ຄະນະຜູ້ແທນສື່ມວນຊົນລາວປະກອບມີ: ສື່ສິ່ງພິມ, ວິທະຍຸ-ໂທລະພາບ, ຊຶ່ງນຳໂດຍທ່ານ ວິໄລທອງ ສີຊານົນ
ຫົວໜ້າສະຖາບັນສື່ມວນຊົນ, ວັດທະນະທຳ ແລະ
ທ່ອງທ່ຽວ, ໄດ້ສຳເລັດການຢ້ຽມຢາມ ແລະ
ທັດສະນະສຶກສາເພື່ອຖອດຖອນບົດຮຽນດ້ານວິຊາສະເພາະຢູ່ ສສ ຫວຽດນາມ ໃນວັນທີ 30 ກັນຍາຜ່ານມານີ້, ໂດຍປະຕິບັດຕາມການພົວ ພັນຮ່ວມມືລະຫວ່າງກະຊວງຖະແຫລ່ງຂ່າວ, ວັດທະນະທຳ ແລະ ທ່ອງທ່ຽວລາວ ແລະ ກະຊວງຖະແຫລງຂ່າວ ແລະ ການສື່ສານຫວຽດນາມ.
ຕະຫອດໄລຍະການຢ້ຽມຢາມ, ຄະນະສື່ມວນຊົນລາວ ໄດ້ເຄື່ອນໄຫວຢ້ຽມຢາມ ແລະ ຖອດຖອນບົດຮຽນກັບບັນດາສື່ມວນຊົນ ແລະ ຂະແໜງການກ່ຽວຂ້ອງຕ່າງໆເປັນຕົ້ນ: ກົມໂຄສະນາຕ່າງປະເທດ, ກະຊວງຖະແຫລງຂ່າວ ແລະ ການສື່ສານ ສສຫວຽດນາມ, ສະມາຄົມນັກຂ່າວຫວຽດນາມ, ພະແນກຖະແຫລງຂ່າວ ແລະ ການສື່ສານນະຄອນໂຮ່ຈີມິງ, ໜັງສືພິມປົດປ່ອຍໄຊງ່ອນ, ໜັງສືພິມຕຳຫລວດນະຄອນໂຮ່ຈີງມິງ,
ໜັງສືພິມກອງທັບ, ໂທລະພາບ VTV ແລະ ອື່ນໆ, ເຊິ່ງການຢ້ຽມຢາມແຕ່ລະບ່ອນນັ້ນໄດ້ມີການແລກປ່ຽນບົດຮຽນໃນຫລາຍບັນຫາ ໂດຍສະເພາະແມ່ນບົດຮຽນໃນການໂຄສະນາ
ຂໍ້ມູນຂ່າວສານທີ່ເປັນປະໂຫຍດແກ່ສັງຄົມ, ຂໍ້ສະດວກ ແລະຂໍ້ຫຍຸ້ງຍາກໃນການເຄື່ອນໄຫວວຽກງານຂອງສື່ມວນຊົນ, ການແຂ່ງຂັນລະຫວ່າງສື່ມວນຊົນທົ່ວໄປກັບສື່ອອນລາຍ, ການຕອບໂຕ້ການໂຄສະ ນາບິດເບືອນສຽດສີ ແລະ ການພັດທະນາຊັບພະຍາກອນມະນຸດ.
ໃນໂອກາດດັ່ງກ່າວ, ກໍໄດ້ໄປຢ້ຽມຢາມສະຖານທີ່ທ່ອງທ່ຽວທາງທຳມະຊາດ, ປະຫວັດສາດ
ແລະ ວັດທະນະ ທຳຈຳນວນໜຶ່ງເຊັ່ນ:ຢ້ຽມຢາມ ທຳນຽບປະທານປະເທດ, ພິພິທະພັນສົງຄາມນະຄອນໂຮ່ຈີມິງ, ຢ້ຽມຢາມບ້ານຖາຍແທັງ ຕາແສງເຖີຍເຊິນ, ເຊິ່ງເປັນບ້ານທີ່ມີຊື່ສຽງດ້ານການທ່ອງທ່ຽວ, ວິຖີ່ຊີວິດຂອງປະຊາຊົນຢູ່ຕາມແມ່ນ້ຳຂອງ, ອ່າວຮ່າລອງ ແລະ ສະຖານທີ່ສຳຄັນອື່ນໆຈຳນວນໜຶ່ງ.
No comments:
Post a Comment