ເປີດຂາຍແລ້ວເຮືອນຂອງໂຄງການ AVIC TOWNHOUSE

ພິທີນຳສະເໜີ ແລະ ເປີດຂາຍເຮືອນຂອງໂຄງການ AVIC TOWN HOUSE ໄດ້ຈັດຂຶ້ນ ໃນວັນທີ 20 ມິຖຸນານີ້ ຢູ່ສູນການຄ້າວຽງຈັນ ເຊັນເຕີ ນະຄອນຫຼວງ ວຽງຈັນ, ໂດຍ ບໍລິສັດເອ ວີໄອຊີ  ສາກົນ ອິນເວັສເມນລາວ ຈຳກັດ ເປັນເຈົ້າຂອງ ໂຄງການດັ່ງກ່າວ, ຊຶ່ງມີນັກທຸລະກິດທັງພາຍໃນ ແລະ ຕ່າງປະເທດ, ພ້ອມດ້ວຍ ສື່ມວນຊົນເຂົ້າຮ່ວມເປັນຈຳນວນຫຼາຍ.

ທ່ານ ເຈີງອີ ອຳນວຍການບໍລິສັດດັ່ງກ່າວໃຫ້ຮູ້ວ່າ: ໂຄງການ AVIC TOWNHOUSE ແມ່ນ ໂຄງການກໍ່ສ້າງປະເພດທີ່ຢູ່ອາໄສແຫ່ງທຳອິດໃນລາວ, ໂດຍ ເອວິກ ສາກົນເອັນຈີເນຍຣິງ ຈຳກັດຈາກ
ສປ ຈີນ ແລະ ບໍລິສັດກຣິດຕະພົງກຣຸບ ຈຳກັດ ຮ່ວມມືລົງທືນກໍ່ສ້າງ, ໂຄງການດັ່ງກ່າວເລີ່ມລົງມືກໍ່ ສ້າງ ມາແຕ່ເດືອນຕຸລາ 2014 ມາຮອດປັດຈຸບັນແມ່ນສຳເລັດແລ້ວຫຼາຍກວ່າ 70 % ແລະ ຈະສຳເລັດ 100% ໃນທ້າຍ ເດືອນກັນຍານີ້, ຕາມແຜນການ.

ໃນທ້າຍເດືອນພຶດສະພາທີ່ຜ່ານມາພວກເຮົາໄດ້ນຳສະເໜີເຮືອນແບບຢ່າງຈາກໂຄງການດັ່ງກ່າວຢ່າງ ເປັນທາງການແລ້ວ, ມາຮອດປັດຈຸບັນເຮືອນຈາກໂຄງການນີ້ຖືກຈັບຈອງໄປແລ້ວຫຼາຍກວ່າ 40% ແລະ ຫວັງວ່າງານຄັ້ງນີ້ຈະເຮັດໃຫ້ບັນ ດາທ່ານຮູ້ຈັກໂຄງການພວກເຮົາຫຼາຍຂຶ້ນ, ພວກເຮົາຈະສືບຕໍ່ອຸດົມຄະຕິຂອງ ເອວິກທີ່ວ່າ: ຮ່ວມກັນສ້າງໂລກທີ່ສວຍ ງາມສົດໃສ ແລະ ເຮັດໃຫ້ໄດ້ ດີກວ່າເກົ່າ, ຈະນຳເອົາປະສົບການອັນລຳ້ຄ່າຈາກຄວາມສຳເລັດການພັດທະນາໂຄງການ ທຳອິດໃນລາວເທື້ອນີ້ໄປປັບໃຊ້ກັບໂຄງການອື່ນໆໃນອະນາຄົດ.

ເຮືອນຂອງໂຄງການ AVIC TOWNHOUSE ຕັ້ງຢູ່ບ້ານໂພນພະເນົາ ເມືອງໄຊເສດຖາ ນະ ຄອນຫຼວງວຽງຈັນ ຕິດກັບຖະໜົົນໄກສອນພົມວິຫານ ມີເນື້ອທີທັງໝົດ 9.800 ຕາແມັດ, ເຮືອນແຕ່ລະຫຼັງມີເນື້ອທີ 210 ຕາແມັດ, ມີ 53 ຫຼັງ, ເປັນເຮືອນຫ້ອງແຖວ 3 ຊັ້ນ, ມີ 5 ຫ້ອງນອນ 5 ຫ້ອງນ້ຳ, 1 ຫ້ອງຮັບແຂກ ແລະ ຫ້ອງອາຫານ, ສ່ວນລາຄາແມ່ນ 220.000 ໂດລາສະຫະລັດ/ຫຼັງ, ຊຶ່ງນອກຈາກເຮືອນແລ້ວ ໂຄງການ AVIC TOWNHOUSE ຍັງສະໜອງເຄື່ອງໃຊ້ໄຟ ຟ້າໃຫ້ຈຳ ນວນໜຶ່ງຊັ່ນ: ເຄື່ອງປັບອາກາດ, ເຄື່ອງເຮັດນ້ຳອຸ່ນ ແລະ ສິ່ງອຳນວຍຄວາມສະ ດວກອື່ນໆນຳອີກ.