ການຈັດຕັ້ງປະຕິບັດໂຄງການກໍ່ສ້າງເຂື່ອນໄຟຟ້ານ້ຳງື່ມ 1 ພາກຂະຫຍາຍມີຄວາມຄືບໜ້າເກືອບ 29% ແລະ ຄາດວ່າຈະສຳເລັດສົມບູນພາຍໃນປີ
2017.
ທ່ານ
ວິຣະພົນ ວິຣະວົງສ໌
ລັດຖະມົນຕີຊ່ວຍວ່າການກະຊວງພະລັງງານ ແລະ ບໍ່ແຮ່ ພ້ອມຄະນະ ໄດ້ລົງເຄື່ອນໄຫວຢ້ຽມຢາມ ແລະ ກວດກາວຽກກໍ່ສ້າງໂຄງການເຂື່ອນໄຟຟ້ານ້ຳງື່ມ 1 ພາກຂະຫຍາຍຢູ່ເມືອງແກ້ວອຸດົມ ແຂວງວຽງຈັນ ເພື່ອຕິດຕາມກວດກາສະພາບຄວາມພ້ອມ ແລະ ຄວາມເປັນລະບຽບຮຽບຮ້ອຍຂອງການກໍ່ສ້າງຂອງຜູ້ພັດທະນາໂຄງການ ແລະ ໃຫ້ຮັບປະກັນທາງດ້ານມາດຕະຖານເຕັກນິກ.
ທ່ານ
ດາວວຽງ ສຸນັນທະລາດ ຮອງຫົວໜ້າໂຄງການດັ່ງກ່າວ ໄດ້ລາຍງານຕໍ່ລັດຖະມົນຕີຊ່ວຍວ່າການກະຊວງພະລັງງານ ແລະ ບໍ່ແຮ່ ຊາບວ່າ: ໂຄງການດັ່ງກ່າວແມ່ນລັດວິສາຫະກິດໄຟຟ້າລາວເປັນຜູ້ພັດທະນາ ແລະ ບໍລິສັດ
DONGFANG ELECTRIC INTERNATIONAL COR PORATION ເປັນຜູ້ຮັບເໝົາກໍ່ສ້າງໃນມູນຄ່າ 122 ລ້ານກວ່າໂດລາສະຫະລັດ ເຊິ່ງເລີ່ມແຕ່ວັນທີ
20 ທັນວາ 2014 ຜ່ານມາ
ແລະ ຄາດວ່າຈະໃຫ້ສຳເລັດໃນເດືອນທັນວາ 2017 ທີ່ຈະມາເຖິງນີ້.
ຮອງຫົວໜ້າໂຄງການດັ່ງກ່າວ ແຈ້ງວ່າ: ເພື່ອແນໃສ່ເພີ່ມແຫລ່ງຜະລິດພະລັງງານໄຟຟ້າຈາກກຳລັງຕິດຕັ້ງເດີມ 155 ເມກາວັດ (MW) ຂຶ້ນເປັນ 235 ເມກາວັດ (MW) ເພື່ອຕອບສະໜອງຄວາມຕ້ອງການນຳໃຊ້ພາຍໃນປະເທດ ແລະ ສົ່ງອອກ. ນອກຈາກນີ້ ຍັງເປັນການເພີ່ມແຫລ່ງຜະລິດພະລັງ ງານໄຟຟ້າພາຍໃນປະເທດສູງສຸດ (Peak Load) ເພື່ອຫລຸດຜ່ອນການນຳເຂົ້າພະລັງງານດັ່ງກ່າວຈາກຕ່າງປະເທດ.
No comments:
Post a Comment