47 ປີ ສຳນັກຂ່າວສານປະເທດລາວເຕີບໃຫຍ່ທັງປະລິມານ ແລະ ຄຸນນະພາບ

     ທ່ານ ສູນທອນ ຄັນທະວົງ ອຳນວຍການສຳນັກຂ່າວສານປະເທດລາວ ໃຫ້ສຳ ພາດຕໍ່ນັກຂ່າວພວກເຮົາເນື່ອງໃນໂອກາດວັນສ້າງຕັ້ງສຳນັກຂ່າວສານ ປະ ເທດລາວຄົບຮອບ 47 ປີ (6 ມັງກອນ 1968 - 6 ມັງກອນ 2015) ວ່າ: ເມື່ອຫວນຄືນອະດີດເຖິງປັດຈຸບັນ ແລະ ເຫັນວ່າການເຕີບໃຫຍ່ຂະຫຍາຍໂຕຂອງ ສຳນັກຂ່າວສານ ປະເທດລາວ ໄດ້ຕິດພັນຢ່າງສະໜິດແໜ້ນກັບພາລະກິດປະຕິວັດ, ຜ່ານຜ່າຄວາມທຸກ ຍາກນາໆປະການ ແລະ ເຮັດສຳເລັດໜ້າທີ່ການເມືອງທີ່ພັກ ແລະ ລັດມອບໝາຍໃຫ້ໃນແຕ່ລະໄລຍະ.

      ກ່ອນໜ້ານີ້ 47 ປີ ຄືວັນທີ 6 ມັງກອນ 1968 ຢູ່ເມືອງວຽງໄຊ ແຂວງຫົວພັນ ທີ່ໝັ້ນຂອງການປະຕິ ວັດລາວ, ທ່ານ ສຸພານຸວົງ ປະທານສູນກາງແນວລາວຮັກຊາດ ໄດ້ຕົກລົງສ້າງຕັ້ງສຳນັກຂ່າວສານປະ ເທດລາວ ໂດຍມີຊື່ ຫຍໍ້ວ່າ: “ຂປລ” ຫລື ພາສາຕ່າງປະເທດ “KPL” ເພື່ອເຮັດໜ້າທີ່ລາຍງານຂ່າວຢູ່ ພາຍໃນ ແລະ ຕ່າງ ປະເທດ ໂດຍທ່ານ ສີຊະນະ ສີສານ ກຳມະການຄະນະໂຄສະນາອົບຮົມວັດທະນະ ທຳຂອງສູນກາງແນວລາວຮັກຊາດ ເປັນ ອຳນວຍການຄົນທຳອິດ. ເບື້ອງຕົ້ນມີນັກຂ່າວ ແລະ ວິຊາການ 10 ກວ່າຄົນ ທີ່ເຮັດວຽກຕິດພັນຢູ່ກັບສະຖາ ນີວິທະຍຸກະ ຈາຍສຽງຂອງຝ່າຍປະເທດລາວ ໂດຍມີໜ້າທີ່ ເຄື່ອນໄຫວເກັບກຳຂໍ້ມູນ ແລະ ຂຽນຂ່າວໃຫ້ວິທະຍຸ ກະຈາຍສຽງຂອງ ຝ່າຍປະເທດລາວ ແລະ ໜັງສືພິມລາວຮັກຊາດ. ພ້ອມນັ້ນກໍກະຈາຍຂ່າວອອກສູ່ໂລກ ໃນລະ ບົບຄື້ນສັ້ນທີ່ເປັນພາສາອັງກິດ ໂດຍການ ຮ່ວມມືຊ່ວຍເຫລືອຂອງສຳນັກຂ່າວສານຫວຽດນາມ.

