ກະຊວງກະສິກຳ ແລກະ ປ່າໄມ້ໃຫ້ຮູ້ວ່າ: ນັບແຕ່ເດືອນເມສາເປັນຕົ້ນມາໄດ້ເກີດມີການລະ ບາດຂອງຝຸງຕັກກະແຕນກິນພືດຢູ່ເມືອງໂພນທອງ ແລະ ເມືອງວຽງຄຳ ແຂວງຫຼວງພະ ບາງ, ໂດຍສະເພາະແມ່ນຢູ່ພື້ນທີ່ປູກເຂົ້າໄຮ່, ສາລີ ຂອງປະຊາຊົນ, ເຮັດໃຫ້ເນື້ອທີ່ປ່າ ແລະ ຜົນລະປູກໃນຂອບເຂດ 25 ກິໂລແມັດມົນທົນ, ຊຶ່ງກວມເອົາ 26 ບ້ານຂອງສອງເມືອງດັ່ງກ່າວ ໄດ້ຮັບຜົນກະທົບຢ່າງໜັກຈາກຕັກກະແຕນກັດກິນ, ເຮັດໃຫ້ເນື້ອທີ່ການຜະລິດເສຍຫຼາຍ 2.880 ເຮັກຕາ ແລະ ມາຮອດເດືອນມິຖຸນາຜ່ານມາການລະບາດຂອງຕັກກະແຕນດັ່ງກ່າວໄດ້ແຜ່ລາມໄປຫາເມືອງຊອນ ເມືອງຊຳເໜືອ ແລະ ເມືອງຫົວເມືອງຂອງ ແຂວງຫົວພັນ ເຮັດໃຫ້ເນື້ອທີ່ເຂົ້າໄຮ່ ແລະ ສາລີຖືກຜົນກະທົບ 627 ເຕັກ, ກວມເອົາ 20 ບ້ານຂອງສາມເມືອງດັ່ງກ່າວ ແລະ ມາຮອດເດືອນສິງຫານີ້, ການລະບາດຂອງຝຸງຕັກກະແຕນນັ້ນ ໄດ້ແຜ່ລາມໄປອີກ 2 ບ້ານຂອງເມືອງງອຍ ແຂວງຫຼວງພະບາງເຮັດໃຫ້ເນື້ອທີ່ການຜະລິດຖືກເສຍຫາຍເປັນ ຈຳ ນວນບໍ່
ໜ້ອຍ, ຂະນະທີ່ທີມງາມສະເພາະກິດກົມປຸກຝັງໄດ້ສຸມໃສ່ສືບຕໍ່ສົມທົບການພະ ແພກກະສິກຳແຂວງ, ເມືອງເພື່ອຊ່ວຍເຫຼືອເຂດທີ່ໄດ້ຮັບຜົນກະທົບ ແລະ ທຳລາຍຕັກກະ ແຕນດ້ວຍຫລາກວິທີເພື່ອໃຫ້ຈຳນວນຫຼຸດໜ້ອຍລົງ, ພ້ອມທັງຕິດຕາມຄວບຄຸມການແຜ່ລະບາດຂອງພວກມັນຢ່າງໃກ້ຊິດ ແລະ ໃຊ້ທຸກວິທີເພື່ອປາບສັດຕູພືດດັ່ງກ່າວຈົນກວ່າມັນຈະຫລຸດຫນ້ອຍຖອຍລົງ ແລະ ດັບສູນ.
No comments:
Post a Comment