ທ່ານນາງ ຜິວລາວັນ ຫຼວງວັນນາ ຮັກສາການປະທານສະມາຄົມນັກປະພັນລາວໄດ້ກ່າວໃນພິທີວ່າ: ນັບແຕ່ປີ 2007 ເປັນຕົ້ນມາ
ແລະ ປີນີ້ເປັນຄັ້ງທີ 6 ແລ້ວ, ຊຶ່ງລາວໄດ້ຮັບກຽດເປັນເຈົ້າພາບ ແລະ ມີນັກກາວີຈຳນວນ 12 ທ່ານ ຈາກ 6 ປະເທດທີ່ໄດ້ຮັບລາງວັນອັນຊົງກຽດນີ້ຄື:
ຈາກປະເທດໄທ
2 ທ່ານ ,
ຫວຽດນາມ 2 ທ່ານ, ກຳປູເຈຍ 2 ທ່ານ, ຈີນ 2 ທ່ານ, ມຽນມ້າ 1 ທ່ານ ແລະ ລາວ
3 ທ່ານ ຄື:(1)
ພະໄພວັນ ມາລາວົງ, (2) ທ່ານ ຈັນທະພອນ ວັນນະຈິດ,(3) ທ່ານ ຄຳແພງ ອ່ອນສາ
,ສຳລັບບົດຂຽນທີ່ໄດ້ຮັບລາງວັນໃນຄັ້ງນີ້ປະກອບມີ: ບົດປະພັນເລື່ອງສັ້ນ, ເລື່ອງຍາວ
ແລະ ບົດກາວີ,ຊຶ່ງລ້ວນແລ້ວແຕ່ໄດ້ຮັບການຄັດເລືອກຈາກຄະນະກຳມະການຂອງແຕ່ລະປະເທດ, ໂດຍພາຍໃຕ້ຄຳຂັວນທີ່ວ່າ: ” ສັນຕິພາບ, ການຮ່ວມມື, ມິດຕະພາບ ແລະ
ການພັດທະນາ”.
ຮັກສາການສະມາຄົມນັກປະພັນລາວກ່າວວ່າ: ລາງວັນວັນນະກຳແມ່ນ້ຳຂອງກໍ່ຕັ້ງຂຶ້ນໃນປີ
2006 ທີ່ຈະຄອນໂຮ່ຈີມິງ ປະເທດຫວຽດນາມ, ໂດຍແມ່ນສະມາຄົມນັກປະພັນຫວຽດນາມ, ລາວ ແລະ ກຳປູເຈຍ ເປັນຜູ້ລິເລີ່ມ ໂດຍແນ່ໃສ່ຊຸກຍູ້ສົ່ງເສີມການພົວພັນມິດຕະພາບ ແລະ ການຮ່ວມມືລະຫວ່າງສະມາຄົມນັກປະພັນ 6 ປະເທດລຸ່ມແມ່ນ້ຳຂອງໃຫ້ເຂົ້າສູ່ລວງເລິກ ແລະ ກວ້າງຂວາງກວ່າເກົ່າໃນການປະດິດສ້າງເພື່ອໃຫ້ໄດ້ມາຊຶ່ງບົດປະພັນທີ່ມາຄຸນຄ່າທາງສັງຄົມນັບມື້ມີຈຳນວນຫຼວງຫຼາຍ.
No comments:
Post a Comment