ໃນວັນທີ 13 ຕຸລາຜ່ານມາ, ທີ່ນະຄອນຫລວງວຽນ
ປະເທດໂອຕຣິດ ທ່ານນາງ ທິບພະກອນ ຈັນທະວົງສາ ລັດຖະມົນຕີຊ່ວຍວ່າການກະຊວງການເງິນ, ໄດ້ຕາງໜ້າໃຫ້ລັດຖະບານລາວລົງນາມສັນຍາເງິນກູ້ມູນຄ່າ 60 ລ້ານເອີໂຣກັບທະນາຄານສິນເຊື່ອຢູນິຂອງໂອຕຣິດ, ສ.ເຊັກ ແລະ ສະໂລວາກີ
(UniCredit Austria, Czech Republic and Slovakia) ເພື່ອດໍາເນີນໂຄງການປັບປຸງໂຮງໝໍມິດຕະພາບ 150 ຕຽງ, ນະຄອນຫລວງວຽງຈັນໄລຍະທີ
2, ເພື່ອຍົກລະດັບຄວາມອາດສາມາດຂອງບຸກຄະລາກອນ, ພັດທະນາເຕັກໂນໂລຊີ
ແລະ ພື້ນຖານໂຄງລ່າງຂອງໂຮງໝໍໃຫ້ມີຄວາມທັນສະໄໝຕອບສະໜອງກັບຄວາມຮຽກຮ້ອງຕ້ອງການໃນການປິ່ນປົວປະຊາຊົນບັນດາເຜົ່າໃຫ້ດີຂຶ້ນກວ່າເກົ່າ, ທັງເປັນການປະກອບສ່ວນເຂົ້າໃນການປະຕິບັດເປົ້າໝາຍການພັດທະນາແບບຍືນຍົງຂອງ ສປຊ,
ການລຶບລ້າງຄວາມທຸກຍາກ ແລະ ການບັນລຸເປົ້າໝາຍຂອງ ສປປ
ລາວ ໃນການຫລຸດພົ້ນອອກຈາກສະຖານະພາບເປັນປະເທດດ້ອຍພັດທະນາໃນປີ
2020.
No comments:
Post a Comment