ຊຸມແລກປ່ຽນບົດຮຽນດ້ານການພັດທະນາສັງຄົມ ແລະ ແກ້ໄຂ ຄວາມທຸກຍາກອາຊຽນ-ຈີນຄັ້ງທີ 9 ໃນລະຫວ່າງວັນທີ28-30
ກໍລະກົດນີ້, ທີ່
ສປປ ລາວ
ເປັນເຈົ້າພາບ.
ໃນໂອກາດນີ້, ທ່ານນາຍົກລັດຖະມົນຕີ, ໄດ້ສະແດງຄວາມຍິນດີຕ້ອນຮັບ
ແລະ ຕີລາຄາສູງຕໍ່ການ ເດີນທາງມາເຄື່ອນໄຫວຢ້ຽມຢາມ ແລະ ເຮັດວຽກຂອງທ່ານ
ຫົງທຽນຢຸນ ພ້ອມດ້ວຍຄະນະຢູ່ ສປປ ລາວ ໃນຄັ້ງນີ້, ເຊິ່ງເປັນການປະກອບສ່ວນເຂົ້າໃນວຽກງານການແກ້ໄຂຄວາມທຸກຍາກ ແລະ
ພັດທະນາຊົນນະບົດອາຊຽນ-ຈີນໃຫ້ນັບມື້ມີໝາກມີຜົນເປັນຮູບປະທຳເປັນກ້າວໆ.
ພ້ອມທັງສະແດງຄວາມຂອບໃຈຕໍ່ຄະນະກຳມະການແກ້ໄຂຄວາມທຸກຍາກ ແລະ ພັດທະ ນາຊົນນະບົດ ກໍ່ຄືລັດຖະບານ ແລະ ປະຊາຊົນສປຈີນທີ່ໄດ້ປະກອບສ່ວນຊ່ວຍເຫລືອໃນການຊຸກຍູ້ສົ່ງເສີມວຽກງານ ການຜະລິດຕິດພັນກັບການສ້າງລາຍຮັບທີ່ໝັ້ນຄົງໃຫ້ແກ່ປະຊາຊົນເຂດຊົນນະບົດຂອງລາວຢ່າງມີປະສິດທິຜົນ.
ໃນໂອກາດດຽວກັນ, ລັດຖະມົນຕີປະຈຳສະພາແຫ່ງລັດ, ຄະນະຊີ້ນຳຫລຸດຜ່ອນຄວາມທຸກຍາກ ແລະ ພັດທະ ນາ
ສປ ຈີນ, ໄດ້ລາຍງານການເຂົ້າຮ່ວມກອງປະຊຸມພາຍໃຕ້ການສະໜັບສະໜູນຝ່າຍ ລາວ,
ໂດຍສະເພາະຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງຂອງລາວ,
ເຊິ່ງບັນດາຜູ້ແທນເຂົ້າຮ່ວມກອງປະຊຸມລ້ວນແຕ່ມີຄວາມເພິ່ງພໍໃຈຕໍ່ການເປັນເຈົ້າພາບຈັດກອງປະຊຸມແລກປ່ຽນບົດຮຽນ,
ເນື້ອໃນແລະບັນຫາທີ່ນຳມາປຶກສາຫາລືຮ່ວມກັນກ່ຽວກັບນະໂຍບາຍຕ່າງໆຕໍ່ວຽກງານການຫລຸດຜ່ອນຄວາມທຸກຍາກເຮັດໃຫ້ບົດຮຽນດັ່ງກ່າວສາມາດ
ໝູນໃຊ້ໃນວຽກງານແກ້ໄຂຄວາມທຸກຍາກຂອງບັນດາປະເທດໃນກຸ່ມອາຊຽນໃຫ້ໄດ້ຮັບຜົນສຳເລັດເປັນຢ່າງສູງ.
ນອກນັ້ນ, ສອງຝ່າຍຍັງໄດ້ປຶກສາຫາລືທິດທາງແຜນການຮ່ວມມືໃນຂົງເຂດວຽກງານແກ້ໄຂຄວາມທຸກ ຍາກ 5 ປີຕໍ່ໜ້າລະຫວ່າງ
ສປປ ລາວ ແລະ ສປ ຈີນ ຕໍ່ທ່ານນາຍົກລັດຖະມົນຕີຮັບຊາບ,
ພ້ອມທັງສະ ແດງຄວາມຂອບໃຈຕໍ່ການຕ້ອນຮັບອັນອົບອຸ່ນໃນຄັ້ງນີ້ ແລະ ຫວັງຢ່າງຍິ່ງວ່າທ່ານນາຍົກລັດຖະ ມົນຕີແຫ່ງ ສປປ ລາວ ຈະສືບຕໍ່ໃຫ້ການຊີ້ນຳ
ແລະ ອຳນວຍຄວາມສະດວກໃຫ້ແກ່ການຈັດຕັ້ງ ປະຕິບັດຂອບການຮ່ວມມືວຽກງານດັ່ງກ່າວຂອງສອງປະເທດໃຫ້ມີປະສິດທິຜົນ ແລະ ສາມາດບັນລຸ ຕາມລະດັບຄາດໝາຍທີ່ວາງໄວ້.
No comments:
Post a Comment