ສົກປີນີ້ ຂະແໜງສຶກສາຈະສຸມໃສ່ປັບປຸງຫລັກສູດການສຶກສາໃຫ້ມີຄຸນນະພາບດີກວ່າເກົ່າ

     ຄືດັ່ງທີ່ຮູ້ກັນແລ້ວວ່າ ວຽກງານປັບປຸງຄຸນນະພາບການສຶກສາໃນສົກປີຜ່ານ ມາ, ແມ່ນໄດ້ຮັບການ ເອົາໃຈໃສ່ ຫລາຍສົມຄວນ, ເຊິ່ງກະຊວງສຶກສາທິການ ແລະ ກິລາ ລວມທັງຄູ່ຮ່ວມພັດທະນາໄດ້ລົງທຶນຢ່າງຫລວງຫລາຍເຂົ້າໃນການ ປັບປຸງຫລັກສູດ, ຈັດພິມປຶ້ມແບບຮຽນ ແລະ ຄູ່ມືຄູເປັນຕົ້ນສຳເລັດການສ້າງ ໂຄງຮ່າງຫລັກສູດ ແລະ ສື່ການຮຽນ - ການສອນເສີມສຳລັບນັກຮຽນຊົນເຜົ່າຂັ້ນ ປະຖົມປີທີ 1 ແລະ 2, ພ້ອມນັ້ນ ຍັງໄດ້ກວດແກ້ຕົ້ນ ສະບັບປຶ້ມແບບຮຽນ ແລະ ຄູ່ມືຄູວິຊາພາສາລາວ, ຄະນິດສາດ, ຄຸນສົມບັດ ແລະ ໂລກອ້ອມຕົວສຳລັບຊັ້ນ ປ1 ແລະ ປ2 ເພື່ອຈັດພິມ ແລະ ແຈກ ຢາຍໃຫ້ໂຮງຮຽນປະຖົມສຶກສາໃນທົ່ວປະເທດ. ພ້ອມທັງໄດ້ສະໜອງອຸປະກອນ ທົດລອງໃຫ້ແກ່ສະຖາບັນສ້າງຄູ ແລະ ໂຮງຮຽນມັດທະຍົມສົມບູນຈຳນວນໜຶ່ງໃນຂອບເຂດທົ່ວປະເທດ.

     ແນວໃດກໍຕາມໃນສົກປີນີ້ ກະຊວງສຶກສາທິການ ແລະ ກິລາ ຈະສຸມໃສ່ສ້າງມາດຕະຖານຄຸນນະ ພາບ ແລະ ຄູ່ມືການ ນຳໃຊ້ສຳລັບການສຶກສາເດັກກ່ອນໄວຮຽນ, ຊັ້ນອະນຸບານ ແລະ ການສຶກສານອກ ໂຮງຮຽນ; ສ້າງ ເຄື່ອງມື ແລະ

ຜະລິດ​ຕະພັນ ຄຳ​ທະນະ​ພອນ​ໄດ້​ຮັບ​ຄວາມ​ສົນ​ໃຈຫຼາຍ​ໃນ​ງານ​ວາງສະ​ແດງ​ເຟີ​ນີ​ເຈີ​ລາວ

ການວາງສະ​ແດງ​ຜະລິດ​ຕະພັນ​ໄມ້ຄັ້ງທຳ​ອິດ​ທີ່​ມີຂຶ້ນແຕ່​ວັນ​ທີ 5 -11 ມັງກອນ​ທີ່ສູນການ​ຄ້າ​ລາວ​ໄອ​ເຕັກ, ນະຄອນຫຼວງວຽງຈັນ ນີ້, ​ໄດ້​ມີ​ຫົວໜ່ວຍ ຜະລິດ​ຕະພັນ​ເຟີ​ນີ​ເຈີ​ທີ່​ຜະລິດ​ຈາກ​ໄມ້, ຫວາຍ, ​ໄມ້ປ່ອງ ​ແລະ ​ເຄື່ອງ​ແກະ​ສະ​ລັກ​ໄມ້ ແລະ ຫົວໜ່ວຍຜະລິດ​ຕະພັນ​ເຄື່ອງ​ຫັດຖະ​ກຳ​ອື່ນ ເຂົ້າ​ຮ່ວມ​ເປັນ​ຈຳນວນຫຼາຍ ​ແລະ ໜຶ່ງ​ໃນ​ຜະລິດ​ຕະພັນ​ທີ່​ໂດດ​ເດັ່ນ ສາມາດ​ດຶງ​ດູດ​ຄວາມ​ສົນ​ໃຈ​ຈາກ​ຜູ້​ຄົນທີ່​ເຂົ້າ​ມາ​ຢ້ຽມຊົມ​ຜະລິດ​ຕະພັນ​ດັ່ງກ່າວ​ໄດ້​ດີ ແມ່ນຫ້ອງ​ວາງສະ​ແດງຜະລິດ​ຕະພັນ​ຂອງ​ບໍລິສັດ ຄຳ​ທະນະ​ພອນ ຄັວດ​ແກະ​ສະ​ລັກຫັດຖະ​ກຳ​ໄມ້​ຈຳກັດຜູ້ດຽວ ທີ່​ນຳ​ເອົາ​ຜົນງານ​ການ​ແກະສະລັກ ຮູບ​ສັດ​, ຄົນ ແລະ ​ເຄື່ອງ​ປະດັບ​ຕ່າງໆ.

