ກົມຄຸ້ມຄອງແຮງງານ, ກະຊວງແຮງງານ ແລະ ສະຫວັດດີການສັງຄົມໃຫ້ຮູ້ວ່າ: ການທີ່ເສດຖະກິດ-ສັງຄົມຂອງປະເທດໄດ້ຮັບການພັດທະນາ ແລະ ຈະເລີນເຕີບໂຕໄດ້ຢ່າງຢັ້ງຢືນນັ້ນ, ປັດໄຈໜຶ່ງທີ່ຂາດບໍ່ໄດ້ແມ່ນກຳລັງແຮງງານພາຍໃນປະເທດຕ້ອງໄດ້ມີສ່ວນຮ່ວມ ແລະ ຕ້ອງໄດ້ຮັບຜົນປະໂຫຍດຈາກການຈະເລີນເຕີບໂຕດັ່ງກ່າວ, , ແຕ່ໃນລະພາບ ແລະ ເງື່ອນໄຂຕົວຈິງຂອງປະເທດເຮົາແລ້ວ, ການທີ່ຈະເຮັດໃຫ້ກຳລັງແຮງງານໄດ້ເຂົ້າຮ່ວມ ແລະ ໄດ້ຮັບຜົນປະໂຫຍດນັ້ນ, ເຫັນວ່າຍັງມີຂໍ້ຈຳກັດຫຼາຍດ້ານຄື:
ແຮງງານສ່ວນຫຼາຍແມ່ນເຮັດວຽກຢູ່ຂະແໜງກະສິກຳທີ່ອາໃສ່ທຳມະຊາດເປັນສິ່ງກຳນົດຜົນຜະລິດຂອງເຂົາເຈົ້າ ແລະ ການທີ່ຈະຍ້າຍເອົາແຮງງານພາກກະສິກຳໄປສູ່ພາກອຸດສາຫະກຳ ແລະ ບໍລິການໃຫ້ພຽງພໍ
ແລະ ຮັບປະກັນດ້ານຄຸນນະພາບນັ້ນ. ຕ້ອງໄດ້ໃຊ້ເວລາດົນສົມຄວນ, ຈາກການສຳຫຼວດເຫັນວ່າຢູ່ປະເທດລາວເຮົາຈຳນວນກຳລັງແຮງງານທີ່ມີອາຍຸ 15 ປີຂື້ນໄປມີຈຳນວນເຖິງ 3,9 ລ້ານຄົນ, ໃນນັ້ນ 3 ສ້ານຄົນແມ່ນແຮງງານພາຍໃນປະເທດ ແລະ ເກືອບທັງໝົດແມ່ນຜູ້ທີ່ມີວຽກເຮັດງານທຳແລ້ວ, ເພາະອັດຕາການວາງງານມີພຽງ 1,5 % , ຈາກຜູ້ທີ່ມີວຽກເຮັດງານທຳທັງໝົດ 2,1 ລ້ານຄົນ, ໃນນີ້ເພດຍິງຫຼາຍກວ່າເພດຊາຍ ແລະ 71 % ແມ່ນເຮັດວຽກກະສິກຳ, ອຸດສາຫະກຳ 7% , ການຄ້າ 9% ເຮັດວຽກບໍ່ລິການ 20 % ແລະ 88 % ຂອງແຮງທັງໝົດແມ່ນເຮັກວຽກແບບອິດສະຫຼະ, ມີພຽງ 15 % ຂອງແຮງງານເທົ່ານັ້ນທີ່ເຮັດວຽກແບບມີເງິນເດືອນ, ອັນບັນຫາໜຶ່ງແມ່ນທັດສະນະຄະຕິທີ່ມີຕໍ່ຄວາມຮັບຜິດຊອບໃນວຽກງານຂອງແຮງງານລາວຍັງມີໜ້ອຍຊຶ່ງເກີດຈາກຫຼາຍປັດເປັນຕົ້ນແມ່ນການເຄີຍຢູ່ແບບທຳມະຊາດ, ຮີດຄອງປະເພນີ, ກຽດສັກສີ ແລະ ອີກດ້ານໜຶ່ງແມ່ນຄວາມຮັບຜິດຊອບຂອງສັງຄົມ, ໂດຍສະເພາະແມ່ນພາກລັດໃນການສ້າງສິ່ງອຳນວຍຄວມສະດວກໃຫ້ແກ່ການເຂົ້າເຖິງວຽກເຮັດງານທຳ, ລວມເຖິງການສ້າງປັດໄຈຕ່າງໆເພື່ອດຶງດູດແຮງງານລາວເຂົ້າສູ່ການມີສ່ວນຮ່ວມໃນການພັດທະນາຍັງມີຫຼາຍອັນພົບຄວາມຫຍຸ້ງຍາກນັ້ນ, ທັງດ້ານນິຕິກຳ ແລະ ການດຶງດູດການລົງທືນເມື່ອທຽບໃສ່ຄວາມຮຽກຮ້ອງຕ້ອງການຕົວຈິງຂອງປະເທດ. 
No comments:
Post a Comment