ປົກປັກຮັກສາ ແລະ ພັດທະນາປະເທດຊາດ ຢ່າງເປັນເຈົ້າການ, ສົມທົບແໜ້ນກັບພັກ-ລັດຖະບານ ແລະ ຄະນະປົກຄອງທ້ອງຖິ່ນປັບປຸງບູລະນະ ກົງຈັກຈັດຕັ້ງສະຫະພັນນັກຮົບເກົ່າ ແລະ ການຈັດຕັ້ງຊ່ວຍວຽກຢູ່ອົງການຂອງສະຫະພັນນັກຮົບເກົ່າແຕ່ລະຂັ້ນໃຫ້ມີຄວາມເຂັ້ມແຂງ, ໜັກແໜ້ນ ແລະ ເອົາໃຈໃສ່ປັບປຸງກໍ່ສ້າງພັກ, ບໍາລຸງຍົກລະດັບ, ການຈັດວາງຊັບຊ້ອນ, ຄຸ້ມຄອງ ແລະ ປະຕິບັດນະໂນບາຍຕໍ່ຖັນແຖວນັກຮົບເກົ່າ, ໃຫ້ແທດເໝາະກ່ວາເກົ່າ, ພ້ອມຕັ້ງໜ້າປະຕິບັດວຽກງານກວດກາພັກ, ຕ້ານ ແລະ ສະກັດກັ້ນການສໍ້ລາດບັງຫລວງໃນຂົງເຂດວຽກງານຂອງຕົນໃຫ້ດີ ແລະ ທົ່ວເຖິງ, ແນໃສ່ເຮັດໃຫ້ກົງຈັກການຈັດຕັ້ງສະຫະພັນນັກຮົບເກົ່າແຕ່ລະຂັ້ນມີຄວາມໂປງໃສ, ເຂັ້ມແຂງ ແລະ ມີຄວາມສາມັກຄີເປັນເອກະພາບສູງຮ່ວມກັນສະກັດກັ້ນ ແລະ ຕ້ານປາກົດການຫຍໍ້ທໍ້ທຸກຮູບແບບທີ່ອາດຈະເກີດຂຶ້ນ, ປຸກລະດົມສະຫະພັນນັກຮົບເກົ່າແຕ່ລະຂັ້ນເສີມຂະຫຍາຍມູນເຊື້ອເພີງຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ເອົາໃຈໃສ່ນໍາພາຄອບຄົວ, ລູກຫລານ ແລະ ອົງການຂອງຕົນສ້າງເສດຖະກິດ ເຮັດໃຫ້ຊີວິດການເປັນຢູ່ຂອງນັກຮົບເກົ່າດີຂຶ້ນ ແລະ ຫລຸດພົ້ນອອກຈາກຄວາມທຸກຍາກ, ພັດທະນາພື້ນຖານໂຄງລ່າງທີ່ຈໍາເປັນ ເພື່ອອໍານວຍຄວາມສະດວກໃຫ້ແກ່ການເຄື່ອນໄຫວວຽກງານຂອງຕົນ ແລະ ເອົາໃຈໃສ່ປົກປ້ອງຜົນປະໂຫຍດອັນຊອບທໍາຂອງນັກຮົບເກົ່າ ຕາມແນວທາງນະໂຍບາຍຂອງພັກ, ເຮັດໃຫ້ຖັນແຖວນັກຮົບເກົ່າມີຄວາມເຊື່ອໝັ້ນຕໍ່ການນໍາພາຂອງພັກ, ການຄຸ້ມຄອງຂອງລັດ ແລະ ເປັນເຈົ້າການປະຕິບັດພັນທະຂອງຕົນໃນໄລຍະໃໝ່ໃຫ້ດີຍິ່ງຂຶ້ນ ພ້ອມດຽວກັນນີ້ ສະຫາຍ ເລຂາທິການໃຫຍ່ ຍັງໄດ້ຮຽກຮ້ອງມາຍັງສະຫະພັນນັກຮົບເກົ່າແຕ່ລະຂັ້ນຈົ່ງໄດ້ປະກອບສ່ວນເຫື່ອແຮງສະຕິປັນຍາຂອງຕົນເຂົ້າໃນການເຜີຍແຜ່ ແລະ ອະທິບາຍ ມະຕິກອງປະຊຸມໃຫຍ່ຂອງພັກແຕ່ລະສະໄໝໃຫ້ປະຊາຊົນໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ ແລະ ກວ້າງຂວາງຍິ່ງຂຶ້ນ.
No comments:
Post a Comment