ທ່ານ ວິລັດ ປັນຍາ​ລາດ ປະທານ​ບໍລິສັດ ຄຳ​ທະນະ​ພອນ​ໄດ້​ເວົ້າ​ວ່າ: ບໍລິສັດ​ຂອງ​ພວກ​ເຮົາ​ສ້າງ​ຂຶ້ນ​ປີ 2009 ເປັນຕົ້ນ​ມາ, ພາຍຫຼັງທີ່​ລັດຖະບານ​ໄດມີ ​ດ້ານ​ນະ​ໂຍບາຍ​ສົ່ງ​ເສີມ​ການ​ຜະລິດ​ເປັນ​ສິນຄ້າໂດຍ​ນໍ​າ​ໃຊ້​ວັດຖຸ​ດິບ​ທີ່​ເປັນໄມ້​ເສດ​

ບໍລິຄຳໄຊ-ຮ່າຕິ່ງ ຮ່ວມມືມ້າງຄະດີຢາເສບຕິດລາຍໃຫຍ່

            ກອງບັນຊາການ ປກສ ແຂວງບໍລິຄຳໄຊ ສປປ ລາວ ຮ່ວມກັບກອງບັນ ຊາການທະ ຫານຊາຍແດນ ແຂວງຮ່າ ຕິງ ສສ ຫວຽດນາມ ສະຫລຸບຖອດຖອນ ບົດຮຽນການມ້າງຄະດີຢາເສບຕິດລາຍໃຫຍ່ ແລະ ມອບໃບຍ້ອງຍໍຂັ້ນແຂວງ, ຂັ້ນກອງບັນຊາການ ໃຫ້ຜູ້ທ່ີມີຜົນງານດີເດັ່ນ ໃນການປະກອບສ່ວນມ້າງ ຄະດີດັ່ງກ່າວ ຢ່າງສົມກຽດ.

     ໃນທ້າຍອາທິດຜ່ານມານີ້ ກອງບັນຊາການ ປກສ ແຂວງບໍລິຄຳໄຊ ສປປ ລາວ ຮ່ວມກັບ ກອງບັນຊາການທະຫານຊາຍແດນແຂວງຮ່າຕິງ ສສ ຫວຽດນາມ ເປີດກອງປະຊຸມສະຫລຸບຖອດຖອນບົດຮຽນ ແລະ ມ້າງລາຍຄະດີ PT1 ( 461-LV) ຢູ່ຫ້ອງປະຊຸມກອງບັນຊາການ ທະຫານຊາຍແດນ ແຂວງຮ່າຕິ່ງ. ຝ່າຍລາວ ມີທ່ານນາງ ບຸນຍົງ ສີສຸວັນນະຄອນ ຮອງເຈົ້າແຂວງໆບໍລິຄຳໄຊ, ທ່ານ ພັນເອກ ດຣ. ທອງແດງ ຄຳພິທູນ ຫົວໜ້າກອງບັນຊາການ ປກສ ແຂວງບໍລິຄຳໄຊ ພ້ອມ ດ້ວຍຄະນະ ແລະ ຝ່າຍ ສສ ຫວຽດນາມ ມີທ່ານ ພົນໂທ ຫງວຽນ ຈົງຫາຍ ຫົວໜ້າທະຫານຊາຍແດນແຫ່ງຊາດ, ທ່ານ ພັນໂທ ວໍ ເຖື່ອນຫາຍ ຫົວໜ້າກອງບັນຊາການ ທະຫານຊາຍແດນ ແຂວງຮ່າຕິ່ງ ພ້ອມດ້ວຍຄະນະ.

