ສະຫາຍເລຂາຄະນະພັກ, ລັດຖະມົນຕີວ່າການກະຊວງໂຍທາທິການ ແລະ ຂົນສົ່ງກ່າວວ່າ: ນັບແຕ່ກອງປະຊຸມໃຫຍ່ຄັ້ງທີ III ຂອງອົງຄະນະພັກກະຊວງ ຍທຂ ແຕ່ປີ
2012 ເປັນຕົ້ນມາ, ຄະນະພັກໄດ້ຊີ້ນຳ-ນຳພາທົ່ວຂະແໜງການຂອງ
ຕົນຈັດຕັ້ງປະຕິບັດແນວທາງຂອງພັກທີ່ຖືເອົາຂະແໜງ ຍທຂ ເປັນປາຍແຫລມຂອງຂະບວນການສ້າງເສດຖະກິດແຫ່ງຊາດ, ເຊິ່ງສາມາດຍາດໄດ້ຜົນງານຫລາຍດ້ານ ແລະ ເປັນປັດໄຈພື້ນຖານໃນການຊຸກຍູ້ການເຕີບໃຫຍ່ຂອງເສດຖະກິດແຫ່ງຊາດ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາຊົນນະບົດ ແລະ ລຶບລ້າງຄວາມທຸກຍາກ ແລະ ກຽມຄວາມພ້ອມຕໍ່ການເຊື່ອມໂຍງກັບປະເທດພາກພື້ນ, ແນໃສ່ບັນລຸເປົ້າໝາຍສະຫັດສະວັດ
ແລະ ເຮັດໃຫ້ປະເທດຫລຸດພົ້ນອອກຈາກຄວາມດ້ອຍພັດທະນາ ແລະ ສຳລັບຄາດໝາຍການຈັດຕັ້ງແຜນພັດທະນາ 5 ປີ(2016-2020) ຂອງຂະແໜງ ຍທຂ ແມ່ນພາຍໃຕ້ຄຳຂວັນວ່າ “ສ້າງບາດກ້າວບຸກທະລຸໃຫ້ແຂງແຮງຕື່ມອີກເພື່ອຈັດຕັ້ງຜັນຂະຫຍາຍມະຕິ X ຂອງພັກໃນການພັດທະນາພື້ນຖານໂຄງລ່າງ, ການບໍລິການດ້ານຍທຂຢ່າງເປັນລະບົບ ແລະ ທັງມີປະສິທິພາບສູງທາງດ້ານເສດຖະກິດ”.
ສະຫາຍເລຂາຄະນະພັກກະຊວງດັ່ງກ່າວໃຫ້ຮູ້ວ່າ: ການຈັດຕັ້ງປະຕິບັດວຽກງານວິຊາສະເພາະໃນຕະຫລອດ 4 ປີຜ່ານມາມີລະບົບຕາໜ່າງເສັ້ນທາງຍາວ
51.500 ກວ່າກິໂລແມັດ, ເພີ່ມຂຶ້ນ 8 ພັນກິໂລແມັດ, ໃນນີ້ມີທາງປູຢາງໄປເຖິງທຸກເທສະບານແຂວງ, ມີເສັ້ນທາງປູຢາງ ແລະ ທາງດິນແດງທຽວໄດ້ສອງລະດູເຂົ້າເຖິງທຸກແຂວງ ແລະ 148 ເມືອງໃນທົ່ວປະເທດ. ນອກນີ້, ຍັງໄດ້ເອົາໃຈໃສ່ພັດທະນາເສັ້ນທາງຄົມມະນາຄົມ-ຂົນສົ່ງເຊື່ອມໂຍງພາຍໃນ ແລະ ບັນດາປະເທດໃກ້ຄຽງຕາມແລວເສດຖະກິດໃນອະນຸພາກພື້ນໄດ້ມາດຕະຖານສາກົນຈຳນວນໜຶ່ງ, ເຮັດໃຫ້ການຂົນສົ່ງສິນຄ້າມີຄວາມສະດວກໂລ່ງລຽນຕະຫລອດປີ,
ສໍາລັບບໍລິມາດການຂົນສົ່ງໂດຍສານໃນປີ
2014 ມີປະມານ 50 ລ້ານເທື່ອຄົນເພີ່ມຂຶ້ນ 10% ຕໍ່ປີ, ສ່ວນບໍລິມາດການຂົນສົ່ງສິນຄ້າບັນລຸໄດ້ 4,78 ລ້ານໂຕນເພີ່ມຂຶ້ນ 8% ຕໍ່ປີ ແລະ ປັດຈຸ
ບັນມີເສັ້ນທາງຂົນສົ່ງໂດຍສານພາຍໃນປະເທດຫລາຍກວ່າ 100 ສາຍ
ແລະ ຂົນສົ່ງຜ່ານແດນລະຫວ່າງປະເທດ 67 ສາຍ, ໄດ້ມີການສຳຫລວດສະພາບການຈະລາຈອນໃນຕົວເມືອງໃຫຍ່, ພ້ອມທັງກຳນົດມາດຕະການແກ້ໄຂສະພາບແອອັດ ແລະ ຫລຸດຜ່ອນຄວາມສ່ຽງຕໍ່ການເກີດອຸບັດເຫດຕາມທ້ອງຖະໜົນ ແລະ ເສັ້ນທາງຫລວງແຫ່ງຊາດໄດ້ດີສົມ ຄວນ.
ກອງປະຊຸມຄັ້ງນີ້ຈະດຳເນີນໄປເປັນເວລາ 2 ວັນ ແລະ ຈະໄດ້ປ່ອນບັດເລືອກເອົາຄະນະບໍລິຫານງານພັກກະ ຊວງ ຍທຂ ຊຸດໃໝ່
ແລະ ເລືອກເອົາຜູ້ແທນສົມບູນ-ສຳຮອງ ເພື່ອເຂົ້າຮ່ວມກອງປະຊຸມໃຫ່ຍຜູ້ແທນທົ່ວປະເທດຄັ້ງທີ
X ຂອງພັກປະຊາຊົນ ປະຕິວັດລາວ ທີ່ຈະມີຂຶ້ນໃນຕໍ່ໜ້ານີ້.
No comments:
Post a Comment