ໄດ້ຈັດພິທີຈັບລາງວັນມອບໂຊກ ໃຫ້ ລູກຄ້າຄັ້ງທີ 1 ຂອງລາຍການເງິນຝາກລຸ້ນຮັບໂຊກປະຈຳປີ 2015, ໂດຍການເຂົ້າ ຮ່ວມຂອງທ່ານ ດວ່ານ ຫວຽດນາມ ອຳນວຍການທະນາຄານຮ່ວມທຸລະ ກິດລາວ- ຫວຽດ, ມີຜູ້ຕາງໜ້າຈາກພະແນກການເງິນ, ທະນາຄານແຫ່ງ ສປປ ລາວ, ພະແນກຍຸຕິທຳ, ອຸດສະຫະກຳ ແລະ ການຄ້າ ແລະ ປກສ ຮ່ວມເປັນຄະນະກຳມະການ, ພ້ອມດ້ວຍລູກຄ້າ ເຂົ້າຮ່ວມເປັນ ຈຳນວນຫລາຍ.

    ລາຍການເງິນຝາກລຸ້ນຮັບໂຊກຂອງທະນາຄານຮ່ວມທຸລະກິດລາວ-ຫວຽດ, ໄດ້ເລີ່ມປະຕິບັດທຸກປີນັບແຕ່ປີ 2013 ເປັນຕົ້ນມາ, ເຊິ່ງເຫັນວ່າໄດ້ຮັບຄວາມສົນໃຈ ແລະ ສະໜັບສະໜູນຈາກລູກຄ້າເງິນຝາກໃນທົ່ວປະເທດເປັນຢ່າງດີ ແລະ ໃນປີ 2015 ນີ້ແມ່ນໄດ້ເລີ່ມມາແຕ່ວັນທີ 15 ມັງກອນ 2015 ຈົນຮອດວັນທີ 15 ທັນວາ 2015 ມີຫລາຍກວ່າ 70 ລາງ ວັນ, ລວມມູນຄ່າ 1.500 ລ້ານກີບ, ໂດຍລາງວັນທີ1ແມ່ນລົດ ໂຕໂຍຕາ ຟໍຈູນເນີ ໜຶ່ງລາງວັນ, ລາງວັນທີ 2 ລົດໂຕໂຍຕານິວ ວີອອດ 2 ລາງວັນ, ນອກຈາກນີ້ຍັງມີລາງວັນຊຸດໂຮມເທຍເຕີ, ລົດຈັກ, ໂທລະພາບ, ໂທລະສັບມືຖືໄອໂຟນ, ບັນ ຊີເງິນຝາກ ປະຈຳມູນຄ່າ 3 ລ້ານກີບ ແລະ 1 ລ້ານກີບ ແລະ ເນື່ອງຈາກລາງວັນມີຫລາຍ ແລະ ມີມູນຄ່າສູງ, ການອອກລາງວັນຈຶ່ງແບ່ງ ເປັນສອງຄັ້ງຄື: ຄັ້ງທີໜຶ່ງແມ່ນວັນທີ 20 ມິຖຸນາ 2015 ລາງວັນໃຫຍ່ແມ່ນລົດໂຕໂຍຕານິວວີອອດ ແລະ ລາງວັນອື່ນໆ ແລະ ຄັ້ງທີສອງແມ່ນຈະຈັດຂຶ້ນໃນວັນທີ 19 ທັນວາ 2015 ລາງວັນໃຫຍ່ຄືລົດໂຕໂຍຕາ ຟໍຈູນເນີ ແລະ ລາງວັນອື່ນ, ສ່ວນບັນຊີລູກຄ້າຜູ້ໂຊກດີຖືກລາງວັນໃນການຈັບສະຫລາກຄັ້ງນີ້ສາມາດກວດເບິ່ງໄດ້ຢູ່ຕາມໜັງສືພີມຕື່ມອີກ.