ລາວ​ໂທລະ​ຄົມ​ມອບ​ອາກອນ​ກຳ​ໄລ​ງວດ III 2015 ​ໃຫ້​ລັດຖະບານ 16 ຕື້​ກີບ

​          

  ໃນ​ຕອນ​ເຊົ້າຂອງ​ວັນ​ທີ 2 ຕຸລານີ້ ກົມ​ສ່ວຍ​ສາ​ອາກອນ, ກະຊວງ​ການ​ເງິນ ​ໄດ້​ມີ​ພິທີ​ມອບ-ຮັບອາກອນ​ກຳ​ໄລ​ຈາກ​ຜົນ​ປະກອບ​ການ​ປະຈຳ​ງວດ III ປີ 2015 ຈຳນວນ​ 16 ຕື້​ກີບ ຂອງ​ລັດ​ວິ​ສາ​ຫະກິດ​ລາວ​ໂທລະ​ຄົມມະນາຄົມ​ລະຫວ່າງ ທ່ານ ຖາ ວອນ ສົມ​ສະກຸນ ຮອງ​ຜູ້ອຳນວຍການ​ໃຫຍ່​ຂະ​ແຫນງ​ຈັດຕັ້ງ-ບໍລິຫານ ​ແລະ ທ່ານ ປາ​ວະ​ລິດ ​ອ່ຽມອຳ່ ຮອງ​ຜູ້ອຳນວຍການ​ໃຫຍ່ ຂະ​ແຫນງ​ການ​ເງິນ ລັດ​ວິ​ສາ​ຫະກິດ ລາວ​ໂທ ລະ​ຄົມ ​ແລະ ຮັບ​ໂດຍ ທ່ານ ສັງວອນ ພັນທະວິ​ໄລ ຫົວຫນ້າ​ກົມ​ສ່ວຍ​ສາ​ອາກອນ, ກະຊວງ​ການ​ເງິນ.

ລັດ​ວິ​ສາ​ຫະກິດ ລາວ​ໂທລະ​ຄົມມະນາຄົມ ​ເປັນ​ບໍລິສັດ​ທຳ​ອິດ​ທີ່​ໃຫ້​ບໍລິການ​ໂທລະ​ຄົມມະນາຄົມ​ແບບ​ຄົບ​ວົງ​ຈອນ​ໃນ ສປປ ລາວ ທັງ​ເປັນ​ບໍລິສັດ​ຮ່ວມ​ທຶນ​ລະຫວ່າງ​ລັດຖະບານ ລາວ ກັບ​ນັກ​ລົງທຶນ​ຕ່າງປະ​ເທດ ຕາມ​ສັດສ່ວນ​ຖື​ຮຸ້ນ: ລັດຖະບານ 51% ​​ແລະ ຕ່າງປະ​ເທດ 49% ​ເວລາ​ໃດ​ກໍ​ຖື​ວຍກງານ​ການ​ປະຕິບັດ​ຖອກ​ເງິນ​ພັນທະ​ດ້ານ​ຕ່າງໆ​ຕໍ່​ລັດຖະບານ​ເປັນ​ບູລິ​ມະ​ສິດ​ສຳຄັນ ​ແລະ ຕົ້ນຕໍ​ໃນ​ການ​ດຳ​ເນີນ​ທຸລະ​ກິດ​ຂອງ​ຕົນ​ຕະຫລອດ​ໄລຍະ​ເວລາ​ເກືອບ 20 ປີຜ່ານມາ.