ກະຊວງຖະແຫລງຂ່າວ, ວັດທະນະທໍາ
ແລະ ທ່ອງທ່ອງທ່ຽວ(ຖວທ), ໄດ້ຈັດກອງປະຊຸມສໍາມະນາໃນຫົວຂໍ້ “ ນັກຂ່າວອາຊຽນລາຍງານຂ່າວກ່ຽວກັບງານບຸນໃຫຍ່ດ້ານວັດທະນະທໍາ” ຂຶ້ນໃນວັນທີ 23 ພະຈິກນີ້, ທີ່ນະຄອນຫລວງວຽງຈັນ, ໂດຍການເປັນປະທານຂອງທ່ານ ສະຫວັນຄອນ ຣາຊມຸນຕີ ລັດຖະມົນຕີຊ່ວຍວ່າການກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ແລະມີນັກຂ່າວ, ສື່ມວນຊົນຈາກປະເທດສະມາຊິກອາຊຽນເຂົ້ົາຮ່ວມເປັນຈໍານວນຫລາຍ, ເພື່ອເປັນການແລກປ່ຽນຄໍາຄິດຄໍາເຫັນກ່ຽວກັບງານບຸນວັດທະນະທໍາ, ຮີດຄອງປະເພນີ ແລະ ປະສົບການໃນການນໍາສະເໜີຂ່າວທາງດ້ານວັດທະນະທໍາຂອງຕົນ.
ທ່ານລັດຖະມົນຕີຊ່ວຍວ່າການຖວທ ກ່າວວ່າ: ການສໍາມະນາຄັ້ງນີ້ເປັນສ່ວນໜຶ່ງໃນການເຊື່ອມໂຍງດ້ານວັດທະນະທໍາເພື່ອກ້າວໄປສູ່ປະຊາຄົມອາຊຽນ, ທຸກປະເທດອາຊຽນແມ່ນອຸດົມສົມບູນໄປດ້ວຍ
ວັດທະນະທໍາ ແລະ ຮີດຄອງປະເພນີອັນດີງາມມາແຕ່ດົນນານ, ປະກອບດ້ວຍຫລາຍຊົນເຜົ່າ,ແຕ່ລະຊົນເຜົ່າລ້ວນແຕ່ມີວັດທະນະທໍາ, ພາສາປາກເວົ້ົ້າ, ເຄື່ອງແຕ່ງກາຍ, ວິຖີຊີວິດ, ຂະນົບທໍານຽມ ແລະ ຮີດຄອງປະເພນີທີ່ເປັນເອກະລັກຂອງຕົນ ແລະ ຢູ່ຮ່ວມກັນຢ່າງກົມກຽວໂດຍປັດສະຈາກຂໍ້ຂັດແຍ່ງໃດໆ, ສະນັ້ນສື່ມວນຊົນຈຶ່ງມີບົດບາດສໍາຄັນໃນການໂຄສະນາ, ເຜີຍແຜ່ໃຫ້ແກ່ມວນຊົນ, ນັກທ່ອງທ່ຽວທັງພາຍໃນ ແລະ ຕ່າງປະເທດຮັບຮູ້ເຂົາໃຈຂະນົບທໍານຽມຮີດຄອງປະເພນີອັນດີງາມຂອງແຕ່ລະປະເທດ, ເພື່ອພ້ອມກັນປົກປັກຮັກສາທາງດ້ານວັດທະນະທໍາຂອງແຕ່ລະປະເທດໃຫ້ຍືນຍົງຕະຫລອດໄປ.
ໃນໂອກາດນີ້,
ນັກສໍາມະນາກອນຍັງໄດ້ໄປທ່ຽວຊົມງານບຸນນະມັດສະການພະທາດຫລວງ, ເຊິ່ງເປັນງານບຸນໃຫຍ່ທາງດ້ານວັດທະນາທໍາ ແລະ ຮີດຄອງປະເພນີອັນດີງາມຂອງຊາດລາວມາແຕ່ດຶກດໍາບັນ, ພ້ອມຢ້ຽມຊົມວັດວາອາຮາມ ແລະ ສະຖານທີ່ວັດທະນະທໍາຕ່າງໆໃນນະຄອນຫລວງວຽງຈັນອີກດ້ວຍ.
No comments:
Post a Comment