ເມື່ອບໍ່ດົນມານີ້,
ໄດ້ມີພິທີລົງນາມວ່າດ້ວຍການສະໜອງການບໍລິການປິ່ນປົວສຸຂະພາບພາຍໃຕ້ລະບົບປະກັນສັງຄົມລະຫວ່າງຫ້ອງການກອງທຶນປະກັນສັງຄົມແຫ່ງຊາດກັບໂຮງໝໍຄູ່ສັນຍາໃນນະຄອນຫລວງວຽງຈັນຄື: ໂຮງໝໍມະໂຫສົດ, ເຊດຖາທິຣາດ, ມິດຕະພາບ 150 ຕຽງ
ແລະ ໂຮງໝໍ 103
ແລະ ໂຮງໝໍ
9 ຕົວເມືອງ, ເພື່ອປະຕິບັດອັດຕາມອບເໝົາປິ່ນປົວໃໝ່ຈາກຈໍານວນ 85 ພັນກີບມາເປັນ 125 ພັນກີບຕໍ່ຄົນຕໍ່ປີ ແລະ ມີການຈ່າຍເພີ່ມບາງລາຍການທີ່ມີຄ່າໃຊ້ຈ່າຍສູງໃຫ້ໂຮງໝໍ ຫລື ຜູ້ເກີດສິດໃນກໍລະນີມີການປິ່ນປົວ ແລະ ຜ່າຕັດເຊັ່ນ: ຜ່າຕັດສະໝອງແມ່ນໄດ້ຈ່າຍເພີ່ມ 1,5
ລ້ານກີບຕໍ່ຄັ້ງ, ຜ່າຕັດກະດູກໃສ່ເຫລັກຕ້ອງຈ່າຍເພີ່ມອີກ 50% ຂອງມູນຄ່າຜ່າຕັດຕໍ່ກໍລະນີ, ສ່ອງໄຟຟ້າຕ້ອງຈ່າຍເພີ່ມ 50% ຂອງມູນຄ່າຕໍ່ຄັ້ງ,
ກໍລະນີຜູ້ປະກັນຕົນປະສົບອຸບັດເຫດໃນການສັນຈອນດ້ວຍພາຫະນະທີ່ບໍ່ມີຄູ່ກໍລະນີທີ່ໄດ້ນອນໂຮງໝໍຈະ
ຈ່າຍເພີ່ມໃຫ້ໂຮງໝໍຈໍານວນໜຶ່ງລ້ານກີບຕໍ່ກໍລະນີ, ຄ່າເຄມີບຳບັດໃຫ້ຄົນເຈັບ 6 ຄັ້ງຕໍ່ປີຈ່າຍເພີ່ມ 50% ບໍ່ເກີນ 5 ລ້ານກີບ/ຄັ້ງ, ຄ່າຟອກໄຂ່ຫລັງ 5 ຄັ້ງ ຫລື ລ້າງໄຂ່ຫລັງໃຫ້ໂຮງໝໍ ຫລື
ຄົນເຈັບໃນວົງເງິນບໍ່ເກີນ 4 ລ້ານກີບຕໍ່ກໍລະນີ, ຄ່າປິ່ນປົວພະຍາດຊ້ຳເຮື້ອ ທີ່ມີຄວາມສ່ຽງໃນອັດຕາ 10 ພັນກີບຕໍ່ຄົນຕໍ່ປີ,
ຊຶ່ງຈະມີຜົນບັງຄັບໃຊ້ແຕ່ເດືອນຕຸລາ 2015 ຫາກັນຍາ 2016.
No comments:
Post a Comment