ຫ້ອງວ່າການລັດຖະບານຂໍເປັນກຽດແຈ້ງຄຳຊີ້ນຳຂອງທ່ານນາຍົກລັດຖະມົນຕີມາຍັງທ່ານຊາບດັ່ງນີ້: 1). ມອບໃຫ້ອົງການກວດກາລັດຖະບານອອກແຈ້ງການທົ່ວປະເທດເຖິງບັນດາກຸ່ມບໍລິສັດທີ່ເຄື່ອນໄຫວຂົນຂວາຍນຳ ແຫລ່ງທຶນເຂົ້າມາ ສປປ
ລາວ ໃຫ້ຢຸດເຊົາການເຄື່ອນໄຫວຢ່າງເດັດຂາດ ແລະ ແຈ້ງໃຫ້ບັນດາບໍລິສັດ, ບຸກຄົນທົ່ວໄປບໍ່ໃຫ້ຕົກເປັນເຫຍື່ອ ແລະ ຫລົງກັບການຫລອກລວງ ເພື່ອຫາຜົນປະໂຫຍດສ້າງຄວາມບໍ່ສະຫງົບໃນສັງຄົມ. 2). ໃຫ້ກະຊວງປ້ອງກັນຄວາມສະຫງົບຕິດຕາມ, ກວດກາກຸ່ມບໍລິສັດເຫລົ່ານັ້ນວ່າ ໄດ້ເຄື່ອນໄຫວຖືກຕ້ອງຕາມການອະນຸຍາດດຳເນີນທຸລະກິດທີ່ກຳນົດຫລືບໍ່ ? ແລະ
ໄດ້ປະຕິບັດຕາມກົດໝາຍແນວໃດ? ເພື່ອປ້ອງກັນການລະ
ເມີດລະບຽບກົດໝາຍ, ການກໍ່ຄວາມບໍ່ສະຫງົບໃນສັງຄົມ. ສຳລັບບໍລິສັດທີ່ປຶກສາການເງິນພັດທະນາລາວຈຳກັດທີ່ໄດ້ເກັບຄ່າທຳນຽມທັງໝົດ 1,7 ຕື້ກວ່າກີບ, ພ້ອມດ້ວຍລົດ 8 ຄັນທີ່ເປັນການຕົວະຍົວະຫລອກລວງນັ້ນມອບໃຫ້ກະຊວງປ້ອງກັນຄວາມສະຫງົບຢຶດມາເປັນຂອງລັດຕາມກົດໝາຍ, ພ້ອມທັງອອກມາດຕະການໃດໜຶ່ງເພື່ອດັບມອດຂະບວນການຢ່າງຮີບດ່ວນ ແລະ ທັນການ. 3). ມອບໃຫ້ກະຊວງຖະແຫລງຂ່າວ, ວັດທະນະທຳ ແລະ
ທ່ອງທ່ຽວອອກຂ່າວຜ່ານສື່ມວນຊົນເພື່ອໃຫ້ສັງຄົມຮັບຮູ້ວ່າ: ບັນດາກຸ່ມບໍລິສັດທີ່ແອບອ້າງວ່າສາມາດນຳເອົາແຫລ່ງທຶນຈຳນວນມະຫາສານເຂົ້າມາສ້າງສາພັດທະນາປະເທດນັ້ນແມ່ນບໍ່ເປັນຄວາມຈິງ, ພ້ອມນີ້ກໍໃຫ້ສືບຕໍ່ສຶກສາອົບຮົມ ແລະ ກ່າວເຕືອນບັນດາບໍລິສັດ ແລະ ບໍ່ອະນຸຍາດໃຫ້ສືບຕໍ່ເຄື່ອນໄຫວດຳເນີນທຸລະກິດດັ່ງກ່າວຢ່າງເດັດຂາດ.
No comments:
Post a Comment