ທະນາຄານ ຫວຽດຕິນ ລາວ ຈຳກັດ ໄດ້ນຳເອົາຂອງຂັວນຂອງທ່ານນາງ ຫງວຽນ ທິ ຢວານ ຮອງປະທານປະເທດແຫ່ງ ສສ
ຫວຽດນາມ,
ຊຶ່ງປະກອບມີ:
ຄອມພິວເຕີ້ ແລະ ຈັກຫຍິບ ຈຳນວນໜຶ່ງ ລວມມີມູນຄ່າຫລາຍກວ່າ 317 ລ້ານດົ່ງຫວຽດນາມ ມອບໃຫ້ໂຮງຮຽນພອນສະຫວັນ ແລະ ຊົນເຜົ່າ ແລະ ສູນພັດທະນາແມ່ຍິງພິການ, ເພື່ອປະກອບສ່ວນເຂົ້າໃນການພັດທະນາການສຶກສາຂອງລາວໃຫ້ມີຄຸນນະພາບດີຂຶ້ນເປັນລຳດັບ, ຊຶ່ງພິທີມອບ-ຮັບໄດ້ຈັດຂຶ້ນໃນຕອນເຊົ້າຂອງວັນທີ
23 ພະຈິກນີ້, ຢູ່ໂຮງຮຽນດັ່ງກ່າວ, ນະຄອນຫລວງວຽງຈັນ
ໂດຍມີທ່ານນາງ ແສງເດືອນ ຫລ້າຈັນທະບູນ ລັດຖະມົນ ຕີຊ່ວຍວ່າການກະຊວງສຶກສາທິການ ແລະ ກິລາ, ທ່ານ ຫງວຽນ ແມັງ ຮຸ່ງ ເອກອັກຄະລັກຖະທູດຜູ້ອຳນາດເຕັມແຫ່ງ ສສ
ຫວຽດນາມ ປະຈຳລາວເຂົ້າຮ່ວມນຳດ້ວຍ.
ທ່ານ ເລ ກວັກ ນາມ ອຳນວຍການທະນາຄານ ຫວຽດຕິນ ລາວ ຈຳກັດ ກ່າວໃນພິທີວ່າ: ເຄື່ອງຊ່ວຍເຫລືອດັ່ງກ່າວ ແມ່ນຂອງຂວັນອັນລໍ້າຄ່າຈາກ ສສ ຫວຽດນາມ
ທ່ານນາງ ຫງວຽນ ທິ ຢວານ ຮອງປະທານປະເທດແຫ່ງ ສສ
ຫວຽດນາມ,
ຊຶ່ງປະກອບມີ:
ຄອມພິວເຕີ້ 25 ເຄື່ອງ ມອບໃຫ້ໂຮງ ຮຽນພອນສະຫວັນ ແລະ ຊົນເຜົ່າ, ຈັກຫຍິບເຄື່ອງ, ໂຕະ-ຕັ່ງ ແລະ ອຸປະກອນການສຶກສາຈຳນວນໜຶ່ງ ມອບໃຫ້ສູນພັດທະນາແມ່ຍິງພິການ ລວມມູນຄ່າທັງໝົດປະມານ 317 ລ້ານດົ່ງ (ສະກຸນເງິນຫວຽດນາມ).
ທ່ານ ຄຳພຸດ ພົມມະສອນ ອຳນວຍການໂຮງຮຽນພອນສະຫວັນ ແລະ ຊົນເຜົ່າ ກ່າວສະແດງຄວາມຂອບໃຈຕໍ່ການຊ່ວຍເຫລືອ ກໍຄືຂອງຂວັນອັນລ້ຳຄ່ານີ້ຂອງຮອງປະທານປະເທດແຫ່ງ ສສ
ຫວຽດນາມ ທີ່ໄດ້ເຫັນເຖິງຄວາມຫຍຸ້ງຍາກຂອງນັກຮຽນ,
ແມ່ຍິງພິການຂອງລາວ ແລະ ຈະເປັນເງື່ອນໄຂອຳນວຍຄວາມສະດວກໃຫ້ແກ່ການສຶກສາຮ່ຳຮຽນຂອງໂຮງຮຽນພອນສະຫວັນແຫ່ງນີ້ ແລະ ສູນຄົນພິການລາວ ໃຫ້ມີຄຸນນະພາບດີຂຶ້ນ.
No comments:
Post a Comment