ເຫດການດັ່ງກ່າວເກີດຂຶ້ນໃນຕອນບ່າຍວັນທີ 8 ກັນຍານີ້,
ໃນບໍລິເວນຈຸດແຫລ່ງທ່ອງທ່ຽວທໍາມະຊາດນໍ້າຕົກຕາດຮ່ຽນ ເຂດບ້ານນາຝາຍ ເມືອງນານ
ແຂວງຫລວງພະບາງ ສົ່ງຜົນເຮັດໃຫ້ນໍ້າ ແລ
ະດິນໄດ້ໄຫລຊຸເຂົ້າຖ້ວມເຮືອນຊານປະຊາຊົນທີ່ຢູ່ລຽບແຄມແມ່ນໍ້າສະນານເສຍຫາຍເປັນຈໍານວນຫລາຍ, ໃນນັ້ນມີຜູ້ເສຍຊີວິດ 4 ຄົນ
ແລະ ພົບສົບແລ້ວສອງຄົນເປັນເດັກຍິງອາຍຸປະມານ 6 ປີ
ແລະ ຊາຍອາຍຸ
18 ແລະ ມີຜູ້ສູນຫາຍອີກ 2 ຄົນ, ໃນນັ້ນເປັນຍິງອາຍຸປະມານ 38 ປີ ແລະ
ຊາຍອາຍຸປະມານ 70 ປີ,
ນອກຈາກນີ້ເສັ້ນທາງຫລວງແຫ່ງຊາດເລກ 4 ບໍລິເວນລຽບຕີນພູສະແກກໍຖືກດີນເຈື່ອນຖົ່ມເປັນບໍລິເວນກວ້າງເຮັດໃຫ້ການສັນຈອນຕ້ອງຖືກຕັດຂາດຊົ່ວຄາວ.
ເຈົ້າເມືອງໆນານ ສີວອນ ວົງຄໍາຈັນ ໄດ້ໃຫ້ສໍາພາດວ່າ:
ເຫດການໄພທໍາມະຊາດທີ່ບໍ່ເພິ່ງປາດຖະໜາ ແລະ ຄາດຄິດຄັ້ງນີ້,
ໄດ້ເກີດຂຶ້ນຢ່າງກະທັນຫັນ, ເຊິ່ງອາດເປັນຍ້ອນການສະສົມຂອງຫີນປູນທີ່ອີ່ມຕົວ ແລະ ເກີດການແຕກແຫງຈຶ່ງຍຸບຕົວລົງແລະ ເຮັດໃຫ້ມີກະແສນໍ້າ ແລະ ດິນຈາກນໍ້າຕົກຕາດຮ່ຽນໄຫລຊຸທັ່ງລົງມາຢ່າງໄວວາອັນໄດ້ກໍຄວາມເສຍຫາຍດັ່ງກ່າວ, ປັດຈຸບັນອໍານາດການປົກຄອງທ້ອງຖິ່ນ ແລະ ກໍາລັງເຈົ້າໜ້າທີ່ໄດ້ເຂົ້າໄປໃຫ້ກາຊ່ວຍເຫລືອແກ້ໄຂເບື້ອງຕົ້ນດ້ວຍການເກັບມ້ຽນງ່າໄມ້, ກິ່ງໄມ້ ແລະ
ອະນາໄມເຮືອນຊານບ້ານຊ່ອງປະຊາຊົນໃຫ້ກັບຄືນສູ່ສະພາບ
ປົກກະຕິ ແລະ
ເລັ່ງຄົ້ນຫາຜູ້ສູນຫາຍໃຫ້ພົບເຫັນໂດຍໄວ.
No comments:
Post a Comment