ເປີດ​ສູນ​ຮັກສາ​ສຸຂະພາບ​ດ້ວຍ​ທຳ​ມະ​ຊາດຢູ່​ນະຄອນຫຼວງ​ວຽງ​ຈັນ

  ວັນ​ທີ 6 ມັງກອນ​ນີ້​, ສູນ​ຮັກສາສຸຂະພາບ​ດ້ວຍ​ວິທີ​ທຳ​ມະ​ຊາດບີ​ລີ​ຍາ​ໄລ ຄລີ​ນິກປະ​ເທດ​ໄທ,​ ໄດ້​ເປີດ​ສູນ​ຂອງ​ຕົນ​ປະຈຳ​ລາວ​ຂຶ້ນ, ຢູ່​ບ້ານ​ທ່າ​ພະ​ລານ​ໄຊ ​ເມືອງ​ສີ​ສັດຕະ​ນາກ ນະຄອນຫຼວງ​ວຽງ​ຈັນ, ​​ຊຶ່ງທ່ານດຣ ກຳ​ພົນຜູ້​ບໍລິ ຫານ​ສູ​ນດັ່ງກ່າວ​ກ່າວໃຫ້ຮູ້​ວ່າ: ບີ​ລິ​ຍາ​ໄລ​ຄລີ​ນິກມີ​ເຄື່ອຂ່າຍ​ຢູ່​ຫຼາຍປະ​ເທດ​ໂດຍ​ສະ​ເພາະ​ຢູ່​ປ ​ເທດ​ໄທ, ​​ສຳລັບສູນ ຢູ່ລາວນີ້ມີຄວາມພິເສດຄື:ການ​ເອົາ​ວິທີ​ຮັກສາ​ສຸ​ຂະພາບ​ແບບ​ທຳ​ມະ​ຊາດ​ຂອງ​ພາກ​ຕາ​ເວັນ​ຕົກ​ກັບ​ຕາ​ເວັນ​ອອກ​ມາ​ປະສົມ​ປະສານກັນກັນ,ດ້ວຍ​ການປະເມີນ​ສຸຂະພາບ​ຄົນເຈັບດ້ວຍ​ເຄື່ອງມື​ກທີ່​ທັນ​ສະ​ໄໝ​ເພື່ອ​ໃຫ້​ຮູ້​ເຖິງ​ສາ​ເຫດຫຼື​ອາການ​ທີ່​ເປັນ​ຢູ່​ເພື່ອ​​ຮັກສາ​ໃຫ້ຖືກຕ້ອງ​ແລະ​ບໍ່​ເປັນ​ອັນຕະລາຍ,​ແຕ່​ສິ່ງ​ສຳຄັນ​ສູນ​ແຫ່ງ​ນີ້​ແມ່ນ​ເນັ້ນ​ໃສ່ບັນຫາທີ່​ຄລີ​ນິກທົ່ວ​ໄປ​ຍັງ​ບໍ່​ທັນໃຫ້​ຄວາມ​ສຳຄັນ​ເປັນ​ຕົ້ນຄວາມ ຕຸ້ຍທີ່​ເປັນສາ​ເຫດ​ໃຫ້​ເກີດ​ພະຍາດ​ຕ່າງໆ​ຕາມ​ມາດັ່ງ​ທີ່​ເປັນ​ຢູ່​ໃນ​ສັງຄົມ​ປັດຈຸບັນ,​​ໂດຍ​ທາງ​ສູນ​ຈະ​ມີ​ວິທີ່​ຮັກສາ​​ແບບ​ທຳ​ມະ​ຊາດ​ເປັນ​ຕົ້ນ​ແມ່ນ​ການ​ລ້າງ​ສານ​ພິດອອກຈາກຮ່າງ ກາຍ, ພ້ອມ​ທັງ​ບຳບັດ​ດ້ວຍ​ວິທີ​ຕ່າງໆ​ເຊັ່ນ: ກິນ​ອາຫານ​ທີ່​ປອດ​ສານພິດ,ພ້ອມ​ນັ້ນ​ຍັງ​​ຍັງ​ໃຫ້​ບໍລິການ​ຮັກສາ​ຄວາມ​ງາມ​ຂອງ​ແມ່ຍິງ​ດ້ວຍ​ວິທີ​ທຳມະຊາດ,ມີ​ຄວາມ​ປອດ​ໄພ .

