ໃນວັນທີ 13 ຕຸລານີ້, ຢູ່ໂຮງແຮມລາວພລາຊາ
ນະຄອນຫລວງວຽງຈັນ ໄດ້ມີກອງປະຊຸມເຈົ້າໜ້າທີ່ອາວຸໂສພັດທະນາຊົນນະບົດ ແລະ ລຶບລ້າງຄວາມທຸກຍາກອາຊຽນຄັ້ງທີ 12 ໂດຍການເປັນປະທານຂອງທ່ານ ຈິດ
ທະວີໄສ ຫົວໜ້າຫ້ອງການແຜນການ ແລະ
ພົວພັນຕ່າງປະເທດຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ, ທັງເປັນເຈົ້າໜ້າທີ່ອາວຸໂສພັດທະນາຊົນນະບົດ ແລະ ລຶບລ້າງຄວາມທຸກຍາກອາຊຽນຂອງລາວ, ມີບັນດາເຈົ້າໜ້າທີ່ອາວຸໂສຈາກປະເທດສະມາຊິກອາຊຽນ ແລະ ພາກສ່ວນກ່ຽວຂ້ອງເຂົ້າຮ່ວມເປັນຈຳນວນຫລາຍ, ເພື່ອປຶກສາຫາລື ແລະ ລາຍງານຄວາມຄືບໜ້າໃນວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກອາຊຽນ, ພ້ອມທັງຮັບຟັງລາຍງານຜົນການຈັດຕັ້ງປະຕິບັດແຜນແມ່ບົດຂອງປະຊາຄົມວັດທະນະທຳ-ສັງຄົມກາງສະໄໝໃນປີ 2012,ຂະນະດຽວກັນ,
ສປປ ລາວ ຍັງໄດ້ລາຍງານຜົນຂອງກອງປະຊຸມປຶກສາຫາລືຄະນະກຳມະການປະສານງານກ່ຽວກັບການປ່ຽນແປງດິນຟ້າອາກາດ ແລະ ການຄ້ຳປະກັນສະບຽງອາຫານຄັ້ງທີ 4 ທີ່ໄດ້ຈັດຂຶ້ນຢູ່ປະເທດ
ອິນໂດເນເຊຍ ແລະ
ຝ່າຍໄທໄດ້ລາຍງານຜົນຂອງການປະຊຸມສຳມະນາໃນຫົວຂໍ້ “ບ້ານໝັ້ນຄົງ” ທີ່ຈັດຂຶ້ນໃນລະຫວ່າງວັນທີ 19-21 ມັງກອນ 2015 ແລະ ກອງປະຊຸມສຳມະນາໃນຫົວຂໍ້ “ການສົ່ງເສີມຜະລິດຕະພັນຊຸມຊົນ (OTOP/OVOP)
ທີ່ໄດ້ຈັດຂຶ້ນໃນລະຫວ່າງວັນທີ 8-16 ສິງຫາ 2015 ຢູ່ບາງກອກປະເທດໄທ, ນອກຈາກນີ້ ກອງເລຂາອາຊຽນ, ຍັງໄດ້ລາຍງານຄວາມຄືບໜ້າ 3 ໂຄງການທີ່ປະເທດຫວຽດນາມສະເໜີຂໍການສະໜັບສະໜູນຈາກບັນດາປະເທດສະມາຊິກ ແລະ ຄວາມຄືບໜ້າໂຄງການຕ່າງໆຂອງບັນດາປະເທດສະມາຊິກ.
ຄຽງຄູ່ກັນນີ້, ສປປ ລາວຍັງໄດ້ລາຍງານກ່ຽວກັບການກະກຽມຈັດກອງປະຊຸມແລກປ່ຽນບົດຮຽນການພັດທະນາຊົນນະບົດ ແລະ ລຶບລ້າງຄວາມທຸກຍາກລະຫວ່າງພາກລັດ ແລະ
ອົງການຈັດຕັ້ງສັງຄົມຄັ້ງທີ 4 ພາຍໃຕ້ຫົວຂໍ້
“ສົ່ງເສີມການເປັນຄູ່ຮ່ວມລະຫວ່າງພາກລັດ, ເອກະຊົນ ແລະ
ອົງການຈັດຕັ້ງສັງຄົມ ເພື່ອບັນລຸເປົ້າໝາຍການພັດທະນາແບບຍືນຍົງພາຍຫລັງປີ 2015” ໃນວັນທີ 15 ຕຸລານີ້, ຊຶ່ງກອງປະຊຸມຄັ້ງນີ້ໄດ້ມີການປຶກສາຫາລື ແລະ ຮັບຮອງເອົາຮ່າງແຜນປະຕິບັດງານກ່ຽວກັບການພັດທະນາຊົນນະບົດ ແລະ ລຶບລ້າງຄວາມທຸກຍາກອາຊຽນແຕ່ປີ 2016-2020 ທີ່ໄດ້ສະເໜີໃນກອງປະຊຸມເຈົ້າໜ້າທີ່ອາວຸໂສພິເສດອາຊຽນໃນເດືອນເມສາ 2015 ຜ່ານມາທີ່ປະເທດມາເລເຊຍ.
ໃນໂອກາດນີ້, ຄະນະຜູ້ແທນບັນດາປະເທດສະມາຊິກອາຊຽນ ຍັງຈະໄດ້ລົງໄປຢ້ຽມຢາມບໍລິສັດອຸດສາຫະ ກຳ-ກະສິກຳຈຳກັດຢູ່ແຂວງວຽງຈັນ ແລະ ຢ້ຽມຊົມສະຖານທີ່ທ່ອງທ່ຽວທີ່ສຳຄັນຂອງລາວນຳອີກ.
No comments:
Post a Comment