ກະຊວງຖະແຫລງຂ່າວ, ວັດທະນະທໍາ
ແລະ ທ່ອງທ່ຽວ ຮ່ວມກັບກະຊວງສາທາລະນະສຸກ
ຈັດກອງປະຊຸມເຜີຍແຜ່ຂໍ້ມູນກ່ຽວກັບພະຍາດດັ່ງກ່າວໃຫ້ແກ່ສື່ມວນຊົນທົ່ວໃນວັນທີ 10 ທັນວານີ້ ຢູ່ຫໍວັດທະນະທຳແຫ່ງຊາດ
ເພື່ອນໍາໄປໂຄສະນາ ໃຫ້ປະຊາຊົນນໍາເອົາລູກຫລານໄປຮັບຢາວັກຊິນ
ກັນພະຍາດໂປລິໂອ ໃຫ້ເດັກນ້ອຍຕໍ່າກວ່າ 15 ປີໃນທົ່ວປະເທດ
ເປັນ 3 ຮອບ, ຫ່າງກັນຮອບລະ 1 ເດືອນ
ໂດຍບໍ່ເສຍຄ່າ ຕາມສະຖານທີ່ບໍລິການສາທາລະນະສຸກໃກ້ບ້ານ ຫລື
ນໍາໜ່ວຍແພດເຄື່ອນທີ່ ເຊິ່ງທົ່ວປະເທດຈະເປີດຮອບການສັກຢາ-ຢອດຢາ
ພ້ອມກັນໃນວັນທີ 21-31 ທັນວາ 2015 ນີ້; ສຳລັບໃນເດືອນມັງກອນປີ 2016
ຈະເລີ່ມໃນວັນທີ 21-31 ແລະ ໃນເດືອນກຸມພາ ແມ່ນຈະເລີ້ມ ແຕ່ວັນທີ
21-28, ໃນນັ້ນ ສຳລັບເດືອນມີນາ ແມ່ນວັນທີ 21-31 ແມ່ນຈະສຸມໃສ່ 75 ເມືອງ
ທີ່ມີຄວາມສ່ຽງສູງ.
ພະຍາດໂປລິໂອ
ແມ່ນພະຍາດຊຶມເຊື້ອຮ້າຍແຮງຊະນິດໜຶ່ງທີ່ມີສາຍເຫດມາຈາກເຊື້ອຈຸລະໂລກໂປລິໂອ
ເຊິ່ງສາມາດເຮັດໃຫ້ຄົນທີ່ຕິດເຊື້ອມີອາການລ່ອຍກະທັນຫັນ ແລະ
ອາດເສຍຊີວິດໄດ້ພະຍາດດັ່ງກ່າວສາມາດສົ່ງເຊື້ອຈາກຄົນຫາຄົນໂດຍສໍາພັດກັບອາຈົມຂອງຄົນທີ່ຕິດເຊື້ອ.
ໃນປັດຈຸບັນນີ້ ໄດ້ມີການພົບພະຍາດໂປລິໂອ ຢູ່ໃນ ສປປ ລາວ. ພະຍາດນີ້
ແມ່ນບໍ່ສາມາດປິ່ນປົວໃຫ້ກັບຄືນເປັນປົກກະຕິໄດ້ຄືເກົ່າ, ແຕ່ສາມາດປ້ອງກັນດ້ວຍການຢອດຢາວັກຊີນກັນພະຍາດໂປລິໂອ
ໃຫ້ເດັກແຕ່ຕອນຍັງນ້ອຍເມື່ອໄດ້ຢອດຄົບ 3 ຄັ້ງ
ແລ້ວເດັກນ້ອຍກໍຈະຖືກປ້ອງກັນຕະຫລອດຊີວິດ.
No comments:
Post a Comment