ກອງປະຊຸມຄະນະປະຈຳສະພາແຫ່ງຊາດປະຈຳເດືອນຕຸລາ 2015 ໄດ້ຈັດຂຶ້ນໃນລະຫວ່າງວັນທີ
26-27 ຕຸລານີ້ທີ່ສະພາແຫ່ງຊາດ, ນະຄອນຫລວງວຽງຈັນ, ໂດຍການເປັນປະທານຂອງທ່ານປະທານສະພາແຫ່ງຊາດນາງປານີຢາທໍຕູ້, ກອງປະຊຸມໄດ້ພິຈາລະນາຫລາຍບັນຫາສຳຄັນຂອງຊາດຄື: ພິຈາລະນາການຍົກຍ້າຍສະມາຊິກສະພາແຫ່ງຊາດບາງເຂດເລືອກຕັ້ງ, ພິຈາລະນາຮ່າງລັດຖະບັນຍັດຂອງປະທານປະເທດແຫ່ງ ສປປ ລາວ ວ່າດ້ວຍການໃຫ້ອະໄພຍະໂທດ, ຮັບຟັງການລາຍງານກ່ຽວກັບການເຄື່ອນໄຫວວຽກງານຂອງກົງຈັກເສນາທິການຂອງຄະນະປະຈຳສະພາແຫ່ງຊາດໃນໄລຍະຜ່ານມາ
ແລະ ໃຫ້ທິດຊີ້ນຳເພື່ອເປັນບ່ອນອີງໃນການປັບປຸງວຽກງານໃຫ້ນັບມື້ດີຂຶ້ນ, ກວດສອບບົດສະຫລຸບຂາດຕົວສົກປີ
2013-2014, ການໃຫ້ສັດຕະຍາບັນແກ່ສັນຍາວ່າດ້ວຍການຍົກສະຖານະຂອງຫ້ອງການຕິດຕາມເສດຖະກິດມະຫາພາກອາຊຽນ +3 ໃຫ້ເປັນອົງການຈັດຕັ້ງສາກົນ, ການຄົ້ນຄວ້າຍົກຍ້າຍປະທານສານ
ປະຊາຊົນທ້ອງຖິ່ນ, ສະເໜີຂໍອະນຸມັດທາງດ້ານຫລັກການໃນການພັດທະນາໂຄງການນ້ຳອູໄລຍະ 2 ເພື່ອເປັນພື້ນຖານໃຫ້ແກ່ລັດຖະບານໃນການລົງນາມສັນຍາສຳປະທານໂຄງການດັ່ງກ່າວ, ສະເໜີຫັນປ່ຽນທີ່ດິນປ່າສະຫງວນແຫ່ງຊາດນ້ຳກະດິງສະເພາະເຂດນຳໃຊ້ເຂົ້າໃນການພັດທະນາໂຄງການເຄື່ອນໄຟຟ້ານ້ຳເທີນ 1 ແລະ ການສຳຫລວດອອກແບບຄິດໄລ່ປະເມີນລາຄາຫໍພັກພະນັກງານ ແລະ ອື່ນໆ.
No comments:
Post a Comment