ກົມອຸຕຸນິຍົມ ແລະ ອຸທົກກະສາດ ແຈ້ງເຕືອນວ່າ: ພາຍຸແວມໂຄ (Vamco), ຫົວທີ 19 ໄດ້ເຄື່ອນທີ່ຜ່ານເຂດແຂວງເຊກອງໃນຕົ້ນອາທິດຜ່ານມາ, ມາຮອດປັດຈຸບັນນີ້ ໄດ້ມີກຳລັງອ່ອນລົງເປັນພາຍຸດີເປຼເຊັນ ເຊິ່ງໃນຕອນເຊົ້າຂອງວັນທີ 15 ກັນຍາຜ່ານມານີ້ ໄດ້ພັດຜ່ານ ແລະ ມີຈຸດສູນກາງຢູ່ແຂວງສາລະວັນ ໃນເສັ້ນຂະໜານທີ 16.0 ອົງສາເໜືອ ແລະ ເສັ້ນແວງ 106.0 ອົງສາຕາເວັນອອກ ພວມເຄື່ອນທີ່ໄປທາງທິດຕາເວັນຕົກດ້ວຍຄວາມໄວ 20 ກິໂລແມັດຕໍ່ຊົ່ວໂມງ, ເຊິ່ງເຮັດໃຫ້ມີຝົນຕົກຟ້າຄະນອງໃນລະດັບຄ່ອຍຫາປານກາງຕື່ມອີກໃນເຂດພາກກາງ ຫາ ພາກໃຕ້ ແລະ ຕົກໜັກຢູ່ບາງ ທ້ອງຖິ່ນຕື່ມອີກ. ດັ່ງນັ້ນ ຈຶ່ງເຕືອນໃຫ້ປະ
ຊາຊົນໃນເຂດພາກກາງ ແລະ ໃຕ້ຈົ່ງມີສະຕິລະວັງຕົວຕໍ່ພະຍຸດັ່ງກ່າວ ແລະ ເກັບມ້ຽນວັດຖຸ, ສັດລ້ຽງໄວ້ບ່ອນປອດໄພ.
+ ພາກເໜືອດ້ານຕາເວັນອອກ: ມີເມກປົກຄຸມເປັນບາງສ່ວນ, ອາກາດເຢັນໃນ ຕອນເຊົ້າ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງຊຽງຂວາງ. ອຸນຫະ ພູມຕ່ຳ ສຸດ 17-19 ອົງສາ ແລະ ສູງສຸດ 26-28 ອົງສາ.
+ ພາກເໜືອດ້ານຕາເວັນຕົກ: ມີເມກປົກຄຸມເປັນບາງສ່ວນ, ອາກາດຈະຮ້ອນຂຶ້ນ ຕື່ມອີກ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງໄຊຍະບູລີ. ອຸນຫະພູມ ຕ່ຳສຸດ 22-24 ອົງສາ ແລະ ສູງສຸດ 33-35 ອົງສາ.
+ ນະຄອນຫລວງວຽງຈັນ: ມີເມກປົກຄຸມເປັນສ່ວນຫລາຍ, ຈະມີຝົນຕົກໃນລະ ດັບຄ່ອຍ. ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 32-34 ອົງສາ.
+ ພາກກາງ: ມີເມກປົກຄຸມເປັນສ່ວນຫລາຍ, ຍັງຈະມີຝົນຕົກຟ້າຄະນອງໃນລະ ດັບຄ່ອຍຢູ່ເກືອບທົ່ວໄປ ແລະ ຕົກປານກາງ ຫາ ໜັກ ພ້ອມມີລົມພັດແຮງຢູ່ບາງທ້ອງ ຖິ່ນແຂວງບໍລິຄຳໄຊ, ຄຳມ່ວນ ແລະ ສະຫວັນນະເຂດ. ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 30-32 ອົງສາ. ແຂວງໄຊສົມບູນ: ອາກາດເຢັນໃນຕອນເຊົ້າ ແລະ ຍັງຈະມີຝົນຕົກຟ້າຄະນອງໃນລະດັບຄ່ອຍຕື່ມອີກ. ອຸນຫະພູມຕ່ຳສຸດ 16-18 ອົງສາ ແລະ ສູງສຸດ 27-29 ອົງສາ.
+ ພາກໃຕ້: ມີເມກປົກຄຸມເປັນສ່ວນຫລາຍ, ຍັງຈະມີຝົນຕົກຟ້າຄະນອງໃນລະດັບຄ່ອຍ ຫາ ປານກາງເປັນບໍລິເວນກວ້າງ ແລະ ຕົກໜັກ ພ້ອມມີລົມພັດແຮງຢູ່ແຂວງເຊກອງ ແລະ ສາລະວັນ. ອຸນຫະພູມຕ່ຳສຸດ 23-25 ອົງສາ ແລະ ສູງສຸດ 30-32 ອົງ ສາ. ເຂດປາກຊ່ອງ, ນິຄົມ 34: ຍັງຈະມີຝົນຕົກຟ້າຄະນອງໃນລະດັບຄ່ອຍ ຫາ ປານກາງ. ອຸນຫະພູມຕ່ຳສຸດ 14-16 ອົງສາ ແລະ ສູງສຸດ 25-27 ອົງສາ.
No comments:
Post a Comment