ໃນຕອນບ່າຍວັນທີ
20 ພະຈິກຜ່ານມານີ້, ຢູ່ທີ່ສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ, ຊຸດຝຶກອົບຮົມ “ ທັກສະການເຄື່ອນໄຫວເກັບກຳຂ່າວໃນເຫດການທີ່ສຳຄັນ” ໃຫ້ແກ່ສື່ມວນຊົນລາວ. ໂດຍການຊ່ວຍເຫຼືອຂອງກະຊວງຖະແຫຼງຂ່າວ ແລະ ສື່ສານຫວຽດນາມ, ໄດ້ສຳເລັດລົງໃນວັນທີ 20 ພະຈິກ ນີ້, ພາຍຫຼັງດຳເນີນມາເປັນເວລາ 5 ມື້, ຢູ່ທີ່ສະຖາບັນສື່ມວນຊົນ, ວັດທະນະ ທຳ ແລະ ທ່ອງທ່ຽວ. ໂດຍການເຂົ້າຮ່ວມຂອງນັກຂ່າວຂະແໜງການຕ່າງໆນັບທັງສູນກາງ ແລະ ທ້ອງຖິ່ນ, ເພື່ອແນໃສ່ຍົກລະດັບຄວາມຮູ້ຄວາມສາມາດ ແລະ ທັກສະຂອງນັກຂ່າວລາວໃນການເກັບກຳຂໍ້ມູນຂ່າວສານ ແລະ ການລາຍງານເຫດການທີ່ສຳຄັນຕ່າງໆໃຫ້ຖືກຕ້ອງວ່ອງໄວ
ແລະ ທັນເຫດ ການເພື່ອກຽມຮອງຮັບການເປັນປະທານອາຊຽນຂອງລາວໃນປີ
2016 ທີ່ຈະມາເຖິງ ແລະ ໃນສະເພາະໜ້ານີ້ ກໍ່ແມ່ນການໂຄສະນາໃຫ້ແກ່ວັນສະຖາປະນາ ສປປ ລາວ ຄົບຮອບ 40 ປີ
(2/12/1975 – 2/12/2015 ) ໃຫ້ມີບັນຍາກາດຝົດຝື້ນຍິ່ງຂຶ້ນ.
ການຝຶກອົບຮົມດັ່ງກ່າວໄດ້ດຳເນີນມາຢ່າງມີປະສິດທິຜົນຈາກການບັນລະຍາຍ ແລະ ນຳສົ່ງຄວາມຮູ້ ແລະ ບົດຮຽນຕ່າງໆ, ຂອງນັກວິທະຍາກອນຜູ້ມີປະສົບການຈາກ ສສ ຫວຽດນາມ, ພ້ອມນີ້ກໍເພື່ອແນໃສ່ ປະກອບສ່ວນພັດທະນາ ລາວໃຫ້ເຕີບໃຫຍ່ເຂັ້ມແຂງ.
No comments:
Post a Comment