ກຸ່ມບໍລິສັດໂຄລາວ ມອບເງິນປະກອບສ່ວນປະຕິສັງຂອນຫໍພະແກ້ວ

     ໃນວັນທີ 6 ມັງກອນນີ້, ຢູ່ຫ້ອງວ່າການນະຄອນຫລວງ, ກຸ່ມບໍລິສັດໂຄລາວ ໄດ້ມອບເງິນ ເພື່ອປະກອບສ່ວນ ສົມທົບທຶນເຂົ້າໃນການ ບູລະນະ ປະຕິສັງຂອນ ພິພິທະພັນຫໍພະແກ້ວ ຈຳນວນ 150 ລ້ານກີບ, ມອບໂດຍທ່ານ ນາງ ຖາວອນ ວົງສົມບັດ ປະທານກຸ່ມບໍລິສັດໂຄລາວ ແລະ ຮັບໂດຍທ່ານ ສາຍທອງ ແກ້ວດວງດີ ຮອງເຈົ້າຄອງ ນະຄອນຫລວງວຽງຈັນ, ທັງເປັນຜູ້ຮັບຜິດຊອບ ປະຕິສັງ ຂອນ ຫໍພະແກ້ວ, ພ້ອມດ້ວຍພາກສ່ວນກ່ຽວຂ້ອງເຂົ້າ ຮ່ວມ.

     ທ່ານຮອງເຈົ້າຄອງນະຄອນຫລວງວຽງຈັນ ກ່າວວ່າ: ການປະຕິສັງຂອນພິພິທະພັນຫໍພະແກ້ວເທື່ອນີ້ ຈະໃຊ້ ງົບປະມານ ຫລາຍກວ່າ 10 ຕື້ກີບ ແລະ ມາຮອດປັດຈຸບັນມີບັນດາບໍລິສັດຕ່າງໆ ເຂົ້າຮ່ວມປະກອບສ່ວນ ສົມທົບ ທຶນຫລາຍກວ່າ 1 ຕື້ກີບແລ້ວ. ນອກຈາກນີ້ ທ່ານຮອງເຈົ້າຄອງຍັງໄດ້ຮຽກຮ້ອງໃຫ້ທຸກພາກສ່ວນບໍລິສັດ, ຫ້າງ ຮ້ານ ແລະ ລັດວິສາຫະກິດ ຕ່າງໆເຂົ້າຮ່ວມສົມທົບທຶນຕື່ມອີກເພື່ອຮ່ວມກັນບູລະນະຫໍພະແກ້ວໃຫ້ມີຄວາມສວຍ ງາມ.

