ກະຊວງພາຍໃນ ໄດ້ກຳນົດແຜນການຈຸດສຸມ ສົກປີ
2015-2016
ເພື່ອສູ້ຊົນຈັດຕັ້ງປະຕິ
ບັດໃຫ້ສຳເລັດໂດຍສະເພາະໃນຂົງເຂດການປົກຄອງບໍລິຫານ
ໂດຍຈະສືບຕໍ່ຄົ້ນຄວ້າສະເໜີຂັ້ນເທິງພິຈາ ລະນາ ກ່ຽວກັບວຽກງານປັບປຸງກົງຈັກການຈັດຕັ້ງຂອງລັດຖະບານ ເຊັ່ນ:
ການສັບຊ້ອນທີ່ຕັ້ງຂອງບັນດາຄະນະກຳມະການ, ອົງການທີ່ຂຶ້ນກັບຫ້ອງວ່າການສຳນັກງານນາຍົກລັດຖະມົນຕີ, ປັບປຸງພາ ລະບົດບາດການຈັດຕັ້ງ, ການເຄື່ອນໄຫວວຽກງານຂອງກົງຈັກການຈັດຕັ້ງ
ບັນດາກະຊວງ, ອົງການທີ່ຍັງບໍ່ທັນສຳເລັດ, ຄົ້ນຄ້ວາປັບປຸງຮ່າງກົດໝາຍວ່າດ້ວຍວຽກງານຄຸ້ມຄອງພົນລະເມືອງ, ຮ່າງຍຸດທະສາດພັດທະນາການປົກຄອງ ແຫ່ງ ສປປ
ລາວ ຮອດປີ
2020, ບໍລິຫານລັດ ຮອດປີ
2025, ບົດບາດ - ຍິງຊາຍໃນຂົງເຂດການປົກຄອງ
(2016-2020), ຮ່າງຍຸດທະສາດພັດທະນາພະນັກ ງານ-ລັດຖະກອນແຫ່ງ ສປປ
ລາວ ແລະ ຂົງເຂດ
ວຽກງານການປົກຄອງທ້ອງຖິ່ນ
ຈະສືບຕໍ່ຄົ້ນຄວ້າ, ປັບປຸງ, ສ້າງນິຕິກຳກ່ຽວກັບການປົກຄອງຂັ້ນຮາກຖານບ້ານ, ບ້ານໃນຕົວເມືອງ, ບ້ານໃນຊົນນະ ບົດ, ສ້າງບ້ານໃຫຍ່ເປັນຕົວເມືອງນ້ອຍໃນຊົນນະບົດ, ສືບຕໍ່ສົມທົບກັບພາກສ່ວນກ່ຽວຂ້ອງຢູ່ແຕ່ລະທ້ອງຖິ່ນ ໃນຂອບເຂດທົ່ວປະເທດ ເພື່ອທົບທວນຄືນການຈັດຕັ້ງປະຕິບັດວຽກງານເຂດເຊື່ອມຕໍ່ ລະ ຫວ່າງແຂວງກັບແຂວງ, ການຄຸ້ມຄອງເຂດເຊື່ອມຕໍ່ໃນຂອບເຂດທົ່ວປະເທດ, ສືບຕໍ່ສົມທົບກັບບັນດາແຂວງ ເພື່ອປະເມີນຜົນການປະຕິບັດວຽກງານຂອງຫ້ອງວ່າການປົກຄອງຂັ້ນແຂວງ ແລະ ສົມທົບກັບອົງການປົກຄອງແຂວງ ລົງຊ່ວຍປັບປຸງຫ້ອງວ່າ ການປົກຄອງຂັ້ນເມືອງ, ກວດກາການເຮັດວຽກ, ຈຳນວນບຸກຄະລາກອນ ປະກອບເຂົ້າໃສ່ແຕ່ລະຕຳແໜ່ງ ງານຂອງຫ້ອງການຕົນ.
ທ່ານ
ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ
ໄດ້ກ່າວໃນກອງປະຊຸມເຊື່ອມຊຶມ, ຜັນຂະຫຍາຍວິໃສທັດຮອດປີ
2030, ຍຸດທະສາດພັດທະນາໄລຍະ 10 ປີ
(2016-2025), ແຜນການ 5 ປີ (2016-2020)
ຂອງຂະແໜງພາຍໃນ
ແລະ ນິຕິກຳໃນຂົງເຂດບໍລິຫານລັດ ໃນວັນທີ 19 ພຶດສະພາ ນີ້ ຢູ່ ນະຄອນຫລວງວຽງຈັນ ຫລັງຈາກໄດ້ດຳເນີນມາເປັນເວລາ 2 ວັນ ວ່າ:
ຈະສູ້ຊົນເຮັດສຳເລັດວຽກງານຄຸ້ມຄອງພົນລະເມືອງ ດ້ວຍການສືບຕໍ່ປັບປຸງນິຕິກຳກ່ຽວກັບທະບຽນຄອບຄົວ, ການຄຸ້ມຄອງການຍົກຍ້າຍພົນລະເມືອງ ແລະ ປັບປຸງຄືນແບບຟອມຕ່າງໆ ກໍຄື ຂົງເຂດລັດຖະກອນ, ສືບຕໍ່ຊີ້ນຳການປັບປຸງ,
ພັດທະນາວຽກງານລັດຖະກອນໃຫ້ເປັນລະບົບ, ຍົກລະດັບ, ພັດທະນາລັດຖະ ກອນໃຫ້ມີຄວາມຊຳນານງານໃນດ້ານຕ່າງໆ ເພື່ອຮັບໃຊ້ປະຊາຊົນໃຫ້ມີຄຸນນະພາບໄປຄ່ຽງຄູ່ ກັບການໃຫ້ສຳເລັດໃນຂົງເຂດເຕັກນິກການປົກຄອງ ດ້ວຍການຈັດຕັ້ງເຜີຍແຜ່ດຳລັດວ່າດ້ວຍເອກະສານທາງການ, ແນະນຳດ້ານຫລັກການ, ວິທີການປົກປັກຮັກສາເອກະສານ ໃຫ້ແກ່ນັກວິຊາການສຳເນົາເອກະສານຂອງບັນດາກະຊວງ, ອົງການຂັ້ນສູນກາງ, ທ້ອງຖິ່ນ
ແລະ ສືບຕໍ່ທ້ອນໂຮມ, ເກັບກຳບັນຊີເອກະສານປະຫວັດສາດ ແຕ່ຂັ້ນສູນກາງ, ທ້ອງຖິ່ນໂດຍສົມທົບກັບວຽກງານຂົງເຂດແຜນທີ່ ຄືລົງເກັບກຳຂໍ້ມູນລາຍລະອຽດພາກສະໜາມ, ວັດແທກລະດັບສູງ, ຂຽນຊື່ພູມີປະເທດ ແລະ ສະໜອງຂໍ້ມູນການສຳຫລວດ ວັດແທກ, ຮູບຖ່າຍທາງອາກາດ, ຂໍ້ມູນແຜນທີ່ຕ່າງໆ ໃຫ້ໄດ້ຕາມຄວາມຮຽກຮ້ອງຕ້ອງການຂອງສັງຄົມ.
No comments:
Post a Comment