ເຈົ້າໜ້າທີ່ ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ນັບແຕ່ວັນທີ 22-27 ຕຸລານີ້, ເຊິ່ງເປັນໄລຍະເປີດງານວາງສະແດງສິນຄ້າ ໃນໂອກາດບຸນອອກພັນສາ
ແລະຊ່ວງເຮືອປະເພນີ ທີ່ທ່າວັດຈັນ, ທົ່ວນະຄອນຫລວງວຽງຈັນ ມີອຸປະຕິເຫດເກີດຂຶ້ນທັງໝົດຫລາຍກວ່າ 10 ກໍລະນີ, ມີຜູ້ເສຍຊີວິດ 1 ຄົນ ແລະ ມີຜູ້ໄດ້ຮັບບາດເຈັບຈຳນວນໜຶ່ງ ເຫັນວ່າຜູ້ເສຍຊີວິດຈາກ ອຸປະຕິເຫດຫລຸດລົງ ເມື່ອທຽບໃສ່ໄລຍະດຽວກັນໃນປີຜ່ານມາ ທັງນີ້ກໍຍ້ອນເຈົ້າໜ້າທີ່ໄດ້ເຂັ້ມງວດໃນການຮັກສາຄວາມປອດໄພດ້ານການຈະລາຈອນລົດຕາມສາຍທາງຕ່າງໆ ແລະ ມີການໂຄສະນາປຸກລະດົມຄວາມປອດໄພຂອງການຂັບຂີ່ຢ່າງກ້ວາງຂວາງ ຈຶ່ງເຮັດໃຫ້ຜູ້ໃຊ້ລົດໃຊ້ຖະໜົນ ມີຄວາມລະມັດລະວັງ, ຄ່ອຍໄປຄ່ອຍມາ ແລະ ປະຕິບັດກົດລະບຽບຈະລາຈອນດີຂຶ້ນ, ພ້ອມນີ້ ເຈົ້າໜ້າທີ່ ຍັງເຕືອນຜູ້ຂັບຂີ່, ຈົ່ງມີສະຕິໃນການຂັບຂີ່ພາຫະນະ, ເມົາແລ້ວບໍ່ຂັບ, ປະຕິບັດກົດລະບຽບຈະລາຈອນຢ່າງເຂັ້ມງວດ, ເພື່ອປ້ອງກັນອຸປະຕິເຫດ ທີ່ຈະເກີດຂຶ້ນໃນໄລຍະງານບຸນຕ່າງໆ.
No comments:
Post a Comment