ຫລາຍ​ຮ້ອຍໂຄງການ​ນອກ​ແຜນ​ບໍ່​ສາມາດ​ຈັດ​ເຂົ້າ​ແຜນພັດ​ທະນາ​

     ກະຊວງ​ແຜນການ ​ແລະ ການ​ລົງທຶນ ​ເປີດ​ເຜີຍ​ໃຫ້​ຮູ້​ວ່າ: ພາຍຫລັງ​ສະພາ​ແຫ່ງ​ຊາດ​ໄດ້​ມອບ​ໝາຍ​ໃຫ້​ກະຊວງ​ແຜນການ ​ແລະ ການ​ລົງທຶນ ​ແລະ ກະຊວງ​ການ​ເງິນ​ກວດຄືນ ​ແລະ ສັງ​ລວມບັນດາ​ໂຄງການ​ນອກ​ແຜນ​ທີ່​ໄດ້ປະຕິ ບັດ​ກ່ອນ​ວັນ​ທີ 31 ທັນວາ 2011 ​ເພື່ອ​ລາຍ​ງານ​ໃຫ້​ສະພາ​ແຫ່ງ​ຊາດ​ພິຈາລະນາ​ຊັບຊ້ອນ​ຈັດ​ລຽງ​ເຂົ້າ​ໃນ​ແຜນ​ພັດ ທະນາ​ເສດ​ຖະກິດ-ສັງຄົມ​ໃນ​ແຕ່​ລະ​ສົກ​ປີ 2012-2013,ສ່ວນ​ໂຄງການ​ນອກ​ແຜນ​ທີ່​ເກີດ​ຂື້ນພາຍຫລັງ​ປີ 2012 ​ແມ່ນ​ສະພາ​ແຫ່ງ​ຊາດ​ຈະ​ບໍ່​ພິຈາລະນາ​ຮັບຮອງ.

     ສຳລັບ​ໂຄງການ​ນອກ​ແຜນ​ມີ​ທັງ​ໝົດ 732 ​ໂຄງການ,ມີ​ມູນ​ຄ່າ 4.776,7 ຕື້ກີບ,​ໃນ​ນັ້ນຂະ​ແໜງການ ​ແລະ ທ້ອງ​ຖິ່ນ ທີ່​ເປັນ​ເຈົ້າ​ຂອງ​ໂຄງການ​ໄດ້​ຄົ້ນຄວ້າສາມາດ​ເອົາ​ເຂົ້າ​ແຜນ​ສົກ​ປີ 2012-2013 ຈຳນວນ 137 ​ໂຄງ ການ ​ແລະ ​ເອົາ​ເຂົ້າ​ແຜນສົກ​ປີ 2013-2014 ຈຳນວນ 69 ​ໂຄງການ ​ແລະ ປັດຈຸບັນ​ຍັງ​ເຫລືອ 565 ​ໂຄງການ, ມີ​ມູນ​ຄ່າ​ສັນຍາ​ປະມານ 4.182,11 ຕື້ກີບ.ຂະນະ​ທີ່​ໂຄງການ​ນອກ​ແຜນ​ທີ່​ເກີດ​ຂື້ນ​​ໃນ​ປີ 2012 ​ເປັນຕົ້ນ​ມາ​ມີ​ປະມານ 359 ​ໂຄງການ,ມູນ​ຄ່າ 990 ຕື້ກວ່າ​ກີບ,​ເຊິ່ງປັດຈຸບັນ​ລັດຖະບານ​ພວມ​ຊອກ​ຫາ​ວິທີ​ແກ້​ໄຂ​ຢ່າງ​ເໝາະ​ສົມ.

