ທ່ານລັດຖະມົນຕີກະຊວງສາທາລະນະສຸກ ດຣ.
ບຸນກອງ ສີຫາວົງ ໃຫ້ສຳພາດໃນວັນທີ 23 ພຶດສະພານີ້ ເນື່ອງໃນໂອກາດວັນງົດສູບຢາໂລກ 31 ພຶດສະພາ ແລະ ວັນງົດຢາສູບແຫ່ງຊາດ ຄົບຮອບ 7 ປີວ່າ: ປັດຈຸບັນຢູ່ລາວມີຜູ້ເສຍຊີວິດຍ້ອນຢາສູບປະມານ 13 ຄົນຕໍ່ມື້, ຂະນະທີ່ຜູ້ສູບຢາທີ່ມີອາຍຸ 15 ປີ ມີຫລາຍກວ່າລ້ານຄົນ, ຈາກຄວາມອັນຕະລາຍດັ່ງກ່າວ ການສະຫລອງວັນງົດສູບຢາປີນີ້ຈຶ່ງມີຄຳຂວັນວ່າ: “ການພິມຄຳເຕືອນສຸຂະພາບທີ່ເປັນຮູບພາບໃຫຍ່ໃສ່ຊອງຢາສູບ” ເພື່ອສະແດງໃຫ້ເຫັນເຖິງຜົນຮ້າຍທີ່ເກີດຈາກການສູບຢາ ແລະ ການໄດ້ຮັບຄວັນຢາສູບ. ທຸກໆປີອົງການອະນາໄມໂລກ ແລະ ປະເທດພາຄີໄດ້ພ້ອມກັນກຳນົດນະໂຍບາຍ ແລະ ແຜນງານຕ່າງໆ ເພື່ອໃຫ້ການບໍລິໂພກ ຢາສູບຫລຸດລົງເທື່ອລະກ້າວ.
ທ່ານລັດຖະມົນຕີກະຊວງສາທາລະນະສຸກ ກ່າວວ່າ: ປັດຈຸບັນ ບັນດາປະເທດສະມາຊິກອາຊຽນໄດ້ອອກນິຕິກຳກ່ຽວກັບການພິມຄຳເຕືອນສຸຂະພາບທີ່ເປັນຮູບໃສ່ວັດຖຸຫຸ້ມຫໍ່ຜະລິດຕະພັນຢາສູບແລ້ວ. ດັ່ງນັ້ນ ຈຶ່ງຮຽກຮ້ອງມາຍັງຜູ້ດຳເນີນທຸລະກິດຜະລິດ ແລະ ນຳເຂົ້າຜະລິດຕະພັນຢາສູບຈົ່ງພ້ອມກັນຈັດຕັ້ງປະຕິບັດພັນທະສາກົນດັ່ງກ່າວຢ່າງເຂັ້ມງວດດ້ວຍ.
No comments:
Post a Comment