ປະເພນີບຸນເຂົ້າພັນສາເປັນປະເພນີດັ່ງເດີມ ທີ່ເຄີຍປະຕິບັດສືບທອດກັນມາໄດ້ຫລາຍເຊັ່ນຄົນ ແລະ ໄດ້ຈັດຂຶ້ນເປັນປະຈຳທຸກໆປີ, ສຳລັບປີນີ້ ໄດ້ມີຂຶ້ນໃນເຊົ້າ ວັນທີ 30 ກໍລະກົດນີ້,
ຊຶ່ງກົງກັບມື້ຂຶ້ນ 15 ຄໍ່າຂອງເດືອນ 8
ລາວ ບັນຍາ ກາດງານບຸນດັ່ງກ່າວ ກໍດໍາເນີນໄປຢ່າງຟົດຟື້ນ ເໝືອນດັ່ງທຸກປີຜ່ານມາ,
ເຊິ່ງບັນດາພຸດທະສາສະນິກະຊົນອອກຕົນຍາດໂຍມ ຈາກສະຖານທີ່ຕ່າງໆ ໃນຂອບເຂດທົ່ວປະເທດ ໄດ້ພາກັນຫລັ່ງໄຫລໄປທຳບຸນສິນກິນທານດ້ວຍຈິດໃຈອັນຊື່ນບານຢູ່ວັດຕ່າງໆໃນຂອບເຂດບ້ານໃຜລາວ, ໂດຍໄດ້ນຳເອົາເຄື່ອງປັດໃຈໄຊຍະທານຂອງຕົນເປັນຕົ້ນ ຜ້ານ້ຳຝົນ, ທຽນພັນສາ,
ຄຸສັງຄະທານ ແລະ ປັດໃຈອື່ນໆ ນຳໄປຖວາຍແດ່ພະສົງສຳມະເນນຕາມກຳລັງສັດທາຂອງໃຜລາວ ດ້ວຍຈິດໃຈອັນຜ່ອງໃສ,
ເພື່ອລະນຶກເຖິງຄຸນພະຣັດຕະນະໄຕຣ ກໍຄື ຄຸນແກ້ວ 3 ປະການຄື:
ຄຸນພະພຸດ, ພະທຳ
ແລະ ພະສົງ
ພ້ອມທັງອຸທິດສ່ວນບຸນ
ກຸສົນໄປເຖິງດວງວິນຍາຍຂອງບັນພະບູລຸດ, ຄຸນບິດາ, ມານດາ,
ຄູບາ-ອາຈານ ແລະ ບຸພະກາລີອື່ນໆ ທີ່ໄດ້ລ່ວງລັບໄປແລ້ວນັ້ນ ມາຮັບເອົາເຄື່ອງປັດໃຈດັ່ງກ່າວ, ພ້ອມກັນນີ້ ອອກຕົນຍາດຍົມ ໄດ້ມີຈິດໃຈໃສສັດທາອຸໂປໂມທະນາທາງດ້ານວັດຖຸ
ແລະ ເງິນເພື່ອປະກອບສ່ວນເຂົ້າໃນການອຸປະຖຳຄ້ຳຊູພະພຸດທະສາສາະໜາເປັນຕົ້ນ ແມ່ນການສ້າງກຸຕິ,
ສາລາໂຮງທຳ
ເພື່ອເປັນການທະນຸບຳລຸງສືບຕໍ່ພຸດທະສາສະໜາຕໍ່ໄປ.
ປະເພນີບຸນເຂົ້າພັນສາ ໄດ້ສືບທອດມາແຕ່ສະໄໝພຸດທະການ, ເຊິ່ງການເຂົ້າພັນສາ ຫລື
ເຂົ້າວັດສານີ້ ແມ່ນເປັນຄຳຮ້ອງຂໍຂອງຊາວກະສິກອນໃນສະໄໝພຸດທະການທີ່ຕ້ອງການໃຫ້ພະສົງສາວົກຂອງພະສຳມາສຳພຸດທະເຈົ້າຢຸດທຽວສັນຈອນໄປມາໃນໄລຍະລະດູຝົນ ເນື່ອງຈາກວ່າ ເປັນລະດູທຳການຜະລິດຂອງຊາວກະສິກອນເຮັດໃຫ້ເຄື່ອງປູກ ແລະ ໄຮ່ນາຕາກ້າເກີດຄວາມເສຍຫາຍ. ເມື່ອພະສໍາມາສຳພຸດທະເຈົ້າຊົງຮັບຮູ້ ດັ່ງນັ້ນແລ້ວ ພະອົງຈຶ່ງໄດ້ວາງຂໍ້ບັນຍັດອອກມາວ່າ: ຫ້າມບໍ່ໃຫ້ພະສົງສາວົກທຽວສັນຈອນໄປມາໃນໄລຍະລະດູຝົນ ໂດຍການໃຫ້ພະສົງສາວົກຢູ່ຈຳພັນສາ ເພື່ອບຳເພັນພຽນຈະເລີນເມດຕາພາວະນາຢູ່ຕາມອາວາດ ຫລື ວັດວາຂອງໃຜລາວໃຫ້ຄົບໄຕຣມາດ (3 ເດືອນ), ນັບແຕ່ມື້ຂຶ້ນ 15 ຄ່ຳເດືອນ 8 ຈົນເຖິງມື້ຂຶ້ນ 15 ຄ່ຳເດືອນ 11 ເພັງ,
ເຊິ່ງເປັນມື້ອອກພັນສາ ຫລື ອອກວັດສາ,
ຖືເປັນອັນວ່າຄົບບໍລິ ບູນ ໃນໄລຍະຢູ່ຈຳພັນສານີ້ ແມ່ນຫ້າມພະສົງເຄື່ອນຍ້າຍສັນຈອນໄປ-ມາ ຫລື
ພັກແຮມຄ້າງຄືນຢູ່ວັດອື່ນ, ໃນຍາມວິການເວັ້ນເສຍແຕ່ກໍລະນີຈຳເປັນເຊັ່ນ: ການໄປຢ້ຽມຢາມພໍ່ແມ່ ຫລື
ບຸພະກາລີໃນເວລາເຈັບໄຂ້ເປັນຕົ້ນ. ແຕ່ບໍ່ໃຫ້ເກີນ 7 ວັນ,
ຖ້າຫາກພະສົງອົງໃດຢູ່ຈຳພັນສາບໍ່ຄົບໄຕມາດ ຖືວ່າ ພັນສາຂາດ ແລະ ຖືວ່າພະສົງອົງນັ້ນ ບໍ່ມີພັນສາເລີຍໃນປີນັ້ນ. ນັບແຕ່ນັ້ນເປັນຕົ້ນມາປະເພນີບຸນເຂົ້າພັນສາ ຫລື
ບຸນເຂົ້າວັດສາກໍໄດ້ຮັບການສືບທອດກັນມາຈົນເຖິງປັດຈຸບັນນີ້.
No comments:
Post a Comment