ປີຜ່ານມາ​ມີ​ຜູ້​ເກີດ​ລູກ​ຢູ່​ໂຮງໝໍ​ແມ່ ​ແລະ ​ເດັກ​ຫລາຍ​ກວ່າ 7.700 ຄົນ

    ​ຊ່ຽວຊານ​ແພດ​ໂຮງໝໍ​ແມ່ ​ແລະ ​ເດັກ​ແດງ ​ໃຫ້​ຮູ້​ວ່າ: ​ໃນ​ປີ 2014 ມີ​ແມ່ຍິງ​ມາ​ໃຊ້​ບໍລິການ​ເກີດ​ລູກ​ຢູ່​ໂຮງໝໍ​ດັ່ງກ່າວ​ປະມານ 7.700 ຄົນ,​ໃນ​ນັ້ນ,​ເກີດ​ແບບ​ທຳ​ມະ​ຊາດ 6.600 ຄົນ,ຜ່າຕັດ​ອອກ 1.100 ຄົນ ​ແລະ ສິ່ງ​​ເປັນທີ່ໜ້າ​ພາກພູມ​ໃຈຂອງ​ພະນັກງານ​ແພດ​ໝໍ​ພວກ​ເຮົາ​ກໍ​ແມ່ນ​ແມ່ ​ແລະ ​ເດັກ​ ​ແມ່ນ​ມີ​ສຸຂະ​ພາບ​ແຂງ​ແຮງດີ ​ແລະ ບໍ່​ມີ​ກໍລະນີ​ການ​ເສຍ​ຊີວິດຂອງ​ແມ່ ​ແລະ ​ເດັກ ​ແຕ່​ຢ່າງ​ໃດ,​ເຊິ່ງຕົວ​ເລກ​ທີ່​ເພີ່ມ​ຂື້ນຄືດັ່ງກ່າວ​ນີ້,ສາມາດ​ຢັ້ງຢືນ​​ໃຫ້​​ເຫັນເຖິງ​ຄວາມ​ເຊື່ອ​ໝັ້ນຂອງ​ສັງຄົມ​ທີ່​ມີ​ຕໍ່​ວຽກ​ງານ​ສາທາລະນະ​ສຸກ​ຂອງ​ລາວ​ເຮົາ​ເວົ້າ​ລວມ,​ເວົ້າ​ສະ​ເພາະ​ກໍ​ແມ່ນ​ໂຮງໝໍ​ແມ່ ​ແລະ ​ເດັກ​ຂອງ​ພວກ​​ເຮົາ,​​ເຊິ່ງ​ໃນ​ໄລຍະ​ຜ່ານ​ມາ,ພັກ ​ແລະ ລັດຖະບານ,​ໄດ້​ມີ​ນະ​ໂຍບາຍ​ເພື່ອ​ສົ່ງ​ເສີມ​ສຸຂະພາບ​ຂ​ອງ​ແມ່ຍິງ ​ແລະ ​ເດັກ​ຍ້ອນ ​ເປັນຕົ້ນ:ການ​ເກີດ​ລູກ ​ແລະ ການ​ປິ່ນປົວ​​ເດັກນ້ອຍ​ລຸ່ມ 5 ປີໂດຍ​ບໍ່​ເສຍ​ຄ່າ ​ແລະ ການ​ບໍລິການອື່ນໆ.ນອກຈາກ​ນີ້,ຕາໜ່າງສາທາລະນະ​ສຸກ​ກໍ​ໄດ້​ຂະຫຍາຍ​​ໄປ​ຢ່າງ​ກວ້າງຂວາງ​ໃນ​ຂອບ​ເຂດ​ທົ່ວ​ປະ​ເທດ,ອຸປະກອນ​ຮັບ​ໃຊ້​ທາງ​ການ​ແພດກໍ​ມີ​ຄວາມ​ທັນ​ສະ​ໄໝ,ການ​ບໍລິການ​ຂອງ​ແພດ​ໝໍ​ກໍ​ມີ​ຄວາມ​ວ່ອງ​ໄວ ​ແລະ ຄຸນ​ນະພາ​ບຂອງ​ການ​ປິ່ນປົວ​ກໍ​ນັບ​ມື້ດີຂຶ້ນ​ເທື່ອ​ລະ​ກ້າວ ​ແລະ ມາ​ຮອດ​ປັດຈຸບັນ​ບັນນີ້,​ເຫັນ​ວ່າຄົນ​ລາວ​​ໄປ​ປີ່​ນປົວ​ ຫລື ​ເກີດ​ລູກຢູ່​ຕ່າງປະ​ເທດ ກໍ​ມີ​ທ່າ​ອ່ຽງຫລຸດ​ນ້ອຍ​ລົງ​ເມື່ອ​ທຽບ​ກັບ​ຊຸມ​ປີຜ່ານມາ,​ເນື່ອງ​ຈາກ​ວຽກ​ງານ​ສາທາລະນະ​ສຸກຂອງ​ລາວ​ເຮົາ​ໄດ້​ມີ​ການ​ພັດທະນາ,ບັນດາ​ໂຮງໝໍ,ຄລີ​ນິກ ກໍ​ໄດ້​ຮັບ​ການ​ປັບປຸງ​ຄຸນ​ນະພາ​ບ ​ແລະ ການ​ບໍລິການ​ດີ​ຂື້ນ​ເລື້ອຍໆ.