ພິທີເຊັນບົດບັນທຶກ ( MOU ) ສຶກສາຄວາມເປັນໄປໄດ້ໂຄງການຊົນລະປະທານລຸ່ມເຮືອນຈັກເຂື່ອນໄຟຟ້າເຊປ່ຽນ-ເຊນ້ຳນ້ອຍ (ແຂວງອັດຕະປື) ໄດ້ຈັດຂຶ້ນໃນວັນທີ 11 ມັງກອນນີ້, ທີ່ກົມຊົນລະ ປະທານ, ກະຊວງກະສິກຳ ແລະ ປ່າໄມ້, ລະຫວ່າງທ່ານ ໄມກອງ ພອນພົມມະນີ ຫົວໜ້າກົມຊົນລະປະທານ ແລະ
ທ່ານ ຊາງອີ ( Mr Zheng
Ye ) ອຳນວຍການບໍລິສັດຊ່ຽນທາຍກໍ່ສ້າງຂົວທາງ ແລະ ຊົນລະປະທານຈຳກັດ ໂດຍການເຂົ້າຮ່ວມຂອງທ່ານ ດຣ
ເພັດ ພົມພິພັກ ລັດຖະມົນຕີວ່າການກະຊວງການຕ່າງປະເທດ, ທ່ານ ດຣ ນາມ
ວິຍະເກດ ເຈົ້າແຂວງອັດຕະປື.
ທ່ານ ຫົວໜ້າກົມຊົນລະປະທານໃຫ້ຮູ້ວ່າ: ໂຄງການຊົນລະປະທານນຳໃຊ້ນ້ຳໃຕ້ເຂື່ອນໄຟຟ້າເຊປ່ຽນ-ເຊນ້ຳນ້ອຍ, ເມືອງສາມັກຄີໄຊ
ແຂວງອັດຕະປື, ເປັນຊົນລະປະທານແບບນ້ຳໄຫຼເອງ, ໂດຍການຈັດສັນນ້ຳຈາກໂຄງການໄຟຟ້າດັ່ງກ່າວໃຫ້ໄດ້ປະມານ 5 – 7 ແມັດກ້ອນ/ວິນາທີ ເພື່ອສາມາດສະໜອງນ້ຳໃຫ້ແກ່ເນື້ອທີ່ການຜະລິດໄດ້ປະມານ 6 ພັນກວ່າເຮັກຕາຕະຫຼອດປີ,
ຊຶ່ງກວມເອົາ 12 ບ້ານ ແລະ ປະມານ
2500 ກວ່າຄອບຄົວ, ນອກນັ້ນຍັງສາມາດຕອບສະໜອງນ້ຳໃຫ້ແກ່ບ້ານໃກ້ຄຽງອີກດ້ວຍ ແລະ ເພື່ອເຫັນໄດ້ຄວາມສຳຄັນດັ່ງກ່າວ, ລັດຖະບານຈຶ່ງໄດ້ຕົກລົງມອບໃຫ້ບໍລິສັດດັ່ງກ່າວເປັນຜູ້ສຶກສາຄວາມເປັນໄປໄດ້ທາງດ້ານເຕັກນິກ, ເສດຖະກິດ-ສັງຄົມຂອງໂຄງການ, ໂຄງການນີ້ແມ່ນນອນຢູ່ໃນຈຸດສຸມຂອງລັດຖະບານໃນການຜະລິດເຂົ້າເພື່ອຄ້ຳປະກັນສະບຽງອາຫານ ແລະ ຜະລິດເປັນສິນຄ້າ.
ທ່ານຫົວໜ້າກົມຊົນລະປະທານໃຫ້ຮູ້ອີກວ່າ: ເພື່ອເຮັດໃຫ້ການພັດທະນາຊັບພະຍາກອນນ້ຳດັ່ງກ່າວເກີດປະໂຫຍດແກ່ການປູກຝັງ, ລ້ຽງສັດ ແລະ ອື່ນໆຕາມມາດຕະຖານເຕັກນິກດ້ານຊົນລະ ປະທານກອ່ນຈະມີການພັດທະນາແຫຼ່ງນ້ຳໃດໜຶ່ງຕ້ອງໄດ້ມີການຈັດຕັ້ງປະຕິບັດຕາມຂັ້ນຕອນເຊັ່ນ: ສຶກສາຄວາມເປັນໄປໄດ້ຂອງໂຄງການວ່າມີຄວາມເໝາະສົມ, ຈຶ່ງກ້າວໄປເຖິງການສຶກສາສຳຫຼວດອອກແບບຢ່າງລະອຽດ, ຈຶ່ງລົງມືກໍ່ສ້າງ.
No comments:
Post a Comment